الحقن المجهري

السلام عليكم ورحمة الله وبركاته
بنات الله يسعدكم تفاعلو مع موضوعي للفايدة من تجاربكم ونفيدبعض ونستفيد اول بقولكم شي اللي يراجعو مع الدكتور مازن بشارة قبل عيادته الجديده تتفقو كانت عملياته تنجح ونسبتها عاليه بعد العيادة الجديده صار الشغل على المنسقات وقلت نسبة النجاح انا تابعت مع الدكتور بلعيادات الحديثه وكانت مراجعتي مع الدكتوروهو يشوف التحاليل والتصرير ويكلمك الحمدلله نجحت عمليتي الاولى اللهم لك الحمد بس دحين صار الشغل كله ع المنسقات ومايعطو وجه اخلاقهم ماش وماترد على الرسايل والدكتور بس وقت العملية تشوفينة مره ماعجبني وضع العياده الجديدة حقته هيلث بلاس وغير عمليتي الاول كان السحب والترجيع بعيدكلينك وكان التعامل راقي جداً الممرضات وتروحي بغرفه العمليات بسرير وترجعي بسرير وماتحركي بعد الترجيع ساعتين على ظهرك وبالعيادة حقته تجي تاخذك بعربيه و10 دقايق فقط وقت الترجيع وتقومي وتجلسي على العربية وترجعك للغرفه وتقولك خلاص تقدري تخرجي وحاسه المنسقات هم سبب الفشل لانو يوم الابرة تفجريه نزل علي دم قليل ورسلهم بس سالت كثير او قليل ماتفاعلت وماقالت السبب وحده ماترد ورغم كنت ارجع مع دكتوره بطانه الرحم قالت اجلي الموضوع ابدا مو جاهزه البطانه عندك وقلت للمنسقه طنشت ماترد علي وكملو الموضوع وسويت العمليه وللاسف فشلت والحمدلله الله ماكتب بس حاسه هم السبب
الموضوع الاساسي اللي بكلمكم عنه انا افكر اغير الدكتور وابغي تحديد جنس من ترشحو لي بجدة افضل دكتور وافضل عياده ومختبر العيادة كويس وتجلسي وقت بعد الترجيع وايش رايكم بعيادة عيدكلينك من افضل دكتور فيها؟
ومن تجاربكم اعطونا وخلو الكل يستفيد افضل دكتور لتحديد الجنس او للعقم
بنات مهمم ( تجربه واسباب تكتبو تجاربكم ) واللي ماتعرف ترفع الموضوع لطفاً
*** وتعرفو اقدر ادخل ع الدكتورمو المنسقات واطلب منه العمليه بعيدكلينك مو بعيادته لانو والله هو ممتتاز وخلوق ومتفاعل وكلامه جبر خاطر ويعطي امل بس العيب ماصار مثل قبل ***
( صراحه مانفسي اغيرة بس للاسف عيادته ومنسقاته مابغي اكمل معه )
موضوعي طويل تحملوني والمهمم تعطونا افضل عيادة ودكتور عن تجربة