السلام عليكم حبيباتي
اكتب لكم هذا الموضوع للاستفادة انشاءالله للجميع
انا لما احمل من اول شهر ينزل الحمل ومايتم صار معاي هذا الشي خمس مرات تقريباً وبعدها لجات للحقن المجهري قلت يمكن عندي مشكلة ولا شي المهم في كل مره اسوي سحب للبويضات يكون في مشكلة فالرحم اما التصاقات او سوائل او احتقان فالرحم وكل مره شي وحتى البويضات لما يسحبونها يكونون اكثر من 10 مايتم منهم الا اثنين.
وكل مره اسوي ترجيع يفشل جربت يمكن اكثر من 6 مرات قلبي كان متعلق وايد والله لكن في كل مره اقول الحمدلله خيره ويمكن الله كاتب لي اللي احسن المهم اخر مره نفسيتي تدمرت حرفياً وبمساعدة زوجي الله يحفظه يارب ويرجعه بالسلامة خلاني اتجه للحجامة وسمعت اصلا قبلها ان الحجامة لها فوائد كثيرة منها ان تحسن النفسية وتساعد في انها تحسن من الرحم وحالته وامور كثيرة سويت 3جلسات وسبحان الله بعد ماخلصت 3جلسات سويت الترجيع قبل امس رجعلي الدكتور جنينين والحمدلله الحين باقي 8 ايام اسوي فحص الحمل والله يسهل ادعولي يابنات الله يرزقني ويرزق كل محرومه يآرب
وفي شغلة ثانية من ظمن البرنامج اللي اتبعته هالمره استخدمت الفيتامين د وواضبت على صلواتي وطبعاً مانسيت قيام الليل وصلاة الضحى وكنت اردد دايماً (رب لا تذرني فرداً وانت خير الوارثين) و (ياذا الجلال والاكرام أكرمني)
اتمنى انت هالموضوع يوصل لكل البنات اللي جربوا وفشلت تجاربهم اصبروا وان الله مع الصابرين والله العظيم عندي يقين ان جبر الله راح يكون عظيم وراح يعوضني عن كل كسرة نفس او دمعة نزلت مني 🌹🥰
الله يوفقني ويوفقكم جميعاً يارب 🤲
ام حمد29 @am_hmd29
عضوة جديدة
يلزم عليك تسجيل الدخول أولًا لكتابة تعليق.
الله يتمم لك ع خير انا بعمل حقن مجهري واول مره اسويه ويارب تيسر لي ويتكب لي ولك حمل سليم يارب
ام حمد29
•
الله يتملك على خير وان شاءالله تجي تبشرينا بحملك ومابعد الصبر إلا الفرج جربتي الرقية ؟؟الله يتملك على خير وان شاءالله تجي تبشرينا بحملك ومابعد الصبر إلا الفرج جربتي الرقية ؟؟
نعم ياقلبي مشيت على رقية فهد القرني وكل يوم فليل قبل ما انام اقرا الفاتحة 7 مرات وامسح على بطني وجسمي كامل
ام حمد29
•
الله يتمم لك ع خير انا بعمل حقن مجهري واول مره اسويه ويارب تيسر لي ويتكب لي ولك حمل سليم ياربالله يتمم لك ع خير انا بعمل حقن مجهري واول مره اسويه ويارب تيسر لي ويتكب لي ولك حمل سليم يارب
الله يسر امرك يارب ويبشرك بحمل قريب يارب 🌹
ام حمد29
•
ابشركم ياحبيباتي اني حامل بس ادعولي الله يثبته انشاءالله ويتمم علي بخير..
الله يرزق كل محرومة يارب ويسهل اموركم انشاءالله
الله يرزق كل محرومة يارب ويسهل اموركم انشاءالله
الصفحة الأخيرة
ومابعد الصبر إلا الفرج
جربتي الرقية ؟؟