الف شكر لكل اللي ردوا واللي ما قدروا يردون ......
وهذى ظاهره وفعلا الواحد من الغصه بيتكلم لانه المناظر ما ينسكت عنها ............
والله مناظر خبيثه...

الحمد الذي عافانا ,, والله أني أموت من الغصه والضيج يوم أشوف

هالأشكال , والمصيبه حتى المتزوجات تلقينها متعدله حق عرس

وإلاتقولين الليله ملجتها , وحاطه هالشدو الصارخ والشيله ماجنها موجوده

ووراها الخدامه تسحب العيال , بالله عليكم وين زوجها عنها؟؟!!

ومره كنا سايرين عمان , وفي نفس الفندق نزلوا عوايل

للأسف من بلادنا, والبنات من يعديهن المغرب لبسن التي

شيرت مال النوم , ومتغطيات بالوقايه البيضا مال

البيت , ويتحوطن في الفندق , تقولون بيتهم , ما جنه

متروس رياييل , والداهيه الأكبر أنه وياهم أبهاتهم ,

وخوانهم شباب كبار.

خلي عاد صياعة المفاعيص في السناتر.

الله يهديهم بس.

الله ياخذ هالاشكال من الدنيا ويفكنا منهم.. عنبو مافي حشيمة ولا حيا .. لهدرجة البنات صاروا يرخصون عمارهم.. الله يستر علينا بس.. وربي امووووووووووووت من القهر والغصة يوم اشوفهم وقلبي يحترق من داخل بس شو نسوي ماباليد حيلة... وخاصة عاد اني سمعت في دولة خليجية البنات صاروا يدقون عالشباب عشان شو ....؟؟؟ عشان بس يحطون رصيد لهم في موبايلاتهم لدرجة انهم ما يعرفونهم نهائي ... واعرف ناس شخصيا صارت لهم هذي الحركات واااااااااااااااايد وياما اسمع واشوف بعيني الله المستعان بس ...


:26:

تحياتي:
غيــــــــــــــــــــوض

استغفرالله ياربي
هذا اخر زمان تكثر فيه الفتن

ترا هذا كله يجي بسبب الاهل ثم الاهل ثم الاهل ،، وين الابو عنها ؟؟ يمكن هلاايام الابهات كلهم مشغوولين وسفر ورووحات ورجعاات وانا ابوي من هذوي يعني 24 ساعه مسافر بس في اخوان كبار ،، في ام
شدوورهم ؟
بس اسم فبطاقة العايله انهم اخواني ولا ايش ؟
انا الحين شكبري وامي ماتخليني اطلع السوق مع صديقاتي مو عدم ثقه بصديقاتي لكن النفس تشتهي يعني ودها تسوي اي شي !! ،،

وصادقه اختي الحين البنات هم اللي يروحوون يغازلون استغفرالله ياربي

بس انا مستغربه بالامارات كذا عندكم !!

انا كني سمعت قبل فتره اللي يغازل يكتبون اسمه بالجريده ولا ؟

بنات و الله انها ظاهرة تقهر بس لا تدعون عليهم بس ادعون لهن

الله يهديهن و يستر عليهن بس اهاليهن وين؟ و شحق تتزين للسوق

البنات الصغار ممكن نقول طايشات بس اللي يقهر زيادة الحريم الكبار

لا حول و لا قوة الا بالله العظيم