بسم الله الرحمن الر حيم
بصراحة انا اول مرة اشترك معاكم بس حبيت اقدملكم الصينيه دى حتعجبكم قوى وحتدعولى زوجى بيدمنها بس انا ماصورتهاش نبدا بسم الله
المكونات:
سمك بورى مصرى كبير حسب الكميه+ 2حبه بصل كبير + حبه طماطم + 2حبه فلفل رومى اخضر +ليمون + 2حبه بطاطس +شويه زيت +ملح +كمون مطحون + فلفل اسود مطحون +فلفل احمر مطحون +شويه كزبره مقطعه او مطحونه
الطريقه:
الاول باجيب السمك بانظفه جيدا ثم اغسله جيدا وافتحه نصفين ثم اقطع البصل والطماطم والفلفل الرومى والبطاطس شرائح مدورة واجيب الصينيه اللى حاعمل فيها واضع شويه زيت فيها ثم اضع شرائح البصل والطماطم والفلفل الرومى والبطاطس والكزبرة مقطعه ثم اضع السمك فوقهم واحط عليه شويه زيت وارش عليه ملح وفلفل اسود وفلفل احمر وكمون ثم ارش عليه الليمون واسيبه فترة بسيطه يشرب التتبيله ولو حبيتنى تضيفى عليه شويه روبيان مقطع قطع صغيره او سبيط بيبقى اروع واسخن الفرن وادخل الصينيه وعقبال ماتستوى الصينيه اعمل ارز ابيض معاه وتاكليه بالخضار تحت السمك حياخذ طمعه ويبقى جميل وبالهنا والشفا ياريت تجربوه حتدعولى انتظر ردودكم :angry:
جنى حماده @gn_hmadh
محررة
يلزم عليك تسجيل الدخول أولًا لكتابة تعليق.
الصفحة الأخيرة
يعطيك العافيه