الله يسعد صباحكم أخواتي الغاليات إن شاء الله تكونوا جميعكم بخير عافيه
أخواتي الكريمات
الكروشيه كتير فن راقي وجميل وعلشان هيك حبيت اني اعرضلكم اعمالي فيه وهاد اولها
ويارب يعجبكم
ورأيكم اكيد بيهمني
حبي لكم
عالموضوع
بصراحه أنا إحترت شو التلبيسه يلي أعملها وتكون من تصميمي
فكرت وفكرت وفكرت وطلعت النتيجه معي هي عمل غطاء على شكل سرير جميل
طريقة العمل
1_ نبدأ بعمل سلسله على طول علبة المناديل لأننا رح نعمل وجه العلبه على جزئين ثم نشبكهم مع بعض
2_نرتفع 1سلسله ونعمل غرزة حشو ونبعد 5سلاسل وبالغرزه ال6 نعمل 9 أعمده بلفتين في نفس الغرزه ونبعد 5سلاسل وبال6 نعمل غرزة حشو ونبعد 5سلاسل وبالسلسله 6 نعمل 9 غرز عامود بلفه ونبعد 5 سلاسل
ونعمل بال6 غرزة حشو وهكذا حتي ينتهي الدور بغرزة حشو
2_نرتفع 5سلاسل وبأول عامود من عواميد المروحه بالدور السابق نعمل عامودونترك آخر لفه من العامود بدون سحب وكمان تاني عامود وثالث عامود ورابع عامود ونترك آخر لفه بدون سحب على السنارهونعمل لفه ونسحبهم كلهم مع بعض ونعمل 5سلاسل وبالعامودال6 من المروحه نعمل غرزة حشو ونطلع 5سلاسل ونعمل عمل بباقي الأعمده وبين المروحتين ونطلع على المروحه التانيه لغاية ما يوصل عنا عدد الأعمده 9 أعمده وطبعا فيهم كلهم ما ناخد آآخر لفه وبعدين نسحبهم مره واحده ونعمل 5 سلاسل وغرزة حشو بالغرزه ال5 من المرروحه من الدور السابق ونرتفع 5 سلاسل ونكمل للنهاية الدور
3_نرتفع 5سلاسل وبنفس الغرزه يلي طلعنا منها السلاسل نعمل 4 أ عمده بلفتين ونمل غرزة حشو بغرزة الحشو يلي بالدور السابق ونعمل داخل الفتحه يلي إعملنا فيها ال9 أعمده مع بعض من الدور السابق نعمل فيها 9 أعمده بلفتين ونعمل غرزة حشو بغرزة الحشو ونكمل للنهايه
طبعا أخواتي الكريمات إحنا بنعمل للوجه قسمين وبعد ما نخلصهم بنشبكهم مع بعض من الأطراف فقط علشان فتحة العلبةوبعدين بنعمل عواميد بلفه حولين الوجه يلي عملناه وأنا رسمت لكم الباترون لحتى تفهمو ا علي أكتر
4_طبعا بعد ما عملنا الوجه ونا سب علبة المناديل رح نعمل الجوانب أنا عملت في هذا الدور عواميد خلفيه حول الوجه ووهيك بدأنا رحلة تلبيس جوانب العلبه بعد ما عملنا العواميد الخلفيه نعمل على رأس كل عامود بالدور السابق عامود بلفتين وهكذا كل الأدوار لحتى نوصل للطول المناسب
5_ بعد هيك رح نبدأ بسطر العواميد الخلفيه ونعد من بدايه الركن الأول للعلبه 5 أعمده وبالعامود السادس نلف عليه الخيط ونعمل غرزه ونمل 5سلاسل ونعمل بنفس الغرزه يلي اعملناها وطلعنا منها 22 عامود بلفتين وهذا رح يكون تزين مفرش السرير ونبعد10 سلاسل ونعمل بالعامود ال11 مروحه معكوسه تانيه من 22 غرزه و هكذا على داير المفرش
ننزل للسطر يلي وراه وبين المروحتين المعكوسات نعمل في العامود مروحه لكن باللون التاني نكمل المراوح لنهاية السطر
السطر ال3 _نعمل من بدايته يعني نعد 5سلاسل وبال6 نعمل المروحه المعكوسه وهيك بنكمل عمل المراوح المكوسه كل سط للنهايه
الآن رأس السرير عملت سلاسل على عرض العلبه وعملت في كل سلسله عامود بلفه وبعدين بدأت بعملية التجسيم بالإرتفاع حول هذه الأعمده ومن جوانبها ومن تحت بغرزة العامود والدور التاني نفس الشي فوق كل عامود غرزة حشو وطلعت فيهم للطول المناسب ث عملت مراوح تفصلها بعض غرز الحشو يعني ديكور بسيط
ثم قمت بحشو المجسم بالقطن ولفه من الطرفين وأغلقتهم مع بعض بغرزة الحشو
وقمت بتثبيتها على السرير ((يعني الغطاء يلي عملناه)) وهيك صار عنا راسية السرير
بعدين عملت المخدات أو الوسائد للسرير عملت واحده كبيره مستطيله (طبعا هم قطعتين مستطيله وشبكتهم مع بعض بغرزة الحشو وقمت بحشوها بالقطن ثم زينتها بالبيكو )
وعملت كمان المخدات الدائريه وهي عباره عن 5 سلاسل تقفل بمنزلقه ونرتفع 5 سلاسل ونعمل داخل الدائره 24 عامود بلفتين ونغلقهم بمنزله ونعمل دائره تانيه ونشبكهم مع بعض بغرزة الحشو ونقوم بحشوها بالقطن ثم نكمل نغلقها بمنزلقه وزينتها بغرزة البيكو
وكمان عملت القلب وكمان الكل بيعرفه أنا تعبت خلاص
وهذه هي النتيجه فظيعه
