الحقوا خلطة الريتن ايه والكوم طلعت...........

2"]هلا حبايبي
انا قريت عن الخلطة اللي فيها الريتن ايه والكوم والدوكين والكيلي وما أعرف شوهو الاخير
المهم رحت دكتورة جلدية قبل فترة وقالت لي ان لازم الحريم يستعملون الريتن ايه طول عمرهم لانه وايد مفيد للبشرة فهو يجدد خلايا البشرة الميتة ويشد الوجه ، يعني ويهج بعد العلاج ماشاء الله بس قالت ان معظم الحريم ما يقدرون يستعملونه باستمرار لانه حار شوي وما يصير وحدة توقف العلاج الا اذا حامل وقالت بعد لو تروحين باريس غالاري بتحصلين كريمات الليل معظمها فيها الريتن ايه بس اسمه العلمي مختلف يعني اذا حاولتي تدورين على المنتج الريتن ايه مابتحصلينه لان اسمه العلمي غير، الا اذا تسألين اي دكتور جلدي عن الاسم ، بس قالت الحمدلله طلع معاه كريم يديد اسمه ميبو وهذا الكريم يسعملونه حق اللي عندهم حروق فقالت الأن يقدرون الحريم يداومون على الريتن ايه طول العمر بخلطة مع الريتن ايه عند كل استعمال
و قالت ان مميزات كريم ميبو انه من أعشاب صينية طبيعية 100%
وممكن تحطينة اي مكان تحتاجين فيه ترطيب
وقالت المفروض انكم تعودون ابناءكم على استعماله كلما احتاج الطفل اليه
وممكن تحطينة على الحلمة والرضيع يرضع منه يعني مافي خطر و آمن جدا
وممكن تحطينة في الفم لعلاج الاتهابات

المهم انا لما قريت عن الخلطة اللي فوق رحت الصيدلية وسألت عن الكوم وقالو لي انه عبارة عن كورتيزون والمفروض يستعمل بوصفة طبية ............ فالسؤال هنا اللي تعرف عن أخطار الكورتيزون أو منافعة تفيدنا الله يرضا عليها

و سألت عن الالدوكين فقالوا انه يستحسن ان لا يسعمل أكثر من شهرين لانه يموت صبغة الميلانين وممكن البشرة بعدها ما تتحسن وتصير فيها بقع الله يعلم كيف شكلها

وياريت يكون هالموضوع للمناقشة وتفيدونا عن الكريمين الآخرنيين

وبالنسبة للكيلي ان قريت وحدة بالمنتدى كاتبة نسب الزئبق اللي في بعض الكريمات وخطورتها على البشرة وهو واحد من هالكريمات فما أدري هل قريتوه أم لا فأرجوا المراجعة
ويزاكم الله خير

:26: :26: :26: