أنا كنت وكما يسموني وأنا صغيرة زعيمة العصابة وكل يوم والثاني كسر بأيدي أو ريلي حتى أني دلوعة أمي وأبوي وإذا بغيت شي لازم أحصله لو بأي ثمن وعندي ألعاب الدنيا حتى أني ما كنت أنا بدون مرضعه حتى دخلت ثالث إبتدائي ولازم في حضن أبوي .
ولازم أمي تسبحني والله أنا أمي كانت تسبحني ليين سادس أبتدائي .

كانت ضعيفة وقصيرة جداً جداً جداً وأم كشهة كأني حاطه كاب على راسي من الكشه شيطااااااااااانه ودلوعة وحرامية كل يوم اسرق فلوس من كبت أمي وايوي أنوع عشان ما يجكوني وأعزم بنات الفريج على النخي لا بعد ما نخلص اخذ الصحن وأترسه رمل وأرده حك الهندي ومبذرة فظيعة غير هذا كله كنت خبيثة كل ما أنظرب أروح عند عمي أصيح له عشان يعطيني فلوس .

ومرة طحت من فوق اللوز والسبب :

أبوي كان طالع من البيت بيوصل وااحد وا،ا أصيح إلا يوديني معاه وهو يقول عبيب بابا بوصل الريال أنا لا لا لا إلا تودني معاك طبعاً ماطاع أنا :30: على طول ركبت فوق اللوز عشان أعفد عالسياره وأكسرها وأمي من شافتني قالت يعلج أطيحين وتنكسر أيدج والله ثواني ولا أطيح وتنكسر أيدي كسر كبير أحتاج أني اعمل عمليه وجبسو يدي سنة كاملة .

كنت وحش على شكل طفله حتى مره ابوي كان مطلع سيارة جديدة من الوكاله ووااقف مع عمومتي وعيالهم والأخت تحت ولد عمها الكبير أنا كنت في الروضة وهو صف رابع :27: عشان أبين شجاعتي جدامه أخذت سكين وشخطت سيارة أبوي اليديده بكل ثقة لكن شو :16: عصب أبوي ظربني ظرب خلاني ما أقدر حتى أصيح من الإحراج .


وكل ما تتزوج وحده من عايلتنا أنا أحب أخو العريس واقول ان عرسي معاهم ومرة ظربت بنت عمي ظرب لأن أخو ريل خالتي كان يحبها :30: غبيه .


والله لو أتكلم من اليوم ليين باجر ذكرياتي ما تخلص وكله مصايب .

مرة بعد ظربت بنت عمي وحكرتها لأنها قالت أنها ليدي مال الرسوم وأنا أنا ليدي أنتي سيده ملعقة ونظارب نتفت شعرها وطلعت عند الباب موتي أنا ليلي أنا ليدي أههههه مستحيل أنسى هالأيام .


وكنت فتانه بشكل فظيع مثلاً في رمضان أمي كانت تفطر لما تجيها الدورة وعلى الفطور كل العايلة تكون مجتمعه لما أمي تجلس تنتظر الأذان أنا أقول أنتي ليش ما تاكلين أنت مب صايمه وأنشر الخبر كل مكان حتى في المدرسة .


حتى مرة من المرات كنت زعلانه من وحده من صديقاتي لأن ظربتها طبعاً :30: وألحين اريد اسير لها البيت ما أعرف شو أسوي تعرفون شو سويت :
أخذت طقم أمي الذهب ورحت عندها البيت قلت لها هذا أمي عطته لأمج طبعاً تفرح البنت وأتسير عند أمها .بعدها أمي أكتشفت لأن الحرمه عرفت أن هذا خبالي وردت الطقم لأمي.