بس ضرررروري تترك جميع الحسابات الضاله وتتعلق بالله سبحانه وتكثر من التأمل النقى بجميل صنع الله سبحانه وقولي لها ان النفس بدون دين وبدون إيمان ستموت هما وغما فالاكتئاب اللي فيها طبيعي جدا نتيجة البعد عن الله عز وجل واسأل الله العظيم ان يثبت قلبها على دينه وان لايجعلها من الملحدين الذين خسرو الدنيا والاخره والله يكون بعونك ويرد لك بنتك المؤمنه اللي تميز الحق من الباطل

الله يهديها

الله يكون في عونك انتي في اختبار عظيم اصبري وكوني عون لبنتك لا تكونين ضدها

ماشاء الله واضح بنتك ذكيه وتفكر بكل شي لكن محتاجه من يرشدها في أمور ألتبست عليها

اول شي تسوينه اجلسي معاها واسمعي منها ايش هو الشي اللي خلاها تشك بوجود الله

واطلبي منها تقول لك الاشياء اللي بخاطرها ومحتاجه لاجابه وتوضيح بخصوص الدين

صدقيني بنتك بمرحلة مراهقه وسهل استمالة عقلها واقناعه والتلاعب فيه من اصحاب السوء سواء بالنت او المدرسه

وانتي كأم انصحك تكونين صبوره وافتحي اليوتيوب اسمعي مناقشات احمد ديدات مع الملحدين وكيف يقنعهم بالعقل والمنطق عشان ما تضعفين قدام بنتك

لكن كوني حذره في الرد على بنتك اذا بتحاورك وتناقشك لا تميلين للتشدد وكثرة التحريم والتخويف والترهيب لان هذا الباب كان راح يجرني لطريق بنتك والحمدلله نجيت منه لما عرفت الله حق معرفته وزاد ايماني بالله


انا اكثر شي نفرني هو مطاوعة الصياح والصراخ والتخويف اللي صورو لي رب العالمين بإنه يعذب ويعاقب ويحرق بالنار ويصب الرصاص بالاذن وماعلموني ان الله سبحانه وتعالى غفور رحيم وهو ارحم من الام على مولودها

كان افضل حل هو الرجوع للقرآن الكريم وتلاوته والتأمل في معانيه بكذا عرفت الله الحقيقي اللي انزل القران وخلقنا وخلق الاكوان وتركت كلام المطاوعه وتشددهم وتهويلهم


بنتك محتاجة توصل لمرحلة الايمان لان حالياً ايمانها بالله مهزوز وهش وماعرفت معنى الايمان الحقيقي

في فيديو من فتره شفته واحد راح لحلاق والحلاق يقول للزبون انا لا أومن بوجود الله لانه غير موجود ، الزبون خرج عند باب المحل وشاف رجال شعره طويل واخذه عند الحلاق وقال له انا لا ؤمن بوجود الحلاقين والحلاقين غير موجودين لانهم لو كانو موجودين كان مابقى احد شعره طويل ، قال الحلاق الرجال شعره طويل لانه هو مايجي للحلاقين ويطلب نحلق له ، فقال له الزبون كذلك الله موجود لكن انت ماجيت له وطلبته او تعرفت عليه .

العبره من القصه هذي ان بنتك لازم ترجع للقرآن الكريم فقط هذا اول باب يخليها تفكر بدون تشويش

في محاورات كثيره بخصوص الايمان بوجود الله لكن ما اقدر اسردها كلها لان بعضها مايحضرني وبعضها يطول كتابته

مثل الفيديو اللي ناقشو ملحدين ما يؤمنون بإن الله موجود وخلق الناس والكون واجرو معهم نقاش وطلبو منهم يجيبون من وين اقتنعو ان الانسان اصله حيوان قالو النظريه الفلانيه والكتاب الفلاني والعالم الفلاني فكان الرد عليهم يعني انتم مؤمنين بكلام عالم او نظريه او كتاب لكن ترفضون تكونون مؤمنين بالله !!

العبره من هذا النقاش مع الملحدين ان كل شي عشان تصدقه لازم يكون في داخلك إيمان فيه فكيف تؤمن بإنسان مثلك وبكتاب من صناعة البشر لكن ترفض انك تؤمن بالله اللي مافي مثله شي بهذا الكون .




كوني قويه وسلاحك القرآن والوسطيه والترغيب والاكثار من ترديد سماحة الدين ووسطيته وان الذنب يغفر وان الانسان عادي يغلط ويتوب رب العالمين يغفر

أولا ....هل بنت تقرأ كتب عن الحاد..؟!
هل تقرأ روايات هابطه ..؟!

هل تقرأ في موقع وكلام عن شكوك عن الدين أو إستهزاء وتهكم أوالقاء الشبهه في النفوس...؟!




انتظرك حتى نعالج المشكله بالطرق الصحيحه

انا دخلت تويتر وعمري 17 سنه وكنت متابعه اغلبهم عراقيين كانوا شيعه الأغلب اذكر من كثر مااقرأ تغريداتهم حسيت ان حياتنا غلط بدأت أشك انا على غلط بس الحمدلله ابوي شاف حسابي وضافني وماعاد دخلته الا لما دخلت الجامعه والحمدلله رجع عقلي