الحقوا يابنات <<<< ايميل جاني !!!

الحقوو يابنات

العرسان طارو من يديناا ):

لا اوصيكم تشعبطوو في اللي حولكم

كل وحده تشوف لها واحد وتنشن عليه

ولد عمها ولد خالها ان بغت السواق

كلوو عادي << مبدأ كلنا انسان

لاتصيرون عنصريات موب في صالحكم خخخخخ

ترى الجنس الخشن بدأ ينقرض

همّن عاد الين انقرضوو وش نسوي

نبحل بأعمارنا ؟

تسنعووووووو جعلكم اللي منيب قايلتها

واللي تعرس موب تحط في بطنهاا بطيخه صيفي

وتقول خلاص رجلي في جيبي

كوني زوجه ودوده

وتحركي مثل الدووده << اموت ع السجع وقسمن اني فلته وهـ بس

هالله هالله في هالعريس

لاتتحطمين ان كان شيفه

عادي كلهم كذا

الزبده حطيه في نن عينك

وان بغى يرف عينه قولي له لاا يااعمري انا ارفهاا عنك اخاف تتعب

وان بغى يتسند صيري له مركى

وان بغى يلعب بلوت صيري له الورقه

احتمال كبير تكون ردة فعله عكسيه

(( تخبرين شبابنا يستحوون " اممحق " ويعبرون عن مشاعرهم بشكل غلط ))

بس عادي مايخالف تحملي

وأهم شيئ .. تعلمي وشلون تطبخين مرقوق وجريششششش !!

تعرفين رجالنا يحبون الأكلات الستشمفينيه (( اتحدى احد يقراها ))

واللي تهد الحيل

بس نحن لهم بالمرصاد

لاتخيلنه يمسك عليك ولا غلطه

لأنه ان مسكها مهوب فاكها ابد

وان اعرس وقلتي له لييييه ؟ قال نسسسيتي يوم انك ......؟

وابلشي به عاد خخخخخخ

خاصة خاصة خاصة وقت الخطوبه

ياحياتي تلقينه شاب مثالي يصلي ويصوم وكل يوم يرمي للحمام اكل (( من باب الرفق بالحيوان ))

حنون ورومنسي

كل شوي ناط لك وفي يده ورده ويقول اشتقتلك

مثقف لأبعد الحدود

الشاب اللي في حاله

لو تقولين له كل تبـن يقولك فدااك ياعمري

واوول يوم تدخلين فيه بيته وتصيرين عروسته قدام الله وخلقه وخلاص ماهنا شيئ يخاف عليه


يجيك بكل حنان ويقوولك

نسسسسيتي يوم انك تقولين لي كل تبـن ؟

نعنبوو دارهم ماينسوون وحنا ياغافلين لكم الله

المووهيم نرجع لموضوعنا << هو فيه موضوع اصلا

ابتعدي ابتعدي ابتعدي

عن كل رجل يحمل الأعراض التاليه

1- نفرات في اللسان ، على مقدمة الخشم وفي وسط الجبهه

2- ظهور بعض الريش على اصابع يديه ورجلينه وبطنه وظهره ويامالك من الريش

3- اللي الين جاا يسولف ويبي يقول رحت للبقاله قال : رحت للبق بق بق بق بق بقااله

" بإختصار يكثر من حرفين الباء والقاف في كلامه "

4- يميل لإلتقاط كل شيئ في طريقه بلسانه .. وهذا اللي سبب له نفرات !

5- الين جا بعد العشاء رقد .. والين اذن الفجر قام يطامر

ابتعدي ابتعااد تام عن هذه الاصناف

لأنك بتنشبين لك بعريس مفلوووووز !!

وسلامتكن





وش رااااااااااااااااايكم نطبق ؟؟؟
هههههههههههه لووووو يموتون ما انهبلت عليهم كذا اللي كاتبه لي ربي بيصير صح يابنوتات