الحقوقي بموت من الهم زوجي شاف زوجه اخوه وانا مقهوره

السلام عليكم

انا لا مقهوره ولا ابكي ولا شي الحمد لله

بس أشوف كثير حريم اذا زوجها شاف وحده من حريم العائلة بالغلط تتجنن وتبكي وتزعل وأحيانا تسوي لزوجها مشكله

ليييييييييه

وش السبب

يعني اذا شاف زوجه اخوه بالغلط بيحبها وإلا وش السبب

ليش الغيره الجنونية هذي الموضوع مو مستاهل أبدا

شي طبيعي في بيت العائلة فلان يشوف فلأنه والعكس

انا ما أقول انه جائز مثلا لا والله انا اعرف انه حرام والحمو الموت

لكن لازم تسير مصادفات بالغلط هو بيدخل يأخذ شي او انتي قمتي تشوفين عيالك او اي موقف

اعتقد الشي هذا يسير كثير وفي كل بيت خصوصا في الجمعات

والله استغرب من اللي تسوي مشكله عشان زوجها شاف زوجه اخوه وإلا بنت عمه او خاله

كلنا نغار وانا اولكم لكن مو كذا

ويعني اذا منعتي زوجك يشوف اللي في البيت بتقدرين تمنعينه يشوف التلفزيون والنت والحريم في الشارع

ماراح تقدرين أبدا

وللعلم اكثر الأزواج اللي عيونهم زايغه هم اللي حريمهم حريصين عليهم بزيادة لان غالبا الرجال يعاند او يستفزك بالشي هذا

واللي يرفع الضغط اكثر اذا جات الوحدة تخاصم او تعاتب ليه زوجي شافك

ههههههههههههههه

انا هنا أموت ضحك

سلامات يا حبيبتي

وش زوجك هذا اللي ماله شبيه والعين عليه

وليه سوء الظن أصلا ليه تعتقدين انها متعمدة تطلع قدامه

ليه ماتاخذينها وتفهمينها بالشكل الصحيح انها مجرد مصادفه

وانتي بعد احيانا تطلعين قدام فلان او فلان بدون قصد او بشوفك بالغلط

ما فيها شي والله عالم بالنوايا

أكرر وأعيد ان الموضوع بالغلط مو قصد

أنتم اش رأيكم