الحقونا امي راح تقتلنا باسلوبها .الله يخليكم ادخلوا نبغى الحل اليوم

السلام عليكم ورحمة الله ؤبركاته
كيفكم كلكم يابنات
انا عندي مشكله واتمنى انوا احد يساعدني فيها

اختي اصغر مني ب3 سنوات اعطتنا فكره انوا كل واحد من افراد البيت يكتب عيب افراد البيت كل واحد ابتداء من ابوي الي اصغر وحده في البيت
كل واحد كتبها بدون مايعرف احد ايش كتب التاني غير اختي الي تجمع العيوب في ورقه وحده
وامس قالت لنا العيوب بدون ذكر من قال هذا العيب للاخر
وكان هدفها انوا نصلح عيوبنا
كلنا تقبلناها بصدر رحب :42: الا امي الله يهديها

كان من ضمن عيوبها
انها تشوف اخطاء الاخرين وماتشوف اخطاءها وناسيه الاخره
وهي فعلا عندها هالعيوب ومن ننصحها تزعل وتقول لنا انتم تورني الصح من الغلط وتنكدنا لمدة اسبوع واكثر وتندمنا عليها عشان قلنا لها هالعيب :11:
لكن اختي عرفت طبعها فكانت توافقها على كل حاجه عشان تتقي مشاكلها
فاستغلت هذي الفرصة جلسة العيوب وذكرت لها هالعيب وقالت لها فاأمي ماقصرت ندمتنا على هالجلسه وقالت انا تقولوا لي ( انا اشوف اخطاء الاخرين ومااشوف اخطائي وناسيه الاخره )
واختي خافت على نفسها وعلى امي لانها من الكبائر تعتبر عشان كذا استغلت هالفرصه

بتقولوا لي ايش هي هالكبائر : الغيبه- القذف - منانة - الكبر ومغرورة ....... في اشياء بس مااتذكرها الان

رغم والحق يقال هي تتابع برنامج (كيف نقرا القران ) في قناة اقرأ
وتدرس معاهم وتفهمها بس مش توب
وتقرا كتب دينيه

وشاغل بالها البيت هو و نظافته حتى في رمضان شاغلها عن العبادة تشوف انوا افضل لها البيت من كل شي

المشكله الان هي انها تبغي تعرف من قال لها هذا الكلام :06:
ومن امس هي تقول انا مااهمني الي كتب هالكلام عني لكن لو تشوف تصرفاتها تصرفات الاطفال :
1-مااتبغي تاكل ولا تغدت معانا
2-ماده بوزها شبرين
3-استجواب ولا استجواب FBI لكل الي في البيت وبقت اختي الي اقترحت هالشي ماسالتها لانها واثقه انوا مو ممكن اختي هي الي تكون قالت هالكلام
4-باليل قاعده تقول ياحسرتي باين انا ماجبت اولاد انتم اصلاأنتو تكرهوني وتبغوا موتي ......... :44:
الان ايش نسوي لو قالت لها اختي الحقيقه راح تنكد عليها في فترة الاختبارات وماراح تقدر تذاكر لاخواتي لانها كل ما شافتها راح ترمي عليه كلمه او ممكن تضربها
واذاسكتت اختي الين ما ينتهي اختبارات وما قالت لها راح تحسسنا بعقدة ذنب لكل البيت وخصوصا اختي لانها شاكه فيها رغم انها واثقه منها
اعطوني الحل ارجوكم بسرعه :(:(