أحلى الأيام !!! :

سبحان الله نفس مشكلة بنتي بالتمام قبل سنتين احتررق شعرها وصار يتفتت ويتساااقط بشكل كبيييير لدرجة انها بكت بحرررقة وبالاخير شعرها الطوووويل قصيته لحد الكتف ومن بعدها رحت ابحث عن العلاج وواحد اخصائي جلدية ربي يسعده يارب عن طريق النت الله يجزاه خير مدح لي الحنة الحمرا (الحنة العادية المعروفة وافضل نوع حنة المدينة ممتازة انصحك فيها ) والسدر وملعقة صغيرة من القرنفل الناعم .. اغلي البصل والثوم واصفيهم واستخدم مويتهم اعجنها بالحنة والسدر مع ملعقتين زبادي وملعقتين زيت ( عافية + جوز الهند وخروع ) وعلى طوووول استخدمها من الفروة لحد الاطراف مع التدليك تدليك الفروة 10 دقائق والاطراف تفركينها لحد ماتحسين بحرارة وبعدين غطي الشعر بنايلون وخليه من 2 - 4 ساعات على كيفك واغسلي الشعر بموية فقط وبعد ماينشف شوي دهني الشعر بتونك الفازلين لكن بدون لايوصل للجذور انتبهي !! وخليه ينشف تماما ومشطيه وبعدين لفيه كعكة ويوميا يوميا يوميا يعني كل يوم تعيدين الكرة لمدة شهر اي نعم شهر لانه يعتبر علاج مثل ما احنا نستعمل الدواء لما نكون مريضين الشعر برضو يحتاج في هاللحظة لانه تعبان ومريض وهذا كلام الاخصائي يعني مو كلامي انا قالي بالشكل هذا راح يرجع الشعر بسرررعة لوضعه الطبيعي وبيكثف وبيتوقف التساقط وراح يتعدل وووووو .. المهم انا استخدمته لمدة 13 يوم والله اذكره وكأنه قبل اسبوع هالكلام شعر بنتي خلال ال 13 يوم خف عنه التسااااقط وصار يتساقط 4 - 6 شعرات باليوم مو مثل اول خصل خصل تطييييح وبعدين والله ما اكذب عليك انه طااااال خلال هالايام ال13 ماشاءالله طوله نزل عن الكتف بشي بسييييط بس ماتوقعنا انه يطوووول ماشاءالله بهالسرعة المهم انا مااستمريت من بعدها بشكل يومي لاني مليت وصرت استخدم لها الحنة كل يومين وماشاءالله ةكثف اكثر واكثر مع الوقت ورجع شعرها مثل ماكان طبيعي اندومي جاااف ومنفوش وبعدين صرت ابحث عن النعومة كان نفسي انه يطلع مفرووود بدون مواد كيميائية يعني اشياء طبيعية تكون من المطبخ اوالثلاجة وكل مرة القى من هنا او المنتديات كذا خلطة بس مشكلتي ما استمر عليها لحد مالقيت وحدة منزلة تجربتها هنا وكانت مشكلتها نفس بنتي وانه مع خلطتها طلع شعرها كيرلي نااااااااااااااعم وطري وسهل التسريح والاكثر من هذا اللمعة وهي كانت مسوية برنامج عبارة عن خلطتين وتستخدمهم يومين ويوم راحة المهم الخلطة الاولى هي نفس خلطة الحنة الي انا ذكرتها وهذا باليوم الاول ولما تغسلين الشعر اغسليه بموية فقط وخليه ينشف وادهنيه بتونك وخليه ينشف تماما ومشطيه ولفيه كعكة وفي اليوم الثاني استخمي هالخلطة وهي اللي والله العلي العظيم غيرت شعر بنتي 180 درجة وتحول من منفوش جاف الى كيرلي ناعم طري سهل التسريح وكله لمعان والحين بيكمل سنه ونص وبدأ يطلع مفروووود ماشاءالله تبارك الله والخلطة هي ( زبادي - مايونيز - زبدة وسمن - زيت سمسم - زيت اللوز الحلو - املج مطحون من عن العطار قشور موز مجففة مطحونة - اكليل الجبل مطحون - زعتر بري مطحون - الاس مطحون - نشاءذرة - كاكاو - قهوة ونسكافه ) ومرة او مرتين بالاسبوع ضيفي ملعقة من فاشكول او بوناويل على الخلطة ... اقسم بالله اقسم بالله اقسم بالله انه هالاشياء هي الي غيرت شعر بنتي والله عمري ما استمريت على شي الا هالخلطة استمريت عليها ومازلت وصرت اضرب عصفورين بحجر يعني بدال مايكون يوم خلطة حنة ويوم خلطة زبادي صرت اخلطهم مع بعض والغيت وكنسلت موية الثوم والبصل وصرت اضيف على خلطة الزبادي نص ملعقة حنة ونص ملعقة سدر ومن جد ارتحت وكل يومين اعمل الخلطة واغسل شعرها بشامبو بانتين للشعر التالف الجاف وماشاءالله في كل مرة يتطور للافضل وعشان مايتساقط شعرها وتفاديا للتساقط هي تستخدم حمض الفوليك 5مل من سنة ونص ومازالت بس حاليا تستخدم حمض الفوليك 1 مل والحمدلله شعرها يجنن وكثيف وحتى بشرتها بسم الله عليها .. الان مع السيراميك والسشوار يطلع مثل شعر الفلبينيات ماشاءالله .. انتي خلي اختك تجرب الطريقة وباذن الله راح تنبسط صدقيني بس اهم شي تنتظم وتستمر ماتنقطع والا ماراح تحصل عالنتيجة والنتيجة تبان من رابع استعمال باذن الله موفقة ان شاءالله واسفة جدا عالاطالة واي استفسار انا حااااضرة

سبحان الله نفس مشكلة بنتي بالتمام قبل سنتين احتررق شعرها وصار يتفتت ويتساااقط بشكل كبيييير...