الحقونى انعدمت ملابس اطفالي والسبه غسيل الشغاله ... جزيتم خير ساعدونى ..!!

الغساله الاوتوماتيك لو بنت عمرها 10 سنين تقدر تشغلها ما يبيلها شي,و انتي غلطتي لما خليتي الشغاله تغسل الملابس لانها اكيد خلطت المبلابس البيضا و الملونه و حطت يمكن كميه كبيره من المنظف و هو اللي حرق الملابس,لازم تغسلينهم انتي بنفسك لان العمليه سهله حيل

شوفي ياقهوه حنا الآن في اجازه اغسلي انت الملابس قدامها مرتين ثلاث وقولي لها ابغى الغسيل زي كذا
واهم شئ تعرفه:
1-تفرق بين الغسيل الابيض والملون.
2-خليها تغسل ملابس عيالك بشامبو اومو للعبايات تراه مره زين مايخلي الملابس خصوصاً الجينز تكون شاحبه عكس مساحيق الغسيل.
3-تنانيرك وبلايزك خليها تغسلها علىيدها ايضاً بالشامبو.
ونصيحه أخيره الشغاله يبغالها متابعه وإشراف وهي تغسل لانها ولو لها سنين اذا مالقت متابعه بتحوس -إلامارحم ربي-

من تجاربي معاهم يالغالية
صرت أنا أغسل ملابسنا بنفسي والكوي وغسيل اليد عليها وأنا إلي أحددلها إلي تغسله على يدها
حاولي يالغالية إضغطي على نفسك وريحي بالك
انا مريضة وعاملة عمليات كثيرة ومبدلة بعض مفاصلي بمفاصل صناعية وعندي ديسك ومع ذلك أنا إلي أغسل الملابس بالغسالة
مرة وحده حاولت الشغالة تخدمني لأني كنت تعبانة مرة وغسلت ملابسنا من غير ما أقولها تبغى تريحني والله إنها خربت بعض الملابس الله يهديها
وقلت لها لا تعيدها
السوق مو جنب بيتي كل ماخربت عادي أشتري غيره
والكمال لله إذا كانت شغالتك شغلها 75% شيلي عنها 25% الباقية ومشي مركبك معاها وإشتري راسك..
وإمسكي مجنونك لا يجيك إلي أجن منه والله يسخرهم لنا..

^^
كلامك يابريز مقنع كنت شانه حمله على شغالتي لما قريت ردك عقلت
الله يشفيك ويعافيك ولايحيجك لاحد