لا والله انا مش هاممنى التعب ابدا تعبك راحه
بس رأى صح واحتمال الخطأ وارد كنت اتمنى حد يشاركنا الرأى
حتى نصل لافضل نتيجه
ودا يكون لصالحك وصالحى وصالح الجميع
اتمنى لك التوفيق يا قمر

شكرا على زوقك
خلاص انا هاعملها بالطريقه دى
اعمل الوردو وبعدين اشبكها مع بعض واشبكهم فى القاعده صح كده

شوفي حبيبتي ago الشنطة الفعلية واللي حطتها سهام زي ما قلتي تشبيك خلال العمل ...

بس طريقة ام حسين ما شاء الله تجنن وسهلة جداً وبرضه صح مش غلط ......

اذا عاوزه طريقة التشبيك خلال العمل ركزي معايا تماااااااااااااااااااام .....

تشبكي الخيط في عمود من اعمدة القاعدة ... وتطلع باربع سلاسل بمثابة اول عمود بلفتين ... بعدين تعملي 6 سلاسل اضافية عشان نعمل وسط الوردة .... وتقفلي الدائرة تبع الوسط في سادس سلسلة من جهة الابرة ( يعني حيكون معاكي اربع سلاسل كأول عمود و6 سلاسل مقفولة وعاملة دائرة اللي هي منتصف الوردة) ... بعدين اعملي بوسط الدائرة حشوة وحدة واطلعي بأربع سلاسل واشبكي بمنزلقة في نفس العمود من القاعدة اللي شبكنا فيه الخيط وطلعنا بأول اربع سلاسل ... وارجعي اعملي 4 سلاسل برضه ثم حشو داخل الدائرة .... كدة حتكوني عملتي اول بتلة من بتلات الوردة .... اطلعي بأربع سلاسل مرة ثانية ... سيبي 3 اعمدة من القاعدة واشبكي بمنزلقة في رابع عمود ... ثم اعملي عمود بلفتين داخل الدائرة (منتصف الوردة) .... ثم 4 سلاسل وبعدها حشو داخل الدائرة .... كده عملنا ثاني بتلة ... الحين اعملي 4 سلاسل ثم عمود بلفتين داخل الدائرة وحنروح للوردة الثانية ... وحنعمل 6 سلاسل ونقفلهم بمنزلقة في سادس سلسلة من جهة الابرة ودي حتكون وسط الوردة الثانية .... بعدين تطلعي 4 سلاسل وتسيبي 3 اعمدة من القاعدة وتشبكي في رابع عمود بمنزلقة ثم عمود بلفتين داخل الدائرة اللي عملناها مؤخراً ثم 4 سلاسل وحشو بوسط الدائرة ... كده عملنا اول بتلة للوردة الثانية .... تعملي اربع سلاسل وتسيبي 3 اعمدة من القاعدة وتشبكي في رابع عمود بمنزلقة ... ثم عمود بلفتين داخل الدائرة .. ثم 4 سلاسل وحشو داخل الدائرة .... وهذي ثاني بتلة .... تعملي 4 سلاسل ثم عمود بلفتين داخل الدائرة وتنتقلي للوردة الثالثة .... ونفس الطريقة تعملي 6 سلاسل وتقفليها بمنزلقة في سادس سلسلة من جهة الابرة ... وتكرري نفس الحركة ..... لاحظي انه بنعمل بتلتين ونص تقريباً من كل وردة ... عشان بعد ما نكمل السطر نطلع السطر اللي بعده ونعمل النص الباقي من الورود ....

تكرري الطريقة الى ان تكون عندك القاعدة بالشكل ده .....



حيكون الشغل في السطر الثاني بالمقلوب ... يعني الشغل مش دائري زي ما المفروض يكون في الشكل البيضاوي او الدائري ...

ركزي معي .... آخر وردة حتكون بالطريقة التالية .... بعد ما تعملي اول بتلتين تعملي 4 سلاسل ثم عمود بلفتين داخل الدائرة ثم 4 سلاسل ثم حشو داخل الدائرة .... وتكرري ... 4 سلاسل ثم عمود بلفتين داخل الدائرة ثم 4 سلاسل وحشو داخل الدائرة ... حيكون المجموع 4 بتلات ... نكرر كمان مرة عشان يكون عندنا 5 بتلات .... حيبقى معانا 4 سلاسل من آخر بتلة وهي اللي عملناها في السطر السابق لما انتقلنا من وردة لوردة ... تعملي 4 سلاسل وتشبكي بمنزلقة في رابع سلسلة اللي عملناها في السطر السابق ... ثم عمود بلفتين داخل الدائرة .... ونروح للوردة اللي بعدها ... تعملي 4 سلاسل وحشو داخل الدائرة .... ثم 4 سلاسل وعمود بلفتين داخل الدائرة و4 سلاسل وحشو داخل الدائرة .... وتكرري 4 سلاسل , عمود بلفتين داخل الدائرة , 4 سلاسل وحشو داخل الدائرة ... لين يصير عندك 5 بتلات ونص السادسة وتعملي زي ما عملنا اول ..... 4 سلاسل وتشبكي بمنزلقة في رابع سلسلة من السطر السابق ثم عمود بلفتين داخل الدائرة وكرري الحركة الي نهاية السطر ....

خلينا نوقف الى هذه المرحلة ... ان شاء الله يكون الشرح مفهوم ... جربي وقوليلي عشان نبدأ السطر اللي بعده .... ولو صعب عليكي اعملي طريقة ام حسين اسهل كثييييييييييييير .....


موفقة ....

ربنا يكرومك يا ام برهوم يارب ويجازيكى كل خير
انا فهمت ده كله وطبقته الحمدلله
ياريت لو بتكملى الشرح يعنى ازاى اعمل الصف التانى من الورود
وبجد مش عارفه اقولك ايه شكرااااااااااااااا جزيلا

ياااه انتى فين يا ام برهوم من الصبح
تسلم ايدك يا حبيبتى
وربنا يجعل جهدك فى ميزان حسناتك