الحقونيييييييي ...... الخليجيات فقط

هلا اختي ola اول شي كل عام وانتي بخير
انا راح اكتبلك مكبوس الدجاج وهذي طبخه كويتيه

المقادير:
1- 4 اكواب رز (لاتستخدمين الرز الامريكي) استخدمي مثلا رز تلدا
2- بصل مقطع صغير(بصله وحده للرز و4 للحشو)
3- دجاجه مقطعه اربع قطع
4- ماي ورد نصف كوب وتضعين معاه زعفران تقريبا نصف ملعقة اكل وتتركينه ينقع لمدة ساعه
5- بهارات (دارسين اعواد-مسماراعتقد اسمه قرنفل-وهيل حب-وملح-وليمون اسود مطحون-

الطريقه:
تضعين البصله المفرومه في القدر مع شويه من الدهن ملعقه تقريبا وتحركينها حتي تتحمر وضعي عليها الدجاج وحركيه وحطي البهارات اربع حبات هيل وحبتين مسمار ودارسين عودين كافي وحركيهم وبعدين ضعي الماي عليه والملح واتركيه حتي ينضج الدجاج تقريبا ساعه الا ربع وينضج وبعدين طلعي الدجاج وتكونين منقعه العيش بماي لمده نصف ساعه من قبل وصفي الرز عن الماء وحطيه في مرق الدجاج لازم مايغطي الماي الدجاج اكثر من سم تقريبا واتركيه على نار هاديه حتي ينضج وشوفي حبة الرز تكون ناضجه واذا نشف الماي والرز للحين ناشف زيدي عليه قليل من الماي اذا انتهى صبي ماي الورد مع الزعفران على الرز من فوق واتركيه علي النار الهاديه فتره بسيطه بس .

الحين طريقة الحشوه:
تاخذين البصل طبعا مقطع صغير مفرومه يعني وتحطينها بالمقلاة وتحركينها بدون زيت ولا شي بس البصل بروحه ومع التحريك حتي يصير لونها اصفر علي احمر وتحطين عليها قليل من الزيت ملعقتين تقريبا وتحركينها لما يذوب البصل وحطي عليه البهارات احنا عندنا بهارات كويتيه خاصه للحشو وتكون من الليمون الاسود المطحون والهيل المطحون والدارسين المطحون مخلوطين مع بعض وتحطينهم علي البصل ملعقه كبيره تقريباوتحركينهم وتكونين منقعه نصف كوب زبيب مع ماي دافي لمدة ربع ساعه وتحطينه علي البصل وتحركينه وما يخلص تحطينه علي الرز وتاخذين الدجاج اللي عندج وتقلينه بالدهن حتي يتحمر

طريقة تقديمه ترفعين الحشوه مع الزعفران علي صوب وتحطين الرز بصحن وتحطين الحشوه والزعفران فوقه وتحطين الدجاج بالنص وبالعافيه
واحنا نقدمه مع الصوص ونسميه عندنا الدقوس وطريقته سهله
تاخذين 4 ثومات مدقوقه وبصله مفرومه وتحطينهم بقدر صغير مع قليل من الزيت وتحركينهم حتي تتحمر وتكونين فارمه طماط تقريبا 4 بالخلاط وتحطينهم علي البصل والثوم وحطي قليل من الملح وليمونه سوده وحده اذا حبيتي وتخلينه علي النار حتي يثقل شوي واخر شي تحطين عليه الكزبره الخضراء

وانشاءالله تكون هذي الطريقه اللي تبينها والف عافيه وقوليلي اذا اضبطت معاج

مع تحياتي
اختج شوكليت :27:

وانتي بخير يا عسل

شكرا يا سكر على الوصفه الحلوه دي
حعملها واقوللك
تسلم ايديك