اخواتي السلام عليكم
عندي مشكله ولا لي الا انتم ياحبيباتي جعل كل وحده ردت علي ربي يفرج همها ويسر لها كل ماتمنت
طالبه الله ثم انتم تكفون يالمحررات ردو علي
اليوم فيه جمعه عند اختي الكبيره ورايحه انا وعيالي ومبسوطين بالمره ..المهم عندي بنت عمرها سبع سنوات وصحتها مليانه ملبستها تنوره فوق الركبه وشد احمر كل الساق قلت احمر يعني ياحبيباتي لونه غامق ..لي اخو يكبرني بسبع سنوات ملتزم ويحشر عمره في كل شي يعني طبيعته كل شي يلفت نظره الفتحه القصير البنطلون خصوصا على البنات الصغار مثل بنتي عمرها سبع سنوات وبنت اختي بعد تصدقون حتى اذا حطو روج في عيد او في غيره يتنرفز ويعصب علينا والي بقهرني انه يعاتب الشخص قبل مايسلم عليه.
يعني مافيه اسلوب ابد ابد ا ابد شوفو كم مره كتبتها والله من القهر الي فيني المهم زي الي يستفز الواحد ماادري وش قصده انا خصوصا دايم والله يابنات يقهرني ويتكلم علي عشان لبس بنتي وعشانها تحط روج والباقين يحاكيهم بشويش
المهم هاوشني ثلاث مرات ورى بعض يعني كل اسبوع اشوفه فيه عاد اليوم يوم شاف بنتي الي عمرها سبع سنوات لابسه ذا البس عصب وقال
ذا البنت ياختي عريانه بالعامي مفصخه مرتين يكررها والمجلس كله مليان انا ماعاد شفت عصبت بجد ورفعت صوتي عالي والكل سمع قلت..اذكر الله ولاعليك منها لبسها مافيه شي وخلك في نفسك وعيالك رد وقال
ابكلم ابوها واعلمه ..انا بغيت انهبل قلت له وبصوت عالي ابوها شايفها وكل شي يعرفه وعاجبه لبسها ومالك حكم عليها كل ماشفتها قلت مفصخه مفصخه اذكر الله ولا عليك من احد
هاذي بنتك سوت لبنتها عيد ميلاد وانت ماتدري خلك في عيالك ولاعليك من عيالي وانا بصوت عالي ردت بنته وقالت وهي تصارخ بقوة
اسكتي مايدري خلاص خلاص كأنها تصارخ على بزر ولاسلمت علي وانقلب وجهها
يمكن انا زي الي استفزني وقلت ابسكته واعلمه عن فعايل عياله والخافي والله اعظم وابنته الصغيره داخله علينا وهي حاطه روج لونه فوشي وهو مايدري وين ربي حاطه فيه
لاتجي وحده تقول لا تتشمتين انا والله احبه واغليه لكن خلى غلاه يزول بسبب تصرفه
بعدين دايم يحط علي وانا والله العظيم اول كل ما قال شي ونصحني اضحك واقول ان شاء الله
بس شكله شافني سلبيه قال ابحط عليها دايم انا من بد خواتي والله يابنات
المهم هو نزل وراح وبنته كتمت ولاانبسطت
وانا والله مازعلت ولا همني احد بس الحمد الله ان امي ماسمعت كان بتعصب علي لان امي الله يهديها تحب اخواني اكثر منا يالبنات بس والله ماازعل من امي مهما حصل
لان البنات حبيباتي الي في المنتدى دايم يوصون الوالدين فديتهم والله.معليش طولت عليكم بس والله حسيت بغصه ولجأت لكم على طووووول..بنت اخوي اول مره يصير بيني وبينها هذي العصبيه بس هي قليله ادب نفخت علي ولاسكتت ابد
وانا الله يخلف اذا صار شي اسكت وانطم والدليل اخوي ولد امي وابوي والخافي اعظم دايم اضحك وبس واحط الشي بمزح
وشرايكم ياخواتي عيشو تصرفي انا ماندمت ابد والله
وطز فيه ولو قال شي ثانيه ماراح اسكت لاني احس انه يبي يعصبني وبس
امحق التزام الي يكره الواحد فيه بس انا منقهره من بنته ذاالملسونه وش رايكم ارسل لها رساله عتاب والا اطنش حبيباتي موفقين واسفه على التطويل شاكره ومقدره لكم حسن استماعكم
غمامه @ghmamh
محررة فضية
يلزم عليك تسجيل الدخول أولًا لكتابة تعليق.
ماعليش ياحلوه لاتزعلين ولاتتضايقين وبنت اخوك طنشيها وترىالحق معها المفروض هي اللي تزعل لانك كنتي بتخربين بينهم وهي تبيك تسكتين باي طريقه لاتلومينها
وبالنسبه لخوك المفروض نصحك بطريقه الطف من كذا
بس المفروض قلتي جزاك الله خير وانهيتي السالفه على طول
تقبلي مروري
وبالنسبه لخوك المفروض نصحك بطريقه الطف من كذا
بس المفروض قلتي جزاك الله خير وانهيتي السالفه على طول
تقبلي مروري
تبين الصدق ولا اخوه
شوفي عزيزتي ويشهد الله ماكتبته الا ناصحه ومحبه لك اخوك صح ثقلها شوي ويمكن هو اسلوبه دفش لان النصيحه المفروض تجي باسلوب محبب وبستر مو قدام الخلق لكن الحق والحق يقال يمكن الرجال نظرته بعيده وخايف ان البنت تتعود على هاللبس او الله لايقدر يلمحها احد او يصير بسم الله عليها شي لو راحت تلعب منا ولا منا وتعرفين البنات في هالسن يروحون مع بقية البنات ويلعبون ويمكن يوقفون قدام الباب او شي
والحمد لله انه متشدد والله ياختك احسن من كثير اخوان الله لايبلانا يناظر لمحارمه بشكل غلط فانتي حاولي انك تلبسين بنتك شي ساتر وحشمه وربي وربي انك بترتاحين لا كبرت وفهمت
انا ام ل4 بنات ويشهد ربي علي ان ام 8 سنوات ماالبسها لا بنطلون برا البيت ولا قصير بالعكس توني شاريه لها عبايه فراشه وقلت ياماما هذي هديه لك فرحت فيها وانبسطت ياختي الدنيا تخوف ماعاد الناس هم الناس انتبهي على بنتك واحرصي عليها واكيد خالها ماانتقدك الا من معزته لك ولبنتك واعذريني اذا كلامي زعلك او شي بس يمكن اني اكبر منك وام بنات كثار وقد شفت بلاوي على بنات الله يهدي امهاتهم ويهديهم وحبيت انصحك لوجه الله والعذر والسموحه
شوفي عزيزتي ويشهد الله ماكتبته الا ناصحه ومحبه لك اخوك صح ثقلها شوي ويمكن هو اسلوبه دفش لان النصيحه المفروض تجي باسلوب محبب وبستر مو قدام الخلق لكن الحق والحق يقال يمكن الرجال نظرته بعيده وخايف ان البنت تتعود على هاللبس او الله لايقدر يلمحها احد او يصير بسم الله عليها شي لو راحت تلعب منا ولا منا وتعرفين البنات في هالسن يروحون مع بقية البنات ويلعبون ويمكن يوقفون قدام الباب او شي
والحمد لله انه متشدد والله ياختك احسن من كثير اخوان الله لايبلانا يناظر لمحارمه بشكل غلط فانتي حاولي انك تلبسين بنتك شي ساتر وحشمه وربي وربي انك بترتاحين لا كبرت وفهمت
انا ام ل4 بنات ويشهد ربي علي ان ام 8 سنوات ماالبسها لا بنطلون برا البيت ولا قصير بالعكس توني شاريه لها عبايه فراشه وقلت ياماما هذي هديه لك فرحت فيها وانبسطت ياختي الدنيا تخوف ماعاد الناس هم الناس انتبهي على بنتك واحرصي عليها واكيد خالها ماانتقدك الا من معزته لك ولبنتك واعذريني اذا كلامي زعلك او شي بس يمكن اني اكبر منك وام بنات كثار وقد شفت بلاوي على بنات الله يهدي امهاتهم ويهديهم وحبيت انصحك لوجه الله والعذر والسموحه
الصفحة الأخيرة
وكان ما جبتي طاري عياله حطوا عيد ميلاد ولا تفصخوا هم ما لهم دخل
بنت اخوك لااااااااااااااااااترسلين لها شي خلي الموضوع عاااااااااادي وكانه ما صار شي واذا شفتيها المره الجايه سلمي عليها وكانه ما صاار شي وخلي السالفه تنتهي ولاااا تنسين انك انت الي بديتي ونرفزتيها
هذا رايي وانت حره
وفااالك التوفيق