الحقوني بحل مع زوجي

يسعد مساكم جميعاً
بدخل بالموضوع طوالي الله يسلمكم اليوم وانا أتناقش مع زوجي وين بيطلع اليوم واساله عندك مشاوير وكتب على كتفي الحي الي بيروح له طبعا بالرياض وأول شيء ما وضح لي الحي ويعيد لي كذا مره وعقب عرفته وارتفع ضغطه يقول ما تفهمين على طول قال يالله الحين انتي اكتبي بالإصبع طبعا وتشوفين افهمها على طول او لا واخترت حي المنصوره وانا اول مره اسمع بهذا الحي بالرياض من وحده بالسناب قلت اصعب عليه علشان ما يعرف على طول وبعد كم محاوله ما جابها وقلته المنصوره وعقب عَصّب علي وجلس يقول وش عرفك بهذا الحي وليش اخترتيه وما ادري ايش هذا حي وصخ والا تقصدين المنصوره الي بمصر وكلها وصخه وتسوين نفسك ما تعرفين شيء وووووو .وانا والله ما في بالي من الي جاء في باله وطلع وهو زعلان ثم اتصل يهاوشني ويحلف بالله اذا كررتها راح يكون تعامله معي ثاني بالله عليكم هل هذا يستاهل الزعل وش تفسرون كلامه وكيف اتعامل معه اذا رجع ولا تقولون موضوع سخيف لان زوجي اذا قلت كلمه والا حركه يفهمني غلط ولازم اجلس أبرر له