الحقوني بكرة نظرتي الشرعية وش اسوي؟؟؟ردوا لي الليله ضروري

اولا اقول السلام عليكم ورحمة الله وبركاته
كل عام وانتم بخير عيد سعيد..
المهم انا بدخل في الموضوع ع طول
انا مطلقة عمري 27 سنه جامعية حلوة والحمدلله توني مطلقة من 4 شهور ماعندي اطفال.
المهم انا دايم ادعي واصلي ان ربي يرزقني ويعوضني بالزوج الصالح الي اتمناه شاب قريب من عمري غير مرتبط بزوجه اخرى ماهمني مطلق عازب ارمل اهم شي عندي مبدأ اني ماادخل على زوجه....لاني بصراحة مااتحمل اجرح احد ومو قادرة اعيش الزوجه الثانية :09: ابدا هذا مو حلمي ولا احب اعيش سعادتي على حساب احد غيري ...حررراااام يكسرون خاطري هالحريم الي ازواجهم يتزوجون عليهم وبعدين ابي اتملك رجل لي لحااااالي ماابي احد يشاركني فيه..
المهم تقدم لي رجل عمره 48 تقريبا ومتزوج وغييييييييييييير عن قبيلتي مااعرف عنه اي شي هو يصير خوي صديق الوالد يعني ابوي مايعرفه ويعرفه صديقه ويمدددددددددحة وهو تاجر معروف وعنده خييير ويمدح اخلاقه طيب هو متزوج وكبير عني ب18 سنه تقريبا هذا اذا صدق بعد بالعمر وهو يبي يتزوج عشان زوجته مريضة ومتشرط اني مااتوظف اكون عنده بالبيت وانا حلمي اني ابني مستقبلي بنفسي واكمل دراسات عليا.....
المهم انا رفضت في البدايه وبعدين اقترحت اني اشوفه واحكم وبعدين رفضت حسيت ان الوضع كبير علي واخاف يصير نفسه فيني وينقطع رزقي المشكله الوالد عطاهم كلمه بالنظرة الشرعية ........
وانا اساسا رااااااااافضة مبدا اني اخذ متزوج مو مقتنعه ابد حتى لو ماتزوجت طول العمر اقنعني الوالد وقال اني بديت اكبر وان محد راح يتقدم لي احد عشاني مطلقة محد يتقدم لي الا شايب او معدد وووو من الاحباطات الاجتماعية الغبيه واقنعني اني اشوفه بس عشان مااكسر كلمته وبكرة نظرتي وانا ماابي ياناااس صليت واستخرت وحسيت بلحظه اني مجنونه لو وافقت وان الفرص قدامي كثيرة وان ربي مابيخيب رجائي وظني فيه وانا واثقة بقدرة ربي وانه حرام ادفن شبابي بانسان كبر ابوي ماتخيل نفسي كذا يمممممممممممممممه شي يخوف وانا بصراحه حسيت بخوف من اول ماطرا الوالد موضوعه قعدت اصيح وابكي ومهموومه ومحبطه من هالناس الي ماترحم ليش يحكمون علي برجل متزوج وكبير عشاني مطلقه مالي حق اعيش حالي حال اي وحدة شابه تتزوج شاب وش ذنبي اذا انظلمت بحياتي مع زوج مو كفو وطلبت الطلاق؟؟؟؟؟؟ ايش معنى هو يعيش مع وحدة شابه مثل مايبي وهو الظالم مو حرام مو قهرررر....
شوروني وش اقول بكرة لما اطلع للخاطب وش اتكلم فيه مو عااااااااارفة وش اسوي ولا اقدر اتجرا عليه انا مو مثل هالبنات الجريئات يتكلمون ويسالون ويبحثون انا وش اقول لما اشوفه ماادري
تكفوووووووووووون شوروني وادعووووووووووووووووولي تكفون ربي يحقق مناي والله ماابي اجرح انسانه او اقهر زوجه قبلي والله العالم بنيتي ترا بكرة النظرة تكفون ردو لي الليله ضروري فديتكم مالي احد غيركم بعد الله.. ]اعذروني طولت عليكم بس والله احس اني مكتووووومه وبرجع استخير مرة ثانيه بس مدري كيف احس ولا عارفة وش برتاح منه متذببه اوافق عشان نظرة هالمجتمع واخذ لي رجل ع الاقل عنده رزق لاني اخاف اضيع هالفرصه وماعاد يجيني غيره ويجيني اردى منه واحس انه بدري علي ماجاتني فرص كثيرة عشان اختار والله محتارة يابنات شوروني تكفووووووون...داعية لكم بظهر الغيب ....:44: