السلام عليكم
ماأدري وشلون ابدا موضوعي اول شي انا عندي بنتين الكبيرة خمس سنوات والصغيرة ثلاث ماعندي غيرهم الله يحفظهم زي كل ام اخاف عليهم واحاول اني اربيهم احسن تربية لكن المشكلة اني عصبية وفي نفس الوقت حنونةلكن مشكلتي مع بنتي الكبيرة عصبية مررررررررررة:mad: لدرجة ماتتخيلونها واذا مالبيت طلباتها ياويلي منها وصوتها مرة عالي ودايما تصارخ طبعا اذا ماسوينا اللي تبغاه احاول اهديها واضمها تهدا اشوي لكن تصر عاللي تبغاه والمشكلة طالعة الايام ذي بالفاظ يا كل... وياحما...والله اني صرت استخدم معاها اسلوب العقاب مانفع احرمها من الاشياء اللي تحبها وماهمها تقول عادي :(احسها اكبر من عمرها وتراددني وتقول انتم مالكم شغل ودايمن تردد مو بكيفكم بكيفي و لحوحة ونكدية دايما لما نطلع البحر او السوق نرجع واحنا متنكدين بسببها احسها توتر الجو لاتتوقعون اني ماأحبها والله احبها واعدل بينها هي واختها ومرات افضلها على اختها اللي عكسها تماما
وانا من زمان لا ارخي ولا اشد يعني وسط وكمان لمى نروح عند عماتها تحب تمسك الجوالات وتلعب فيهم وتحرج الحريم تجي عندهم وتقول يلا طلعولي لعبه وطبعا ماأحد يحب يعطي جواله لطفل والله اني امسكها على جنب واهددها اذا ماسمعتي الكلام نرجع البيت وماتهتم وطبعا دايمن احكي لعماتها عن طبعها يقولو عادي هم الاطفال كذا فترة وتعدي طيب اشوف بنات في سنها ماشاء الله عالادب والاحترام اتمنى تصير زيهم
المشكلة الاكبر والاعظم تخيلو الايام هذه تدرون وش قالتلي قلت انا احب فلان تقصد ولد عمتها اول ابتدائي سبحان الله الايام هذه ماعاد في اطفال يوم حكيت لامي ضحكت واحسه شي يقهر احترت معاها طبعها مرة صعب ماني عارفة اشلون اهديها والله صرت ادعي في صلاتي انو ينزل عليها السكينه
كنت اقولها انو لازم نطيع ربي عشان ندخل الجنة وارغبها دايمن بالجنة وتفرح وكانت تقول متى نموت عشان نروح الجنة لكن الحين صارت تقول انا ماابغى الجنة ومااحب ربي
الله يسعدكم اللي قد مرت عليها هالحالة او عندها خبرة في الاطفال تنصحني او تعطيني حل ومشكورين ...
"حنين الحب" @quothnyn_alhbquot
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
بس هو في السن هذا
كلهم كذا صدقني مرحله وتمر اهم شي تكون معها مرره حنونه
وربي يخليك بناتك وادعلي ربي يخليلي بناتي نظر عيني