مايكبرني لقب @maykbrny_lkb_2

محررة ماسية

الحقوني بنتي جاها فايروس

السلام عليكم ورحمة الله وبركاته

تكفون دلوني ضاعت حيلتي وضايق صدري مره والسبب

بنتي عمرها 5 شهور اعدوها بنات عمها جاهم فايروس استفراغ واسهال

الله يكرمكم حتى المويه تستفرغه عاد بنات عمها اصغر وحده عمرها سنه بس

هي عندي ماتتحمل

والله من الصبح كل شي تستفرغه وسألت الدكتوره قالت تعالي نعطيها ابر وانا خايفه

اي ابر وهي بها العمر ماااااتتحمل

وش الحل امي تقول عطيها عنزروت وانا خايفه اخاف اعطيها ومامنه فايده

دلوني الله يفرجلكم

يلزم عليك تسجيل الدخول أولًا لكتابة تعليق.

تسجيل دخول

أم عبدالمجيد • 17 سنة

الله يشفيها ويعافيها ..
لازم تتنوم في المستشفى عشان يعطونها محلول الجفاف ومغذي لما تخف ..

وبالنسبة للعنزروت انتبهي منه لأني أحسه قوي على طفلة عمرها خمس شهور!!

وتطمني انا ولدي جايه التهاب وهو عمره شهرين!!! ما يكون إلا خير بإذن الله ..

وما تشوف شر..

مايكبرني لقب • 17 سنة

اولا مشكوره ياقلبي على ردك علي وماقصرتي يالغاليه

الله يحفظلك مجودي

بس انا موسوسه مرررررره لو يقولون ترقيد مارحت خير شر للمستشفى

اخااااف عليها مره

ابي طريقه ثانيه تكفون

توني عطيتها حليبها والله واستفرغته طلع من خشمها

وش الحل ياالهي

ام انووونه • 17 سنة

لازم تودينها المستشفى اذا شافو حالتها ما تستدعي تنويم ما راح ينومونها

الدكتورة علا أحمد • 17 سنة

الف سلامه عليها
لاتقلقى من الحقن هى الحل الوحيد الان
وتكون الجرعة على حسب عمر ووزن الطفلة
توطكلى على الله وراجعى الطبيب
وطمنينى عليها

** ام جوجو** • 17 سنة

حبيبتي لازم توديها المستشفى ما ينفع تعطيها اي شي هذي طفله ماتتحمل...وديها لايصير معاها جفاف لاسمح الله..

الله يخليها لك وطمنينا عليها..