الحقوني بيتي راح ينهدم والسبب/الجديد بموضوعي بيتي راح ينهدم (تم الدمج)المشاركة رقم101

بنات أنا داخله على الله ثم عليكم أنا بهم وكرب مايعلم فيه الا رب العباد امس اتصل على جوالي رقم غريب ورديت على اساس انه وحده من صاحباتي كنت انتظرها ورديت بس ماتكلم وارسل رساله كتب فيها أخبارك فلأنه وقال زين ما غيرتي رقمك وكتب ذكرتني ولا الزواج نساك ومسح ذاكرتك أنا يابنات ما عرفت وش اسوي وأرسلت على انها بنت وقلت مين انتي وماله داعي المقالب وأرسلت على اساس انها وحده من صاحباتي وتبي تسوي مقلب ولما عصبت أرسل أنا مؤ بنت وليه معصبه وسار يدق من امس الى اليوم واليوم رديت وقلت الو وسمعت الصوت يا بنات مثل صوت زوجي بس مغيره شوي أنا على طول لا شعوري قلت فلان اقصد زوجي وبكيت من الخوف والتوتر اللي عشته من امس الى اليوم بس هو قال لا مؤ فلان وقال شفيك يافلانه ماذكرتيني وقفلت على طول الخط وبعدها اتصل اكثر من مره ومو راضي يتركني بحالي مدري من هالانسان ومن وين طلع لي .... 

تكفون ساعدوني عطوني حل وش اسوي بموت من الخوف والله حتى الأكل أسندت نفسي واحس أني من الضغط بولد والله أنا حامل بالثامن وعندي ضغط وبس احس بدوخه من التوتر بنات والله ما اعرفه وربي واللي يحرمني اول فرحه لي ما ادري من هالانسان وماادري وش اسوي 

اعلم زوجي ولا لا زوجي صغير بالسن عمره ماكمل ال23 وعصبي وأخاف مايتفهم مدري وش اسوي 

ساعدوني والله لدعيلها اللي تعطيني حل وأتصدق عنها تكفوووووووووون تكفووووووووووووون ساعدوني مالي بعد الله الا انتم