الحقوني حالتها النفسيه العصبيه ازدادت يارب ترحمني🙌

السلام عليكم ورحمة الله وبركاته
طبعا انا كلمتكم قبل عن اخت زوجي وكيف كانت تراقبني وخاصه لما ادخل المطبخ، وهي معسكره فبيت اهلها من قبل رمضان وانا اعاني منها ولحد اليوم وانا اعاني وهي ما راحت بيت زوجها مدري شو السبب!!
المهم هذي لما في شي يضيقها تصب نارها علي انا بذات وأمس لما شافتني جلست تصارخ وتسب بدون سبب وجلست ترمي بالي قدامها لما شافتني صايره رعب والله يا ناس انها تخوف وعلى طولها صايره مرعبه لانها طويله جداً.
وأمها قدامها ما تتكلم تصدقو يابنات حتى امها تخاف منها وبدل ما تنصحها صايره حتى هي الثانيه غضبانه وصبت على ولدي الصغير غضبها حسبي الله عليهم من ناس غريبين.
اتوقع انهم يريدونا نطلع من البيت من هذي التصرفات البايخه وزوجي الذكي ما يريد يطلع آلا اذا تعاونت معاه.وانا بصراحه مالي رغبه اني أتعاون معه خاصه ان الرجال مالهم أمان.
واذا يريدونا نطلع ليش ما يعطونا واحد من البيتين الي ماجرينه للناس.
زوجي حاط عينه على راتبي هو واهله يريدوني اسوي شغاله واعاونه في بنا البيت.
طيب لو انا ما اشتغل شو بيسو؟
اذا هم معتمدين علي لهالدرجه!
ادعولي بنات ان ربي يفكني منهم ومن اخته هذي بالذات يارب يارب يارب يارب تفكني منها يارب.