الحقوني حماتي قرفاني !!!!

سلام عليكم انا كنت عاوزه اخد رايكم ف حاجه مش عارفه اعمل ايه
انا ولدت من فتره قريبه ولما ولدت حماتي مرضيتش تقول لبنتها اني ولدت مع العلم ان بنتها عندها تلت اولاد
مرضيتش تقولها عشان متتعبهاش وتخليها تجيلي وانا اصلا مكنتش عوزاها تجيلي لان الحمد لله اهلي واقفين جمبي كلهم بس حسيت اني مش مهمه عندها ولا غاليه
وتدور الايام وبنتها تحمل ف الرابع وقربت تولد دلوقت جت ف يوم قالتلي ابقوا اقفوا معاها باه عليا انا يعني وابنها
اتصدمت لما كلبت مني اقف مع بنتها
طيب ليه الظلم ده ووازاي جالها قلب تطلب مني
حتي ابنها بيقولي لازم نقف مع اخته
هي صحيح ملهاش اخوات بنات وصحيح كويسه جداااااا معايا بس انا مش عاوزه حد يطلب مني ده
مع العلم ان حماتي صحتها ع ادها وانا كنت هروح من نفسي
بس هي متحرقش دمي وتطلب مني ده وتحسسني بنتها غاليه وانا لا
وف نفس الوقت بنتها كويسه معايا وجوزي كماان بس انا متغاظه من حماتي
ده غير باه انها دبش وبتقول كلام يزعل كتيييييييير
مبتفكرش ف الكلام قبل اما تقوله
انا نفسيتي تعبت بسببها ولما بزعل بقول لجوزي
وبقيت اكر اني ارد عليها هي بعد كده
مع العلم ان ف الاغلب بنتها مش هتقولها انها هتولد لان حماتي بتخاف مالعمليات ووكده وبتقلق جداااا ع. عيالها والي ممكن تروحلها هي خالتها وحماتي هتروحلها بعدها بيومين كده
بس ارجوكم قلولي اعمل ايه انا بقالي سنه ونص اهو والده ومش عارفه انسي الموقف ده
قلوولي اعمل ايه مع حماتي ولو جبتلي سيره بنتها تاني اعمل ايه
عاوزه ارد عليها وافهمها انهها كده حسستني اني مش مهمه وبنتها الي مهمه