السلام عليكم
انا على طول بدخل بلموضوع الي قاهرني من العصر
اليوم يابنات كنت جالسه بغرفتي وتدخل علي خالتي تقولي نبي نروح نزور خالك قلت مافيه احد يودينا قالت لا انا اتصلت بزوجك بيجي ياخذنا
:32:كانت روحي بتطلع قبل عيوني قلت وليش تتصلين عليه وانتي تدرين اني اصلاً مااطيقه قالت مافيه احد يودينا غيره مع ان السواق كان موجود
قلت انا مابروح روحي لحالك قالت يكون احسن وخرجت الي استغربت انه كيف ماقالت لي مايسير اركب معاه وانتي مو موجوده ولا حاولت فيه اروح ازور خالي ولاشئ وبدى الشيطان يلعب براسي لانها اول كانت تسولفلي عنه لانه يسير اخو صديقتها ويوم عزمتهم خالتي عندنا بلبيت شافوني وبعدها خطبوني له وترى خالتي اكبر مني بسنتين يعني قريبه من عمر زوجي وذا الي خلى الشيطان يلعب صح ولاتقولون صفي النيه وترى الظن اثم بس والله لو تشوفونها يوم جو وخطبوني وهي متغيره عليه
كأني قاتله احد من اهلها ومن بعدها بدت المشاكل حتى يوم صارت المشكله
وقلت معاد ابي اتزوج قالت كان قلتي من بدري وهو احد يحصلها يخطبها ......<وقالت اسم زوجي >ويرفض كأنها كانت تبيه ،فقلت يابنت ليش تخلين الافكار توديك وتجيبك قومي البسي واصبري كلها كم ساعه وترجعين البيت حتى والله كنت مشتاقه لخالي لانهم خرجوه من العنايه المركزه وابي اتطمن عليه فقمت واتصلت عليه وقلتلها وينك قالي دقايق واكون عندك المهم لبست ونزلت لقيت خالتي تتكحل وتلبس عدسات مع انها لما تروح مع خالي ماتتكحل ولاشئ الا في المناسبات ،فقلت لها ليه تتكحلين فطالعت فيني من فوق لتحت وقالت ليه حلال عليك وحرام علينا وبعدين انتي مو قلتي ماتبين تروحين اش الي خلاك تغيرين رايك قلت كيف اخليك تروحين مع زوجي بروحكم وابي اتطمن على خالي وهي ولاردت اخذت عبايتها وطلعت في الحوش سكت وسكرت الباب ولحقتها في الحوش وشويه ،الا يتصل طويل العمر وقامت هي تسوي نفسها تكح فسكرت وقلت لها يله واحنا عند باب السياره تقولي اجلسي معاي ورى قلت بيزعل وطنشتها ،وركبت قدام وهي ركبت ورايه والله ثم والله يابنات انكم لو تشوفون حركاتها تقولون مع زوجها ماخذه راحتها واجد وبس تسولف وتضحك وانا والله ماقدرت حتى اطالعه حتى يوم سألني كيفك يالله تكلمت وهي كيفك اخبارك وكيف امك وش علومكم والي رفع ظغطي بغيت انفجر انها قالت هاه انتو مستعدين لزواج والحياه الجديده وطول الطريق وهي كذا وفي الرجعه قالت يافلان ماودك تعزم ......<تقصدني على عشاء ولا غداء>بكره
قال الا والله اجل بكره انا عازمكم انتو الثنتين هو قالها مجامله او يقصدني
انا لحالي وهي ماصدقت خبر قالت بس غداء ولا عشاء؟ قال براحتكم الي يناسبكم وانا افضًل عشاء عشان بكره نزور خالي ونطلع من عنده نتمشى لين يجي وقت العشاء ولاحظو طول الوقت وانا ساكته واذا تكلمت رديت بلا او نعم بسسسس.
وفيه اشياء واجد صارت في الطريق وفي البيت بس لو كتبتها ماراح يكفيني مجلد انتو انصحوني اش اسوي معاها والله اني شاكه انها حاطه عينها عليه
واموت واعرف هي ليش متصله عليه وماقالتلي انا اتصل عليه واصلاً كيف جابت رقمه لاني انا حاطه على جوالي رمز سري ولا تقولون اسأليها لانها من يوم جات وهي مقفله عليها باب الغرفه وهي على النت واناديها ولاترد
تكــــــــــــــــــــــفون قولولي ظني بمحله لان كل حركاتها تدل انها تحبه
وصدق اني كنت مااطيقه بس تجيني ساعات احس اني احبه
طالبتكم كل من تشوف موضوعي ترد بأي شئ تقولي اش حركاتها ذي؟؟؟
يلزم عليك تسجيل الدخول أولًا لكتابة تعليق.
الله يكفيكم شرها
اهم شي زوجك مو مهتم لها ماعليك منها واذا شفتي منها غلط وقفي في وجهها وصاريحها مايصير تسكتين والله هي بتتمادى
اهم شي زوجك مو مهتم لها ماعليك منها واذا شفتي منها غلط وقفي في وجهها وصاريحها مايصير تسكتين والله هي بتتمادى
جست دريم
•
استغربت من كلمتك تقولين ماتطيقينه وهو زوجك!!!
خالتك هذي لاتعطينها مجال ابد وحاولي تبعدين زوجك عنها ولاتصيرين طيبه بزياده وكل ماقالو يلا نتغدى سوا سكتي
صرفي الموضوع وخططي بعد مثل ماتخطط
ماتدرين عن الدنيا والرجال مالهم أمان بكره تعلقه فيها وتخليه يتعود عليها ويفكر فيها
كيد الحريم فوق ماتتصورين
انا اعرف وحده نفس حركات خالتك بس هذيك متزوجه وتبي تغري اخوان زوجها غصب بلبس وكحل وصوت بس معطينها اشكل ويحتقرونها .
خالتك هذي لاتعطينها مجال ابد وحاولي تبعدين زوجك عنها ولاتصيرين طيبه بزياده وكل ماقالو يلا نتغدى سوا سكتي
صرفي الموضوع وخططي بعد مثل ماتخطط
ماتدرين عن الدنيا والرجال مالهم أمان بكره تعلقه فيها وتخليه يتعود عليها ويفكر فيها
كيد الحريم فوق ماتتصورين
انا اعرف وحده نفس حركات خالتك بس هذيك متزوجه وتبي تغري اخوان زوجها غصب بلبس وكحل وصوت بس معطينها اشكل ويحتقرونها .
ما ابي ادخل بنيتها الله اعلم بس سؤاااااااااااااال
الحين ما تطيقينه ..........ليش تزوجتيه ؟
الحين ما تطيقينه ..........ليش تزوجتيه ؟
الصفحة الأخيرة
مدري والله ...