الحقوني ... رجلي يكح,,شكله كرهني* // قديم

سلام عليكم ..


ياحبايبنا ياحلوين ,,واحشنا ياغاليين ..


زمااان عنكم ,,



مشغووله جدا جدا ,,بس صراحه سالفة رجلي >>>> خلتني اقطع ابو اشغالي ,,وأم أعمالي..


وأأجل كل أموري


تعرفون شي ما ينسكت عنه


تخيلوا يكح يكح يابنات ,, ,,يكح ايه ايه يكح ,,:icon33:




تهقون تعرف على وحده ولقط منها فيروس وحاشه منها التهاب :crap:


تتوقعون سافر برى وسبح بمسبح مختلط وطلع ولفعه برد كسر عظامه وسبب له تليف رئوي .. وآآخر اعراضه الكحه :sad:



والا كحته دلاله انه خلاص من حبكم يازين عزلنا >>أعني كرهني وحلت الكحه مكاني:icon36:




علامكم كان شكوتي مي عاجبتكم


ليه ,,


ماحالها حال الشكاوي اللي هنا


والا ليش انه كح ما عطس والا عنصريه السالفه يعني



وش فرق يعني زوج وزوجه ,,واللي ماعنده سالفه يألف سالفه


والفاضي يعمل قاضي



خلاص ... خلاص بروح للجد :rotaeye:






وراكم يا بنات


ياكريمات ... ياخلوقات... يامتعلمات


أشق هدومي يعني ... بذمتك انتي واياها ما تحسون بعظم الامور اللي تسوونها


مدري يعني لها الدرجه عندك وقت فراااغ منتي عارفه شتسويين فيه وماغير تنامين وتصبحين على المنتدى وتكتبين أي شي يخطر ببالك


والله عيب ... عيب ... عييييب




تبون تعرفون ليه بشق هدومي


طبعا من فتره وانا اشوف ها الامور بس اقول


لله في خلقه شؤون ... احيانا اقول ماعندها احد تحكي معه ... ابرر لها واقول يمكن قدراتها العقلية محدوده >>> عشان كذا تسأل على اللي يستاهل واللي مايستاهل


لكن الفتره ذي وزيادة على كل ماسبق لا



زودوها


ناس يموووتوون بالهم توقف الوحده على الشباك


وتفكر ثم تفتر >>نفس تفكر بس بلغة بنيتي الله يحفظها ويحفظ لكم عيالكم


بدل ما تتغزل بالقمر وتقول مادام معاي القمر ,,, والا تقول اقول اللي يبي القمره وهي في حبها مولع >>>>وتلفح بالشعر الغجري المجنون





لا تقول >>> ياهم فينك تعاااااا مشتئااالك ,,:icon36:


تقول خلص ثارك طفي نارك





علامكم انتم الوحده تدور النكد تدوير


كونان عجز يلقى تفاصيل تتكككككيييككه > نفسها دقيقه بس من باب التصغير والدلع





كل وحده حاطة ها الرجل تحت الميكرسكوب كأنه حشره ..بمختبر علمي { بتستخرج منها مصل يفيد علاج البشريه


والا بتخترع منه رجل يصعد للفضاء دون سفينه فضائيه



اجل بذمتكم وحده تقول رجلي مدري شفيه


اللهم لاحول ولاقوة لنا الابك


ياماما .... يا حبيبتي اذا انتي ماتدرين شفيه وانتي معاشرته وتنامين معه ,, وتصبحين معه




حنا شلون ياقلبي بنعرف:crap:


داخله ياحياتي انتي منتدى عالم حواء


مو منتدى شعوذها >>> وبالفنجال اعرفها


يعني تتوقعين لازم كل وحده منا قبل ترد على وحده





تولع بخور وتقول شمشووون ... شخبووور هاهاها وتلمع برجونة ولدها القزاز


عشان تعرف هو علامه رجلك


يعني لازم ردود تغثك,, وتخلق لك شي وهو اصلا مافيه شي


لا طبعا



ومافيه وحده تقولها تعوذي من ابليس ,,, الا فيما ندر


لان ماشاء الله هنا مثل السيل الأجوبه عندهم الله لايضرهم



اكيد متعرف على وحده


ايه كل الرجال كذا


ايه انتي مقصره بالفراش >>>والله فيه ردود زي كذا السؤال بشرق وهالرد بغرب مثلا >>> من مخترع المصباح


الجواب انتي اكيد مقصره بالفراش:ohplease:


لايكون فيك خراب >>>كمان يسألون سؤال بعيد ...يابنات وين القى الكاسات الشفافه الجواب >>>فيكي خراب:freak6:


يؤ { جد دايم القى سؤال عنها ها الكاسات الشفافه وشي هي وش ميزتها يعني ..بعيدا عن الخراب:dry:




المهم نكمل انواع الردود



امه كل من امه محرشته عليك



يابنت الحلال اتركيه بيرجع لك مثل ...فراغ



وهي اللي رجلها متغير ,, ايه صاحبة الموضوع نفسها >> كل يوم تمسك رد


وتفصفص ابو رجلها عشان تتاكد وتطقها الهواجس والخ الخ الخ





لا بجد مو معقوله وحده تكتب موضوع



زوجي طفشان يؤ


الله المستعان طيب ومااااااله مايطفش هو الطفش حرام


ليه لازم دائما يكونون لطيفين ,, ومؤدبين ,,,وحبابين,,, ومايزعلونا,,, وكريمين ورومانسيين ووو


والوحده ان حملت قالت مايقدر طفشي ولايراعي نفسيتي


ياماما انتي واياها


ترى الرجل له دورة شهريه حاله حالنا


احنا ترى بالعين المجرده تعرفونها هم لا..{ نفسيه >>>بعيد عنكم



خليه يطفش يا الطيبه ومرده يفلها وربك يحلها


مثل ما انا اطالب دائما ان المراه تعبر عن مشاعرها واحاسيسها


وماتخاف الا الله وماتعطي لا الزوج ولا المجتمع اكبر من حجمهم


بس كمان هو ترى انسان يطفش ,,, يتعب ,,, يمل يتنرفز





مو دائما لازم يكون واااو وتوب ,,, والا فيه إن واخواتها في السالفه


انا ما اتمسخر على مشاعركم بتاتا البته


ولا اقلل من حجم شكوكم ابدا والله


ولا اتفه مشاكلكم



بس وانا اختك ,,ياذوق انتي واياها ... فيه مشاكل تافهه ماتحتاج والله التفاته لها



فيه امور ومشاكل كبيره نقراها بها القسم واقول بنفسي


ماشاء الله لاقوة الابالله على صاحبتها شلون متحملتها


تلتمسين المعاناة بين حروفها بذلت الاسباب مو مره والا ثنتين لا كثير


ويوم اعيتها الحيله حطت مشكلتها


فيه بنات تحاول تفكر تقلبها براسها وعقب تقرر




بس بالمقابل


فيه معقدات ,,, تافهات ,,, فاضيات


لو طاحة بياله بالبيت افتحت صفحه وبلغتنا


لو عطس الرجال والا تاخر بدوامه نقشت لنا حروف تـُسمى موضوع وعلمتنا ...




لو وحده ناظرة رجلها بالسوق لأي سبب كان ,,,غلط ... صدفه ...قاصده جت وشرشحتها وقالت لنا


وبعدين يعني




المنتدى تغير والله وصاير عجيب جدا


تحزبات ... سوء ظن ... خرابيط ,,, شكوك ماكأن فيه رجال صاحي ابدا ... ولافيه بنت محترمه ياحول


ولافيه زوجة سعيده ,,,ولافيه خادمه تخاف الله





افهموها > { لقد خلقنا الانسان في كبد *



اوعي لها ياكريمه { وكان الإنسان عجولا *



ميزي المعنى {وكان الإنسان أكثر شي جدلا*




فيه امور تستدعي الاستشاره والبحث والمشوره


وغلطانين لو ماتشاورنا



لكن فيه امور تحسين صاحبتها وهي تقولها >>> مأفونه


معتوهه >>عندها فراغ غيرها يحسدها عليه



قال عليه الصلاة والسلام {نعمتان مغبوط عليهما ابن آدم الصحة والفراغ



حست بملل ,, طفشت ,, قال لها { بخ


على طول فتحت موضوع




والعضوات بارك الله فيهم مايقصرون وكلن يدلي بدلوه


ولو تلاحظون ماترد صاحبة الموضوع الا على اللي مثلها .. وعنده انفعالات لحظيه عدوانيه ,, شكيه


والبقيه مافهمتوني والا تدعي عليهم


والا اصلا ماتعبرهم وترد




لو الشكوى تستاهل وهي صادقه بمعاناتها كان تاخذ وتعطي ,,, وتحاور لانها تبي حل


ماتبي تقرا فقط


تبي تنفس عن ضغوط المت فيها لفتره مو لحظيه




اعتقوا ها الرجال لوجه الله


اعتقوا ذواتكم لانفسكم


ارتاحوا وريحوا


عدد انفاسهم احصيتوه ... يمه الله لايبتليني باحد يحبني مثل كذا



ذا تقييد ال سي اي ايه ماتسوي كذا



عطوا سداح فرصه



واعطي نفسك فرصه تعيشين وتجربين حلاوة الحياه بدون كاميرات مراقبه ... وونانات... وصافرات انذار داخليه لو مرت ذبابه انطلقت




لانكم ما برمجتوها كويس




الفاهمه ,,, والعاقله ,,, والمحبه ,,, والزوجه الصالحه قبل كل شي


بتعرف لو فيه امر كبير حدسها مايخيبها


لوفيه شي يستدعي القلق راح تفطن له من بدري


مو تراقب القشور وتترك اللب


والا تترك الدرعى ترعا واذا طاح الفاس بالراس تكلمت




يا عنوني انتي واياها


الحياه صارت تخوف الدنيا تغيرت واحنا باقي على نفس اهتماماتنا الثانويه


المسلمين يعانون بكل مكان وفيه وحده همها شتلبس لرجلها


ابادات لمسلمين وهنا الوحده همها وش قال لها قبل يومين


الفتن تحاك على المسلمين وبيوت المسلمين وهي تحارب عشان ليه ابتسم وهو يناظر التلفزيون


بدل ماتفتحون مواضيع تتحاورون تتناقشون شلون نعلي همتنا كمسلمات


شلون نربي عيالنا يطلعون رجال مسلمين اخر همهم الايباد والايفون والتتش


رجال يطلعون للموت بصدورهم العاريه لاجل الله او لامر يتعلق بالشرع


ليه ماتفتحون مواضيع تقتبسون من حياه امهات المؤمنين الاطهار


كيف عاشوا كيف كان يتعاملون مع رجالهم بدل بارك الله فيك وجزاك الله خير




ليه ماتغيرون تفكيركم لان اغلبه مصدي


ماتبون الا اللت والعجن بنفس المواضيع


وماتبون الا الندب والنحيب على ظل راجل





كل دعاويكم محصوره فيهم ياربي تسخرهم لنا.... ياربي تلعن كل خاين... ياربي اعرس على واحد راكب حصان .... ياربي ابعد عن ذا الحمار >>> اعزكم الله ... وهلم جرى





مافيه دعوه لك مفصوله عنه


كلنا نتمنى الحياه خاليه من الهموم وخاليه من النكد وانتم تدورونه


ترى اغلب البيوت السعوديه تعاني من كآآآبه بنسب مختلفه


وانتم ماتعرفون


الوسواس القهري منتشر بين الناس ويمكن مليانيييين بعالم حواء ها النوعيه


الا توسوس فيك بتشدد بالفاظ ومحد منتبه


الزبده




ليه المراه اكثر حطب للنار


لانها ماتعرف تقول >> اسكت يالساني الا من رحم ربي


لو انا رجال ودريت ان زوجتي كذا تسوي




وربي الطلاق حرام فيها اطلع واتصل باحد اهلها ياخذها لانها اتفه من اني اتحاور معها



اجل كل ما تحركت رصدت تحركي بمنظار ليلي وفسرته على كيف كيفها



دافعوا عن رجالكم وبيوتكم بس ترفعوا عن التفاهات


اسمو بحياتكم واسرتكم عن المهاترات


فيه امور اضربي بكلاشنكوف محدبيقول لا لك


وفيه امور مجرد تناظرين فيها انتقاص بحقك


المنتدى ملك للكل لاتخربونه بها المواضيع اللي لاتسمن ولاتغني من جوع




_ يا أيها الذين آمنوا لاتسألوا عن أشياء إن تبدى لكم تسؤكم _





اخيرا


فيه كتاب بجرير اسمه


لاتهتم لصغائر الأمور فكل الأمور صغائر


بليز اشتروه ... اقروه... تراه حلو مو بس على رجالكم الله يسخركم لبعض ,,لاحلو بحياتنا عامه




وربي يسعد كل زوجين ,,ويجيرنا واياكم من شياطين الانس والجن



وربكم مايغفل عنه شي سبحانه




دمتم بود