الحقوني زوجي قرب موعد وصوله .........

الله يعينج يا اختي
اهم شي خذي فيتامينات تعوض تساقط الشعر والافضل فيتامينات ب كومبليكس للوجه والشعر
كثري من حمام الزيت (زيت خروع مع زيت سمسم)
الزبادي ادهني به جسمك كله ولما ينشف نامي فيه وافركيه الصبح بليفه ناعمه وشوية ماي حار وبعدين اتسبحي عادي
كلي خضار وبالاخص سلطات عشان تنظف جسمك وتزيل عنه الاحتقان
اكثري شرب الماء
لا تتكاسلي وسوي ريياضه ساعه يوميا والافضل المشي
اعتمدي الصابون المغربي للأستحمام اليومي
قناع الحليب والعسل للوجه رائع ومثالي لكل انواع البشره م ص من كل منهما وضعيه على وجه نظيف ومغسول واتركيه اكبر وقت ممكن
الصبح اعصري خياره واضيفي لها نقط من ماء الورد واحفظيها بالثلاجه مغطاة وطول اليوم ادهني بها وجهك ورقبتك
قشري جسمك بأي نوع من السنفره والافضل احد يسويلك اختج او امك عشان يبيلها مجهود وانتي توك والده
يوميا مرتين اكتحلي بخليط مسحوق نواة التمر المحروق والاثمد الاصلي لونه بني محمر شوي اخلطي النوعين هذولا في مكحله بنسب متساويه وتكحلي فيهم يوميا مرتين
ولا تنسي بعد كل استحمام رطبي جسمك بزيت لوز مر او حتى بزيت الزيتون او الجلسرين عشان يطري جلدك
قوي عزيمتك ولا تتكاسلين وان شاء الله تلقين نتيجه
والله يرد زوجك بالسلامه ويسخره لك
وهذا اللي عندي

حبيبتي جربي بعد ما تتحممين تغسلين جسمك بحليب... وتخلينه لين ينشف شوي و بعدين تغسلينه بمويه...
جربي تسوينها يوميا بيخف السواد..وينعم الجسم..خلال ثلاث مرات تقريبا
للوجه.. حطي ملعقة عسل ونص ملعقة قرفه.. تعطيك تورد واذا غسلتي وجهك بعد 20 دقيقه غسلي بمويه بارده و امسحي بموية ورد... 3 ايام و تبين نتيجه حلوه..
ايضا جربي عصير برتقاله مع الحليب على الوجه و الرقبه وغسلي بموية ورد...رائع...من وحده اسمها مريم الله يجزاها بالخير.وهذا تقدرين تقولين تفتح البشره من اول استخدام... بس خليه وقت طويل وكل شوي ارجعي حطي..

البنات يمدحون المقشر الملحي اللي من بودي شوب افركي فيه جسمك بعد ما تخلينه شوي وبعدين افركي بالليفه و غسلي بمويه..للامانه انا ماجربته..

للاماكن الغامقه (النطقه الحساسه بالذات وبين الافخاذ) اعرف انها تغمق مع الحمل جربي كريم
Sparkle Skin Body Exfoliating Cream من كلينيك... هذا من وحده هنا في المنتدى اسمها المزيونه اكتبي اسم الكريم و سوي بحث وشوفي الرابط لطريقة الاستعمال..انا جربته و نتايج سريعه....

وقريت هنا بالمنتدى انه زيت اللوز المر حلو للتشققات اللي تجي بعد الحمل و يساعد على اختفائها..وانا ما استخدمته بس قريت عنه... لسا ماعندي بيبيات....

اما يا عزيزتي للشعر والشهيه فلازم تاخذين فيتامينات من الدكتور لا تلعبين في نفسك.....
والله يوفقك و يسعدك و يخليك قمر في عيون زوجك... ويخلي لك البيبي الجديد..
:26: :26:

اييييييه اتذكرت لا تنسين الرياضه....سوي للبطن عشان يشد..اللي تنامين على الارض وترفعين نفسك الين تلمسين اصابع رجولك... اقل شي 20 مره بعد كل صلاه... يوووه صح... انتي بالنفاس.. حاولي تقسمينها.. او تسوينها في كل وقت صلاه.. 20 × 5 = 100 مره...... من الاسبوع الاول بالمداومه راح تشد.. وزيت اللوز يساعد... بالتوفيق..
وعذرا على الاطاله:26:

شكرا اخواتي وجزاكم الله الف خير وينولكم الله كل ماتتمنوه
واسفه للتاخير لاني ما اقدر ادخل كل يوم