الحقوني .... زوجي ... يحتفظ بصور .... ومصيبه ...

السلام عليكم ورحمة الله وبركاته

انا متزوجه من رجل هو سبب تعاستي

من كم سنه وهو يحتفظ بحقائب يعلم الله وش فيها واذا سأته يقول هذه امانه تبع ناس

وقبل سنه ونص بدا يتغير للاسوأ وغير رقم شنطته الصغيره اللي دايم يقولي افتحيها وهاتي منها كذا وكذا وبصراحه كلها اوراق عمل تبع ناس وشئ بسيط خاص فيه

وقبل سنه ونص غير رقمها السري وصار كل ما يبي شئ يفتحها بنفسه

وقبل سنه برضه جاب شنطه برقم سري واحس انه يلهيني بأي شئ اذا بغى يفتحها اصلا هو داسها ويطلب مني شئ ويركض على الشنطه يفتحها

في البدايه ما همني الموضوع بس صار كل ما بغى يروح يسهر يفتحها انا بديت اعيد حساباتي

لو هي اوراق عمل كان فتحها قبل ما يروح عمله بس هي ما تنفتح الا بالليل

المهم صار لي شهر وانا احاول افتحها بس قبل اي شئ

رحت للشنطه اللي فيها الاوراق وغير رقمها وفتحتها قبل ثلاثة ايام من الان وش اقولكم وش شفت فيها كارثه تصدقون انه محنقظ بصور لاختي وبناتها هذه الصور من زمان وهم متشخصين وقالوا لي صورينا قبل نروح الفرح وطبعا لبسهم بدون كتف لاحول ولا قوة الا بالله

ولقيت صوره لطفل بعمر 10 شهور مدري طفل مين .....


المهم رجعت كل شئ مكانه وصممت اني افتح الشنطه الثانيه واشوف وش فيها

لقيت كارثه والعياذ بالله مصيبه لقيت بكت دخان فيه اوراق مربعه بداخلها شئ مثل التمر معجون صدقون ما قدرت اني اشمه خفت المهم اني الحين انا مرعوووووووووبه مره

ومدري وش اتصرف وش اسوي الله يخليكم انصحوني دلوني على الخير كيف اتصرف

والله ثم والله ثم والله اني احس نفسي منهاره وقلت مالي غير اخواتي واخواني في عالم حواء لاني ما اقدر اقول شئ لاهلي ولا لأي مخلوق

اولا زوجي عاصي ما يصلي ولا يصوم

كنه بالمقابل طيب بعض الاحيان لكنه عصبي وما فيه لاهلي لكن اهله لو يبيع الدنيا عشانهم

قبل فتره قالي محتاج فلوس وقد يبكي تعرفون اني المرأة حساسه رحت وتسلفت وعطيته 10 الاف ريال عشان ايجار البيت ويوم اني سألته وين الفلوس قالي في مخباتي قلت هاتها واذا بغيت تروح للمكتب عشان تسدد اعطيك اياها قام يسوف ويتلاعب وقال الحين بمر عليهم

انا متخوفه مره مدري وش اسوي وشكرا لكم