الحقوني شعري راح من الدنيا

اختي الغاليه

انصحج انج تبتدين في علاج شعرج بنفسج يعني تقصين اطرافه كل شهر عشان يطلع شعر جديد تبتدين تسوين حمااامااات زيت ( يفضل كريم كاب من الجمعيه يبيعونه )

اشتري من العطارين زيت الثوم وزيت الخس وزيت الجرجير ترا والله حلوين وانا استخدمتهم بيطلع لج نعومه

استخدني زيت براشوت من الجمعيه وكريم دابرا للشعر

وعقب ما تخلصين من تزييت شعرج واتسبحين عطي في شعرج سيروم للشعر اتعرفينه ؟؟؟

يوم حطي سيروم ويوم حطي كريم دابرا وشوفي فديتج اي سؤال انا تحت امرج


تحياتي لج

:27: :27:

جربي هاي الوصفة نتايجها سريعة

يا انج تستخدمين الزبدة اللي م غير ملح

او تاخذين خلطة السمن وحمام الزيت

كل ملعقتين سمن يقابلها ملعقة حمام زيت وباتي فيه :27:

هلا بالغالية, تسلمين على الرد جان استانس لما حصلت رد


1- اول شئ قلتي لي اسوي حمام زيت كم مرة في الاسبوع اسويه

2-زيت الثوم وزيت الخس وزيت الجرجير, زيت براشوت هذي الزيوت اخلطهن واحطن على شعري وكم ساعة احطهن?وكم مرة في الاسبوع?


3-شو يعني سيروم ما عرفه
اسمحي لي الغالية وايد سالتج

تحياتي

------------------------------------------------------------

اختي سراب مجنون تسلمين حبوبة

على الحل
بشوف شو الانسب لي وبحطه في شعري
بس اخاف السمن يؤثر على لون الشعر
انتي جربتي هالشئ واذا هديته ما بيرد شعري مثل ما كان


تحياتي

حبيبتي مبين ان طبيعة شعرك قريبة من طبيعة شعري
ونفس المشكلة تعرضنالها ثنتيننا

انا عالجت شعري بنفسي بفضل الله ثم عالم حواء
اهم شي الحنا لان شعرك ناعم راح تناسبه مرررررة
جربي خلطة الحنا بالحليب كامل الدسم وملعقة زبادي وملعقة عسل وبيضة حطيها بشعرك مرة في الاسبوع
وجربي المايونيز مع الزبادي وزيت اللوز الحلو ... اكثر من رووووعه للشعر
وحاولي تزيتين شعرك باي خلطة زيوت عندك ولو كانت زيت الذرة عافية وزيت الخروع ترجع لك نعومة شعرك

وصدقيني بهالاشياء السهله رجع شعري زي ماكنت صغيرة والله من غير اي مبالغة

وسلاااااااامتك:26:

هلا والله باختي الغاليه


لازم تهتمين بشعرج

يعني انا من زود غبائي رحت اعالج شعري ب 3000 ريال بس لمدة ثلاث شهور ولما شفتهم اكتشفت انه كل شي متوفر عندي ومايسووون شي من عندهم بس كان في نتيجه حلوه بامانه يعني


اذا احنا نقدر نسوي هالشي ليش نخسر فلوس ؟؟؟؟


بقولج طريقتهم بالضبط


اول شي كل شي كنت اسويه ثلاث مرات في الاسبوع لمدة 3 شهور ( سوي جذي احسن لج )

1- كانو يسوون تدليك لراسي بدون زيت فانا اقولج حطي الزيوت هاذي ( الثوم والخس والجرجير مع بعض ) وزيتي شعرج بها وسوي تدليك

تقدرين تسوين مره بالاسبوع زيت براشوت يعني مرتين جذي ومره جذي للتنويع

حاولي اتقصين اطراف شعرج كل شهر او شهرين او 3 شهور

بعده ما تحطين الزيت خليه لمدة ساعه ( بالنسبه لي احطه نص ساعه بس )

بعدها غسلي شعرج ( حاولي تدورين لج شامبو طبي من اي صيدليه ) انا شريت طبي من مركز متخصص للشعر

بعد ما تغسلين تقدرين تسوين حمام بخار

اشتري كريم كاب من فاشكول في الجمعيه وتهبل هاذي الماركه

حطيها وسوي تدليك وعرض شعرج للبخار لمدة نص ساعه بس

عقبها غسلي شعرج بماااااااااااااي فقط

بعدها نشفي شعرج

تقدرين تحطين واحد من الاثنين او تنوعين مره هاذي ومره هاذي

تقدرين تحطين سيروم كرستال لعلاج تقصف الشعر ومنه في الجمعيه تلقين شفاف وخضر وبنفسجي اختاري اللي يناسبج واهو يحمي من الشمس والاعراض الخارجيه وحرارة الاستشوار

او تقدرين تحطين كريم اسمه كريم دابرا من الجمعيه علبه صغيره خضرا


وبس

حاولي اختي تتركين الاستشوار عنج فتره ترا الاستشوار مافي غيره يخرب الشعر بتشوفين شعرج مافيه تقصف

واتمنى اني افدتج

لاتنسيني من دعائج وبشريني امااانه

تحياتي