الحقوني شكلي صرت مريضه بالشك

الْسَلآإمّ عَلْيّكَمُ وٍرٍحَمُةٌ الله وٍبُرٍكآإتَه

خواتي احبكم ف الله ❤️

ببدا بمشكلتي وامانه انصحوني مثل وخيتكم محتاجه احد ينصحني لاني عارفه اني على غلط .

انا ليا خمس سنوات متزوجه واحب زوجي حيل وهو بعد يحبني حيل واثقه من هالشي الحمدلله
وعايشه احلا عيشه ومدلعني يارب لك الحمد والشكر لكن الصدمه بعد ثلاث سنوات زواج اكتشفته يكلم بنات طبعا صارت سالفه وتعبت نفسيتي حيل لاني وثقت فيه ثقه عمياء ولا توقعته منه ابدا وكنت احسبه غيير الرجال لكن خاني للاسف وشفت بعيوني خيانته الله يسامحه انا للحين ربي مارزقني اطفال ولما كشفت خيانته قلت مافي شي يجلسني عند خاين وتركته ورحت بيت ابوي لكن ماتركني جاء يطلب رضاي وتأسف واهله مايعرفون شي ولا خبرهم راح طلب خالي يتوسط يرجعني له ورفضضت لين ابوه عرف بسالفه وجاء بنفسه واعتذر ورجعني عمي ابو زوجي لبيتي المهم ي بنات جرحني جرح مانساه وخلاني وحده شكاااكه وهو السبب له سنتين سيده ولا شفت شي عليه ابدا ومدلعني صدق نتهاوش وتصير مشاكل لكن عاديه زي اي بيت وتنحل الحمدلله بس مو مرتاحه قرفته عيشته اشك فيه حيل يقولي حرام عليك انا وعدتك ماعاد ارجع للامور هاذي وتبت لله ومقتنع انه شي حرام بس ماصدقه غصب عني ودي اترك هالشكوك لكن عجزت حاولت ماقدرت وهو السبب اول ماكنت كذاقبل كم يوم قلتله ليه جوالك برمز انت تخوني صح وحلف بالله انه مايخون وحاط رمز عشان عندي زملائي بالواتس نسولف وكذا واشياء خاصه وعندي صوري ولازم تكون عندي خصوصيه المهم بكييت قلت كذاب انت عندك انستقرام وتويتر وش عرفني انك ماتخوني قال حبيبتي هاذا برنامج اضيف خليطي حريم ورجال مو شرط اغازل وزعلت ورحت غرفتي ابكي وجاني وقال بس هاذي مشكلتك انتي تامرين امر وراح حذف كل النساء اللي اتابعهم بستقرام وتويتر واكتب لا اقبل ولا اضيف النساء وفعلا مايتابع حريم بس كان عنده برنامج برلنقو طبعا شات عام واللي يبي يسولف خاص يقدر وقال وراح اقفل الخاص بالبرنامج ويصير سوالف عامه ولا احديقدر يسولف معي خاص ارتحت لكن من شكوكي رحت دخلت برنامج البرلنقو ورحت نفس الغرفه اللي هو فيها واخذت كم يوم مرتاحه وصرناسمنه على عسل لان كل البرامج يتابع رجال فقط لكن امس كنت بنام وهو جالس فصاله ورحت غرفتي وفتحت البرنامج ولقيته يضحك بالعام مع بنت سوالف وضحك لكن قدام الناس مو خاص ماكنت ابيه يدري اني ارقابه لكن لما شفته يسولف ويضحك ويستهبلون ماقدرت امسك نفسي رحت وتهاوشت معه ي خاين من هاذي الحيوانه وقام يحلف انه مايعرفها مجرد دردشه عامه وطبعا حاول يبرر وزعلت وتركته ولا اكلمه مو عارفه كيف اتصرف انا نفسيتي تعبت وتعبت زوجي حبيبي معي وهو انقهر مني ورجع واضافه بالتويتر ولاستقرام حريم قالي انا تعبت وكل شي اسويه عشان ارضيك لكن مصره اني خاين .. تكفون انصحوني بدون تجريح الله يرضى عليكم وكل وحده تتخيل كانها تنصح اختها .اي صح بنات انا من تصرافتي شكاكه ولا تصرفات زوجي هي اللي تشككني لان
جواله برمز وعنده كل البرامج ومو راضي يشيل الرمز