*وردةالمستقبل* :

السلام عليكم ورحمة الله وبركاته باقات من الورد معطرة بأريج الخزامى لكل من وقفت معي معنويا او رفعت لي الموضوع اودعت لي اوكتبت لي حل لمشكلتي التي لا زالت قائمة اسأل الله تعالى يابنات حواء ان يجمعنا سويا في جنات النعيم ولا يحرمكم الاجر.. قرأت جميع الردود منها ما اثلج صدري ومنها ماعزز ثقتي بنفسي ومنها ما اضحكني والله وادخل السرور على نفسي الحزينه حسستوني انكم من جد اخواااتي اللي ماولدتهم امي.. بالنسبة للاخوات اللي راسلوني على الخاص ما اقدر ارد عليهم لأن مشاركاتي ما وصلت الخمسين اعتذر لهم ورسايلهم درر.. طبعا فيه تساؤلات كثييييرة من البنات راح اكتبها ورى بعض البنت تدري انه زوجي واهلها يعرفووونه واخوانها كانوا اصحاب زوجي وكلهم نفس الحارة والظاهر الاكييييد ان زوجي هو اللي اخذ رقمها من جوال امه وهي ماتدري وكلمها وطلبها للزواج مو لعب هو جاااد ..وانا مني شايفة قدرته ابدا على زواجه منها ماديا 3الاف ريال مهيب في رصيده وانا اعرف واللي كاتبين يقدر يدبر ..اهله الحين في مشكلة ماااالية صعبة بسبب ظرف قوي جدا وما قدروا ولا هو يدبروا نصف المبلغ المطلوب ..هو الظاهر انه يبغى يحجزها وتنتظره الى ان تتيسر اموره هذا الظاهر والله اعلم.. واللي قالوا كلمي ابو البنت ..انا مدري وش طبيعة ابوها وهو انسان كبيييير في السن وعنده بناااات كلهم ماتزوجوا الاوحده ومنهم من طقت الثلاثين..والظاهر ان اهلها وبالاخص اخواتها يدرون عن الموضوع وماراح يحطون غط على بنتهم انها قاعده تعاكس راح يقولون هو طلبها للزواج ويبغى يعرف راح توافق ولا لا؟ واللي تسأل عن الجنسية انا من نفس جنسية زوجي والبنت سعودية من اقصى الجنوب.. والقرارات اللي بتصدر من مجلس الوزراء قريب لابناء السعوديات وازواجهم هو السبب الرئيس اللي حمس زوجي انه يدور على سعودية وحتى يأمن على عمله لانه يشتغل في شغلة مسعوده ولو كان متزوج سعودية ماراح احد يقدر يطلعه من شغله هذا النظام غير القرارات اللي طلعت عن زواج مواليد السعودية من السعوديات يعني مررررره سهلوها... السؤال الان يابنات حواء كما طرحت بعض الاخوات في الردود... لو قدرت اتخلص من هذه الزيجة وافركشها وانا قادره ان شاء الله هل بامكاني اني اتخلص من غيرها؟؟؟لان الموضوع خاااااج في راسه وبقوة..ولو كان الموضوع تاااام عاجلا ام آجلا وخيروني بين ذي البنت ووحدة ثانية لاختار هذي البنت لاني اعرفها و زوجي راح يستمر يدور ويدخل في عالم الاتصالات والبنات لانه من اول ماكان يكلم احد والحمد لله.. اكثر الردود تقول لاتفتحي معاه الموضوع لانه بيعاند وهذا عين العقل وانا مجربه وهو عنيد والآن انا اعرف اللي يدور بينهم بالرسايل اقراها قبل لايمسحها ولو قلت له راح يكون احرص في المرات القادمه..كلامي صح ولا لا؟ الحين اقول لكم وش صار جدييييييد عن الموضوع اليوم الفجر جاته رسايل منها وقاعد يقراها وشكله مره مرتبك وخايف احس بشي لكن انا سويت نفسي نايمه على وداني قلت يارب اقرأ الرسايل قبل لا يمسحها المهم خرج الصباح وراح الدوام الين رجع الظهر وانا استناه ياخذ له قيلوله بس انشغل ماقيل.. المهم ماقدرت اصبر اكثر من كذا رحت اخذت جواله وانا معطيته ظهري وقرأت الرسايل وهو مشغول بالكمبيوتروالحمد لله لقيتها مامسحها ...تدرون يابنات وش كاتبه ووش رد عليها؟؟؟؟؟ < < اتمنى انك تنسى الموضوع راسي بينفجر من كثرة التفكير ما ابغى اصير سبب في خراب بيت وماراح اوافق لين تجي هي معاك وتكون موافقة (....)عزيزة وغاليه علي وما ابغى اخرب بيتها..انتهى كلامها.. البنت حاسه انها قاعده تسوي شي غلط.. رد عليها زوجي المزيون رد خلاني قريب انط على حلقه..:angry2::angry2: مين قالك انها مهيب موافقة؟؟اصلا اول ماتعرف راح تبارك لك واتوقع ان علاقتكم تصير تمام!!!!!وقد سبق وان بحثت معي على عروس ... انتهت الرساله.... يعني وااااااااااااااااااااثق اني راح اضحك له واصفق وارقص بعد!!! وقصة العروس اللي بحثت له عنها في اول سنة من زواجنا كنت مطفووووقة بمعنى الكلمة ما اعرف يعني ايش تعدد ولا عن مشاكله وعن الغيرة غايره وما ابغاه بس كان مأثر علي تأثير مهو طبيعي وعنده اسلوب في الاقناع عجيب وكنت ميته فيه لانه كان مخلي لي الدنيا جنه عاد تعرفون اول سنة زواج.. قال لي يبغى يتزوج وياخذ معلمتنا في المدرسة وذي المعلمة كانت لي الاخت والام والصديقة وكانت في الاربعين وماتزوجت ومن حبي لها والله ثم والله ماكان عندي مانع انها تتزوج زوجي الوقت ذاك!!!!المهم خلاني اكلمها ولمحت لها بس ماحصل نصيب وانقفلت سالفة الزواج ..ذا الكلام من 7 سنوات.. ومع اني دايم نتكلم عن التعدد والمعددين وظلمهم العظيم ويعلم عن رفضي القاطع انه يتزوج والمح له واصرح له .. لكن كتب لها ذا الكلام اني موافقة .. وانا يابنات في راسي خطة بدل المواصيل وصلت لهنا وقولوا لي رايكم فيها .. ابغى اروح عن صديقتي ذي دام انها حاسة فيني وماراح اتهاوش وياها راح اكلمها بالمنطق عن ظروفي وظروفه اللي ماتدري عنها والله لو تدري عنها بنت ماوافق عليه احد وماراح يصبر عليه الا ام عياله..المهم ..واقولها عن كل اللي مخبيه عنها لان هو ملمع صورته عندها وانه يشتغل الحين في الوظيفة الفلانيه لا ومعطيها اسم موقعهم على النت بعد علشان تشوف انجازاته واقول لها تخيلي نفسك مكاني صابره في الفقروالحرمان والمرمطة بين البيوت ولين الحين الله فتح عليه بذي الوظيفة وفرحت وقلت تتغير حالنا ونعيش حياتنا من جديد اللي غيرتها الظروف تجي وحده تدخل عليك وتشاركك زوجك بااااارده مبرده ؟؟؟يعني كان حاطني استبنه واحتياط لين تتحسن ظروفة بدل مايعوضني يهديني ضرة؟؟ هاااا وش رايكم ؟؟اقول لها كذا والا لا؟ ردو علي لاني بروح لاهلي نهاية الاسبوع لانها قريبة من هناك اقدر ازورها انا ساكنه في ضواحي الرياض .استناكم حبيباتي..

السلام عليكم ورحمة الله وبركاته باقات من الورد معطرة بأريج الخزامى لكل من وقفت معي معنويا او رفعت...