السلام عليكم ورحمة الله وبركاته
يابنات ساعدوني تكفون انا في هم مايعلمه الا الله
البارح كان عندي عشاء لاهل زوجي المهم كنت مره حايسه
وجاني ولدي عمره 5سنوات وقال ياماما انا مالعبت مع البنات دكتور
انا انفجعت لان زميلتي حضرت دوره للمدرسه ان بدايه التحرش
الجنسي لعب الاطفال دور الدكتور
المهم خلصت العزيمه وماصدقت انها تخلص وجلست انظف بعد ما راحو الضيوف
وناديت ولدي قلت له ياماما مين كان الدكتور وانتم تلعبوا
طبعا ماشاء الله على زوجي دائما يوعيه ويتكلم معاه انه ماحد يمسك او يشوف عورته المهم ولدي انا واثقه منه لدرجة اني لما اجي من المدرسه تقول جدته ماشاء الله على ولدك لو يموت بالحمام مايناديني ولا يخلي احد يشوفه لما يطلع من الحمام المهم اي غلط يسويه وتقول لي جدته من وراه اقوله قالت لي العصفوره
علشان مايزعل من جدته المهم البارح جاء وقال لي شي اقسم بالله اني اتعبت تعب لابعد ولاقبله انا اربي وغيري يخرب
قال ياماما شفتي ريما طبعا هذه بنت عمته بثالث ابتدائي واختها بثاني دخلت عليهم لقيتهم نايمين جنب بعض على السرير ولما جيت بالعب معاهم شفتهم ياماما وسكت
وسويت روحي قلت له قول ياماما عادي قال ماقالت لك العصفوره
قلت له هي كانت تبغى تقولي قلت لها لا حبيبي ولدي يقولي شاطر هو
المهم يابنات قال شي يشيب منه الراس قال ياماما ماعليهم اندرويه
يعني ما عليهم ملابس داخليه ولاشي وكل وحده حاطه يدها على
(عورة) الثانيه طبعا انا مخليه هذه المنطقه اسمها ببي ياماما
وسكت وشوفو المصيبه الثانيه قالت لي ريما فصخ بنشوفك
وبطلعه الروح اعترف انهم شافو عورته ياماما بس شوي شافوني المهم انا جن جنوني وقلت له روح ناديهم لي لانهم ساكنين فوقي لان عمتي فوقي ساكنه وهم جايين زياره لهامن منطقه ثانيه
المهم ناداهم وجوني الثنتين ومسحت فيهم البلاط وهددتهم اني بعلم امهم وابوهم وخيلانهم قامت الصغير من الخوف قالت كل الي عندها قالت هي دائما في البيت تسوي فيني كذا يارب والله اني انصدمت ماني مصدقه اطفال ويسون كذا طبعا اخت زوجي مهويه ولا تسال عنهم تخيلو هم بجده بحي قويزه وما ادراك ماقويزه تخلي ولدها عمره اربع سنوات يلعب بالشارع ويروح ويجي مع ولد الجيران ولد الجيران مخلص ثانويه وتقول مسكين يحبه موت يارب وش ذا ابغى انجن وزوجي دائما يهزا فيها انتبهي على بناتك ولا ترسليهم للبقاله لحالهم وطننننناش ماعندك احد
المهم يابنات ايش اسوي خوفتهم وقالو خلاص ماعاد نعيدها
تكفون ثقتي بكم كبيره ايش الحل
أم - خماس @am_khmas_18
عضوة فعالة
يلزم عليك تسجيل الدخول أولًا لكتابة تعليق.
بوتيك مودرن
•
۩•.¸¸.•۩ سبحان الله والحمد لله ولااله الاالله والله ۩•.¸¸.•۩
لاحول ولا قوه الا بالله جيييييييييييييييييييل يخوووووف ياليتك بعد قرصتي اذانهم بقوه علشان يتذكرون مايعيدونها ولازم امهم تعرف بحركاااات بناتها الحين تهم صغار اذا كبروا وش راح يسووون
الصفحة الأخيرة