هلا وغلا مرة ثانية وثالثة وزود على ارضافهم مليون للمعة كرستالة ووبنوتتها الحلوة وبعد للاخت الفاضلةكرادي ام البنات الحلوين ....

اخواتي الكريمات ..بالنسبة لطريقة الحنا الي حنا نسويها فهي كالتالي :

تحطين حنا على حسب الكم الي انتي رايحة تستخدمينه اوكية عقب تعجنينها على ماي فاتر وعقب ما تخلصين من العجين ويكون معجون عدل يعني كوني نشيطة وانتي تعجنين موب كسولة انزين عقب حطي على الحنا معلقة صغيرونة عسل واعجنيها عليه يعني مش على شعر بناتكم ..يا ويلي كانكن ناويات تحطنه دايركت على شعورهم وتتشعبك عليكن وتقولن اه منها غيمة سما وجدي قضت على شعور بناتنا....
عقب يوم تعجنونه مع العسل خلوه فترة تتراوح ما بين النص ساعة الى الساعة الكاملة لين ما يتغير لونه ويستوي احمر....ثم حطوه على شعورهم وبتطلع لكم ذيك الكشات المنفوشة الحلوة..
تراني والله ما امزح فعلا الحنا له دوره الكبير في تطويل الشعر وصحته بعد
....وانا شخصيا وخواتي ما نسوي غيره والحمد لله كشاتنا مثل خلق الله ..يعني كشة زينة لا باس فيها ما يعيبها شئ...

وبعد احب اقول شئ للاخت ام البنات الحلوين ..انتي تقولين انه انتي تحطين حنا على شعر بنتش لكنه يخليه يجف اوكية ما فيه مشكلة ...قبل لا تحطين الحنا انزين ..اتعرفين زيت السمسم ادهني شعر بنتش فيه ثم حطي عليه الحنا ويوم تغسلينه ما راح تحسين انه جاف ..لان عنا في البيت حالة مثل حالة بنتش ..اختي الصغيرونة عندها كشة الله لا يراويتش ومتعقدة منها ...لكنا تصرفنا فيه بزيت السمسم والحين ما شاء الله عليها في تحسن ...هههههههههه

يلة فديت روحكم كلكم اتمنى والله من كل قلبي اني افدتكم بكل الي قلته وكلي امل في انكم تثقون في كلامي لانه كلام نابع من تجربة خاصة وان صار له اثار ايجيابية فاتمنى من كل قلبي انكم تدعون لي بالتوفيق والنجاح دنيا واخرة ....

لمعة كرستالة انا :( زعلانة يعني معصبة اوكية ...ليه تبين بناتي يعذبوني ...هههههههههه يا ويلهم منى اصلا لو كان شعرهم مش ناعم ....على طول للحلاق ....ههههه انا ما عندي لاني مش متزوجة اصلا اوكية لكن ان شاء الله يوم يكون عندي ابي شعرهم حلو ما يتعبني اخاف يجي يوم واروح انشد عن لمعة كرستالة وشو سوت لشعر بنتها لين صار اوكية ..ترى محد يدري بالغيب صح ولا لاء:02:

ولكم مني الف مليون تحية غيمة سما وجدية

السلام عليكم
ياجماعه كيف تحنوا شعور بناتكم الصغار يعني بع الحناء تغطوها بنايلون وللا كيف؟
انا بنتي ما ترضى احط لها نايلون
ايش اسوي معاها

بسم الله الرحمن الرحيم

السلام عليكم ورحمة وبركاته

شدعوا بنات للحينهم صغار ليش هذي الدوخه :27:

وبعدين اذا انتي مضطره اي دهن مثال جوز الهند او املا واضربي معه شويه ثوم مو تكثرين تحرقين راس البنت هههههه ولما تغسلينه ثاني يوم تحطين حنه مع حلبه وهذي مواد طبيعيه ما تاثر عليها انشاء الله بس مثل ما قلتلك لا تكثرين الثوم علشان ما يؤذيها

سبحان الله وبحمده وسبحان الله العظيم

مافيه زي دابر بو ريحه خايسة بس نئايجه تمام :24: :26: