الحقوني قبل لايوقع الفاس في الراس

ياينات انا طلبت الطلاق من زوجي وقلت له انا ماعاد ابغاك .....
المشكله ...:44:
انا متزوجه لي سنه ونصف وعندي طفل عمره اللحين 11شهر زوجي يصير ولد خالتي .. من قبل لااتزوجه قالتلي اخته انه كان يحشش واللحين تركه له ارع شهور لانه يحبك يبغى يتركه استخرت الله ووافقت بعد ماتزوجته اكتشفت انه بدون وظيفه وكان اهلي هم اللي يصرفوا علينا وغير اخواته من فتره لفتره يعطونا فلوس المهم بعد شهر من الزواج والحمدلله بالصلاه والاستغفار رحنا انا وياه وقدم على مكتب العمل ولقى وظيفه بس كان في مكان بعيد شوي يبعد عننا ساعه تقريبا وقال مايهم يبغى الوظيفة وتوظف جلس فترة وقال تعبت قلت ننقل قريب من عملك في منطقة قريبه منها بينها وبين عملة ربع ساعة باظبط المهم رفض وقال لا لاني كنت حامل ومايبغى لين اوولد يكون رايح جاي في الطريق عشان يشوفنا المهم تكاسل عن العمل رغم مرتبها حلو3000ريال وصار مايداوم كل مااصحيه للدوام يقول لاتخافي في من يوقع عني ولايدرون انا جيت والا لا المهم ولدت وحضرته بدون وظيفه وقال انه قدم استقاله تركني عند اهلي ولاعاد سأل عني وكان مايجي الا اذا احتاج فلوس كنت اخذ من اهلي واعطيه كان يقولي الراتب مانزل الراتب تاخر المهم بعدماولدت لقاله اخوي وظيفه وانشغل فيها حتى ولدة اقسم بالله ماكان يجي يشوفه الا اذا خاصمته واقوله ماوحشناك يجي دقيقتي ويمشي اكتشفت بعدها انه يحشش لان مسكته الشرطه وهو يشتريه وصالحوا بينا اهل الخير ورجعت له واهمل اجار الشقة ويقول انا من اول ماابغى الشقة هذي وانتي اللي اخترتيها انتي واهلك ويشهدالله انه هو اللي اختارها وقالي ايش رايك فيه قلت حلوه ومناسبه وراح استأجرها اللحين طردنا صاحب العماره ورحت بيت اهلي وغصب جاني عشان ندور شقة ولقينا وحده تمشي الحال مؤقتا بس زوجي يحب الحواري الوسخة ولقى شقة فيها ورفضت قلت له ماابغى ولدي يتربى في اماكن زي كذا المهم قال ناخذ الشقة الثانيه واستاجرناها واخترنا البويه راح ابويا معاه عشان يشوفها قاله ابويا ليش مادورتو احسن منها قال بنتك اصرت على هاذي وديتها كذا مكان وعماير احلى قالت ماتبغى الا هذي زعلت وعصبت وطلبت منه الطلاق من وقت ماقلت له كذا لنا اسبوعين حتى ماقال اشوف ولدي وحشني واسلم عليه استلم راتبه والله العظيم حتى حليب ماجاب له ولاحتى حفايظ اهلي يصرفوا عليه بالله ايش رايكم ..... وحتى فلوسه دايم يجيبه ناقص يقول الشركه سحبت ديون عليا وهو والله العظيم ماعليه ديون ..اسألكم بالله قراري صائب وإلا اتمهل
رغم انه عمره ماحس فيني وفي ولده والله العظيم حتى لعبه والا مشايه ماقد اشتراها لولده عمره ماحسيت انه مهتم بولده:mad: اخوه في عمره تزوج نفس اليوم معانا واللحين عنده ولد قد عمر ولدي بالضبط ويشتري لولده كل شي والعاب ومهتم في زوجته وولده على الرغم من انه زي زوجي كان يحشش ومازال إلا زوجي مايهتم فيني ولا في ولدي اسألكم بالله ردوا عليا في اسرع وقت اسفه طولت عليكم والله العظيم غصب عني الله يجزاكم خير ***** الله...:icon33: