الحقوني قبل يدري زوجي وش اسوووووي

السلام عليكم
بنات بقولكم عن وضعي انا وزوجي المادي طبعا ما اخذ مصروف شهري ابدا لانه ضروفه الماديه صعبه
وحليب الولد والحفاضات يعني ارحمه ولا اطلب منه مصروف لي لدرجة ان الحين دخل الشتا وانا ماعندي الا ترنق واحد
ومدري وش البس ولا اعرف اتكشخ ماااعندي لبس وصرت اتسلف لبس من خواتي تصدقووون
قبل كم يوم عطاني 600 علشان العيد وانا ماصدقت فيها ورحت السوق وتقضيت ملابس لولدي وبعد ما كفت الفلوس وانا ماشتريت لنفسي الا بجامه وحده حتى لبس العيد ماشتريت وهو مواعدني بكره يوديني السوق
علشان اشتري لبس العيد لي بس المشكله يابنات اني خلصت الفلوس على ولدي لانه حرام مسكين والله استحي
اذا اجتمعنا بعزايم عند اقاربي بس اكرر البدله عليه وغيره موب احسن منه اشوف عيال خواني ملابسهم تجنن وولدي
بينهم شكله ضعيف فرحت واشتريتله بكل الفلوس وقلت اببيع من ذهبي واشتري لنفسي لبس العيد
بس مامداني اروح ابيع من الذهب لانه بكره بيوديني لمجمع مافيه محلات ذهب
وبعد انا متردد ابيع من ذهبي اخاف اعود الرجال ابيع من هالذهب وهو ماعاد يتحمل المسؤوليه
وماتحمست اني ابيع وفكرت اني اقوله ان الفلوس خلصت على الولد وكيفه اذا بيعطيني او لا
مع العلم يابنات اني ماطلب مصروف شهري بس قررت اني من بداية الشهر الجاي خلاص لازم يخصص لي مصرف لي
لان مش معقوله لبسي عند الناس بس اكرره حتى لبس شتوي ماعندي الا ينعدن عالاصابع
قولولي يابنات ايش رايكم ابيع من ذهبي واشتري لبس العيد ولا اخبره بشيء والا اخبره واخليه يتصرف ويعطيني
بس انا خايفه ان صحيح ماعنده فلوس وارحمه من ناحية المصرووف ووش رايكم اطلب منه يخصصلي مصروف شهري وكم تتوقعون اطلب منه مع العلم ان شهريا يمكن يصفالنا من الراتب بعض الاحيان 1800 او 200