الحقوني قمل في شعراولادي

اختي استخدمي شامبو سنان مع مشط فركيه بالشعر وخليه شوي ثم روشيهم واستشوري شعورهم لان الحرارة تقتل البيض ...غسلي الامشاط وامشاط الاستشوار انا كنت انقعهم في ماء حار وتايد وكلوركس ... غسلي البطانيات والمخدات والشراشف لان القمل يعيش فيهم .. الملابس غسليها بكلور وماء دافي عشان تقتل البيض ... لاترجعين اي ملابس للدولاب الا مغسوله .. المفارش الكبار اللي ماتقدرين تغسلينها انشريها بالشمس .. تنظيف البيت يوميا وكنسه بالمكنسه الكهربائيه عشان تضمنين انه مايرجع .. غسلي مكنسه الكهرباء بعد كنس البيت لانه اذا دخل جواتها ومامات يطلع .. طبعا انا اللي نقل لنا القمل جتنا خدامه جديده وعدت عيالي حتى انا كان فيني اتبعه كل الكلام اللي فوق والله ياختي 4 ايام بس واختفى .. فيه طريقه الخل للشعر بس ماحطيتها لعيالي حطيتها للخدامه وانتفخت عيونها يمكن من ريحه الخل الطريقه هي تحطين خل في علبه بخاخ وترشين الشعر وتمشطين لان الخل يفك البيوض من الشعر وتنزل بسرعه بس انتبهي قلت لك خدامتي انتفخت عيونها 

شوفي وعن تجربه زيتي شعورهم ومشطيهم يوميآ وبس.....

حتى البيض لما يفقس يطيح مع التمشيط ..وحتى لو احد عااداهم مع التمشيط

والزيت يروح ...صدقيني هذي اريح وأأمن طريقه للأطفال..

لآن المواد الكيمائيه ذبحت اطفالنا وآمرضتهم ..

والله يعافيكم ويعافينا وكل مسلم..

الله يعينك

ها المداارس صارت دمار وقرف والقمل مايجي الا منها
البسي عباتك وهرووولي لاقرب صيدالية

ياقلبي قبل شهر جاني وبنتي من الشغاله انجنيت كنت احسبه حساسيه وطلع قمل

عاد وصفولي بخاخ من الصيدليه استخدام واحد ويقضي عليه بحول الله وقوته

اسمه نايدا وآمن تبخي عليهم وتمشطي الشعر هو يكتم القمل والبيض يموت
تخليه ٨ساعات على الشعر

طريقتي قالتلي عليها اختي
اغرق الشعر بالبخاخ واربطي كيس او لفي عليه نايلون حق الطعام اريح بالذات للأطفال
وعلبال مامضت الثمان ساعات
غسلت الشراشف واللحف وكنست البيت والكنب
ولما غسلت شعري استلمته بمشط القمل وعبيت شعري بالبلسم اي نوع وامشط شعري يطيح الصيب كله
وبعد مانشف شعري حطيت لي انا خل ابيض على شعري بالذات قريب الجدور لأنه يزيل المادة الاصقه الي في البيض وزيت زيتون كثرته على شعري ولفيته وخليه كم ساعة وبعد الغسيل بالشامبو عدت طريقتي مع البلسم والمشط
وماشاء الله تبارك الله يومين ومافيني ولا بنتي شي وارتحت من الكابوس يارب رحمتك
الله يعينك ياقلبي أهم شي النفسيه خليها ريلاكس

العلاج الفعال للقضاء على القمل
هو برنامج لمدة 7 أيام ولو طبقتيه بإذن الله راح يقضي عليه 100%


1-من أول يوم من البرنامج يوميا اغسلي الفوط وغطاء الوساده الي ينام عليها الشخص والمفرش بماء يميل للحرارة أو بماء فاتر وبعدها نشفيه بالنشاف الكهربائي حتى يقضي على الصيبان الي فيه أو يوم كامل بالشمس .
2- اغسلي وسائد الكنبات الي يجلس عليها افراد الاسرة وافتحي الشبابيك خلي الشمس تدخل واكنسي باقي الكنب والموكيت يومياً.
3- خصصي للطفل وسائدة لو اراد ان يجلس امام التلفزيون وكل يوم اغسليها .
4- اخلطي 1/4 كوب زيت زيتون+ 1 ملعقة كبيرة خل لأن الخل يزيل المادة الي تلزق البيض بالشعر
وإذا طفلك يتحسس استبعدي الخل واكتفي بزيت الزيتون واسكبيه على راس طفلك.
5- وبعدها قسمي شعره إلى اقسام كثيرة واربطي كل مجموعة بمغاط

ابدي في الشعر الي اسفل الرأس لأنه عادة يتمركز في الشعر الي عند الرقبة والي ورى الاذنين وابدي مشطيه في المشط الرائع الواسع

من تحت من جذور الشعر إلى اسفله وبعدها من كل الاتجهات وخلي عندك مناديل ورقية نظفي المشط في كل مره وهكذا إلى ان ينتهي الشعر وبعدها مشطيه ككل من تحت ومن فوق من كل الأتجاهات
لأن هذا المشط ينظف الشعر من الصيبان والقمل .
6- اغسلي شعر الطفل بشمبو عادي " وخلي عنك شمبوهات القمل مامنها فايدة "وبعد مايخرج فوطي شعره وكرري نفس العملية التمشيط فقط واغسلي فوطته واربطي الشعر إذا كان يمكن ذلك .
7- نقعي الامشاط والبكلات بصابون تايد وبعدها اغسليها ونشفيها وخليها في الشمس .
8- كرري نفس البرنامج يومياً لمدة 7 أيام لأن دورة القمل 7 أيام من وضع البيض إلى ان يفقس وبكذا اضمن لك بإذن الله أنه راح يقضي عليه.


ملاحظات :
- خصصي مشط وفرشة شعر للطفل المصاب .
- طبقي نفس العملية مع كل الاطفال في البيت مرة واحدة قد يكون في بدايته ومالحظتي حتى تقضين عليه من كل افراد الأسرة.
- لما طفلك ينام عند احد خليه ياخذ وسادته ومفرشه معه حتى مايعادي الاخرين وإذا كان سليم مايتعادى من الآخرين .
- نبهي طفلك مايستخدم امشاط وفرش وادوات الاخرين نهائياً .
- دائما احرصي على تفتيش شعر طفلك لأنه إذا استفحل في الشعر يتعب في إزالته .
- احرصي انك تحصلين على المشط الي امشاطه من حديد وطويله