مرحبا خواتي جزاكم الله خير انا اكتب لكم من المستشفي رحت لطواري المستشفي نفس الي خذو من التحاليل وشيكو على التحاليل حصلو هرمون الحمل مرتفع ولما شافوني اتوجع سوو لي سونار وكتشفو ان الكيس انفجر وانه حمل خارج الرحم والدم كان واجد وعلى طول دخلوني العمليات وكانو يقولون لزوجي حتمال شق بطن بس الله لطف وسووى لي منظار ثلاث فتحات ولما طلعت كان في تيوب طالع من الفتحه ويطلع دم خلوه يومين والحمدلله ربكم لطف وماشالو النبوب فالوب يقولون ماصار لها شي بس اليوم خذو مني تحليل عشان يشفون نسبه الحمل كان 500واول مادخلت المستشفي كان 1000الدكتوره تقول كنت اتوقع ينزل اكثر وقالت انها خايف لايكون في بقايا في الانبوب وانها اذا مانزل الهرمون اكثر بيعطوني ابر تنزل الدم احتياط والله يستر احس هالدكاتره مايدرون وين الله حاطهم تدرون يبنات لما جاو يشيلون الاتيوب من بطني طلعت لحمه معه وخفت وصرخت على الدكتوره اقول شنو هذا لايكون مصاريني قالت لا لا هذا شحم من البطن وقصته قلت ليش قالت مقدر ارجعه بيلتهب المكان والله اني مغير استودع الله اعضاي وجسمي دعواتكم خواتي ان الله يخرجني على خير

خواتي مبهمه و دندونه لودي مشكورين على السؤال يالغوالي لاخلا ولاعدم

واااااااااي وربي لو انا مكانك بنجن

ربي لطف فيك

هاذولا الدكاتره حسبي الله عليهم

بس ابغى اسالك ايش اعراضه اول مااختفت الدورة الم في الجنب ولا ويين

الحمد لله علي السلامه وش ذي الدكتوره ما تفهم اصلا الكشف المهبلي بالسوتار يبين الحمل

الله يستر علينا
الحمد لله ع السلامه
من يوم ماقريت موضوعك عرفت انه حمل خارج الرحم
وانصدمت انها تقص الشحم؟؟؟
ايش هو مستشفاك اختي...ضروري لاجل البنات يحتاطون
والف الف الف الحمد لله ع السلامه