الحقوني مع غسالة الصحون

عــرووب • 18 سنة

تفضلي ومع الصور..

أولا: الملح
عبي خزان الملح موية بعدين جيبي المخروط اللي جاي مع الغسالة وحطي ملح بالخزان لحد مايمتلي ملح..
وأثناء تعبئة الملح راح تلاحظي أنه فيه موية تطلع عادي..
هذي صورة الخزان الخاص بالملح

وهذي صورة المخروط

(يملى لما يضيء مؤشر الملح)
ثانيا: الصابون والملمع
الملمع

هذا مكانة أفتحي الغطاء

بعين حطي الملمع
لحد مايمتلي الخزان
حركي المؤشر على 4 وسكري الخزان..
(يملى كل شهرين تقريبا)

الصابون

فيه قسمين
قسم كبير وقسم صغير
القسم الكبير حطي إلى ثلاثة أرباعة تقريبا لما تكون الحمولة كاملة
أو نصفها لما تكون نصف حمولة
والصغير لا تحطي فيه شي إلا لما تستخدمي بلس أملي الكبير مع نصف الصغير
(مع كل غسلة تحتاجي تملي خزان الصابون)

ثالثا:أزرار لوحة التحكم

راح نبدأ بالأزرار اللي على اليسار
وهذي صورتهم

من اليسار
1/زر نصف الحموله (الزر اللي فوقه نص)
هذا لما يكون غسيلك قليل وماتحتاجي إلا الرف العلوي صفي الصحون في الرف بعدين أضغطيه وأختاري النظام المناسب بعدين زر التشغيل..
2/زر بلس (اللي فوقه 65)
هذا لما تكون المواعين شديدة الأتساخ، ولا يصلح للأواني الزجاجية والحساسة..
3/مؤشر تنبية الملح
لما يخلص عليك الملح يضيء
4/زر التشغيل
لما تختاري النظام أضغطي على زر التشغيل
ولما تخلصي غسيل أضغطي على الزر لفصل التيار..
5/مؤشر التشغيل
يضيء عند التشغيل.
لوحة التحكم من اليمين

هذا لأختيار نظام الغسيل
أختاري النظام المناسب وحطي الصابون وسكري الغسالة بعدين أضغطي زر التشغيل ..
ماهو النظام المناسب؟
(1) هذا إذا كانت المواعين شديدة الأتساخ يعني لما يكون عندك حكايك جافة أستخدمي هذا النظام..
ونظام بلس يستخدم مع هذا إذا دعت الحاجة
(أنا ماأستخدمته إلا مرة وعلق الزر جوا وبعد ماطلع مااستخدمته)
(2)هذا لما تكون الأواني فيها بقايا طعام لكن غير جافة
(3)هذا لللأواني الحساسة مثل الزجاج..
(4)هذا شطف بموية حارة فقط
(5)هذا النظام الاقتصادي لما ماتكون فيه بقايا طعام..
وهذا كثير أستخدمه بعد ما أنظف المواعين بالماء تطلع تمام
(6)هذا رش بالماء البارد للتنقيع يستخدم إذا عبيتي الغسالة وفيه باقي تشغليها على النظام هذا لحد ماتكتمل المواعين..

طريقة الاستخدام:

1- تصفي الأواني
2- تحطي الصابون
3- تختاري النظام
4- تسكري الغسالة
5- تفتحي زر التشغيل

وهذي صورة للصابون والملح والملمع اللي أستخدم

إن شاء الله أستفدتي
وخبرني عن النتائج