الحقوني وساعدوني وقتي قصير وماابغى انسى شي مهم -ساعدوني

ناقله شقه جديده
هي اربع غرف وصاله ولله الحمد
الغرف مو كبار مره بس المجلس كبير
مو هذا المهم
المهم راح اعطيكم تفاصيل الشقه
لون السيراميك والبويه سكري فاتح والسيراميك لماع يعني ناعم ومربعاته كبيره وحلو صراحه
بس المطبخ لونه قاتم شوي البلاط مدري السيراميك مدري وش اسمه لأنه مربعات صغيره مو زي باقي الشقه اكيد ولونه مايل للرمادي مو عاجبني
لكن ابغى اعرف ايش الوان المطابخ اللي تعطي تفتيح للمكان غير الابيض
ابغى مطابخ تفتح نفس اللي يدخلها والوانها مو غامقه ومريح في الاستخدام ماابغاه مكلف مره ولا فيه حركات مالها داعي
ابغاه عملي ومريح ولونه مريح
كمان ابغى اعرف احسن الوان المجالس العربيه البسيطه والموكيت المشجر ايش اختار الوان
ابغاها تعيش فتره طويله وابغاها عمليه عندي اطفال وابغاها غرفه للمعيشه وللتلفزيون
كمان الشقه دور ارضي وخايفه من الصراصير وحابه ماادخل فيها الا وهي نظيفه تماما
ايش تنصحوني اجيب شركه تبخ الارض والحمامات وكيف اتصرف وايش اقولهم ماابغى احد يخدعني تراني انا بس اللي اتصرف
ابغى اعرف ايش اقولهم وايش احسن منتج ممكن استخدمه للنظافه التامه للشقه قبل لاننقل فيها
ترى قبلنا كان فيه ناس مستأجرينها مدري كم قعدو فيها بس مااعتقد طولو الشقه شكلها جديد
كمان ابغى افكار ومعلومات للي جربت النقل جديد
ابغى اعرف كيف انقل عفشي وفين احط الملابس في اكياس ؟ طيب اكياس الزباله الله يكرمكم السوده خايفه تتقطع
ابغى وسايل انقل بها اغراضنا الشخصيه
زي ملابس وادوات ومستحضرات وكتب وغيره
وابغى وسايل انقل بها القزاز والاواني
وبأيش ابدأ اول شي
والله يرضى عليكم اتعبرو نفسكم انتو اللي بتنقلون بايش تبدأون اول شي وايش خططكم ؟
تراني لوحدي مامعايه الا الله
صحيح فيه شركات تنقل العفش بس خايفه شي يتكسر او ينعدم ابغى اكون مطلعه على كل شي
ساعدوني قلقانه وحيرانه
على فكره اول شي قبل لانحط العفش انا اقترح نشغل سورة البقره في الشقه الجديده كامله ايش رايكم ؟؟
واذا هناك تحصين آخر اطلعوني عليه يكون جائز وصحيح
على فكره احنا في مكه
والشقه في منطقه مافيها تلفونات
ويقول صاحب العماره انه التلفونات اسقاط
يعني ايه اسقاط وهل اقدر اشغل النت ؟؟