بسم الله الرحمن الرحيم
يابنات انا بحالة صعبة وحاسة ان الحين نقطة التحرك
ولو سكت اكثر من كدة ممكن ولدي يضيع مني
ولدي عمره 9 سنين..من سنتين بدأ يتعامل بأسلوب خاص مع اصغر اخت عندي عمرها 23..
يعني اذا انشغلت عنه او تكلمت في الجوال لحالها يغار عليها ويعصب ويسال انتي مين تكلمي
مع ان عندي اختين غيرها اكبر منها بس تعاملو معهم عادي جدا
ودايم يطلب منها تهتم فيه ويحب يجلس جنبها ومعها
احنا طبعا في البداية مااهتمينا واخدناها مزح وقلنا عادي خالته ويحبها
ويمكن هذه كانت غلطتنا
وطبعا استمر الوضع الى ان صار موقف من شوي هو اللي خلاني
اكتب لكم لانو طلب انو يكلم اختي عالمسن
كان طفشان علما اني مااخليه يدخل نت ابدا لا فيس ولا غيره
وفي اطفال من عيلتنا اهلهم معطينهم فيس ومسن وولدي وبنتي ياما طلبوا بس انا راافضة تماما
ولمن لقيته طفشان ويبي يكلم خالته لانو احنا بنروح نعيد في بيت اهلي نسافر لهم بعد ايام ان شاء الله ويبي يكلم خالته يقولها وش يبي العاب وكدة ففتحت له ايميلي وفتحت له محادثة مع اختي
وتكلموا عادي
وانا معودة عيالي يحكون لي كل شي ونكون اصحاب
وهو من نفسه جاه بعد ماخلص قال لي ياماما انا قفلت مع(....)
وروحي اقري المحادثة
يعني في شي الولد يبغاني اعرفه!1
مسكت لابي وماجاء في بالي ان في شي خطير
قلت يمكن طلب من خالته العاب او شيكولاتات معينة ويبي يوريني
وفي نفس الوقت اختي قالتلي يافلانة اقري المحادثة سريع في مصيبة وتعالي نحلها
طبعا قلبي طاح في رجلي
المحادثة باختصار..
بحط لكم الكلام المهم الباقي كلام عادي متى تجونا هاتي كذا اطبخيلنا كذا بداية الكارثة من هنا:
اختي:ها اش عندك حكاية تانية تبغى تحكيها؟
ولدي:هي حكاية وحدة ابغى اقولها..
اختي:اتفضل
ولدي:ارسلها صورة بوسة
وقالها احبك
اختي:حتى انا يازوزو احبك
ولدي:لا انتي ماانتي فاهمة انا ودي اعترف لك بسر من زمان الموضوع كبير
اختي:قول طيب ماراح اقول لاحد!!
ولدي:انا احبك مرة انتي زي حبيبتي انتي بالنسبة لي حبيبتي
اختي:طيب اي ولد في الدنيا يحب خالته انا احب خالتي زينب مرررة وكمان اختك تحبني وبنت خالتك مريم وسارة واخوهم محمد كلهم يحبوني لاني خالتهم
ولدي:انتي ماصدقتيني؟انا غلطان اني اعترفت لك
بعدين قال لاختي انا ماحب احد يجرح قلبي
وانتي جرحتيني ها عندك جروح تانية!
وبعدين انا دايما كدة ماحد يفهمني ماهو جديد!
ولمن اختي فهمتو انها خالته وكدة يقولها انتي كدة خليتي نفسك اختي!!
وقالها خلاص لاتزعلي مني وقام وانا جيت!!
الحين هو طلب مني اني اقرا المحادثة يعني عارف اني عرفت
ماني عارفة كيف اكلمه كيف افهمه
اختي حاولت تفهموا فكرة انها خالته وكدة بس هو عصب وشاف انها ماهي فاهمته
يابنات ساعدوني اش ممكن اقوله
وكيف اتصرف احنا اخر الاسبوع بنروح عند اهلي في المدينة وبنجلس الى العيد كيف اتصرف!!
هذا الموضوع مغلق.
ياويلي 00 نفس كلام اختي المشكله جا يقول لي ماما شفتي المحادثه؟ بس انا قولت له لا حبيبي دخلت منتدايا 00 لازم يكون عندي رد قبل اتكلم معاه
ولدك ماشاءالله افكاره وكلامه اكبر من سنه
اجلسي معاه وحاوريه واقنعيه ان مايصير كذا وحاولي تشغليه هذا طفل جيبي له لعبه جديده وانتي رايحه لااهلك عشان يلتهي
هاتي له ايباد ولا ايبود ولا سوني المهم شي يشغله عن هالافكار ويلتهي عن اختك وهي تقسى عليه وتقوله انا زعلانه لانك قلتلي كلام مش حلو ماعجبني
اجلسي معاه وحاوريه واقنعيه ان مايصير كذا وحاولي تشغليه هذا طفل جيبي له لعبه جديده وانتي رايحه لااهلك عشان يلتهي
هاتي له ايباد ولا ايبود ولا سوني المهم شي يشغله عن هالافكار ويلتهي عن اختك وهي تقسى عليه وتقوله انا زعلانه لانك قلتلي كلام مش حلو ماعجبني
الصفحة الأخيرة
انتبهي تهاوني بالوضع