الحقوني ولدي مسخن وصار جلده لون موف ، اللي تعرف لامراض الدم تدخل

السلام عليكم

ولدي عمره 10 شهور تقريبا له 4 ايام مسخن ومزكم والتهاب بحلقه

وديته المستشفى وقال الدكتور عشان الانياب بتطلع

كتب له مضاد حيوي وخافض حراره

والله كاني اشربه مويه مو دوا

اعطيه الخافض تخف الحراره شوي ساعه ساعتين الا هو زي النار

المضاد صراحه اخاف منه فخليته مره باليوم بس بدل ما اعطيه كل ست ساعات

المهم توني غيرت له لان عنده اسهال

الا جلد جسمه مرره غريييييييب صاير لونه موف ومرسومه العروق كانها خرايط كثير

شي غريب وربي مدري وش ذا الشي امي قالت وقفي الدوا يمكن منه
وانا اخاف انه رجعت نقصت عنده الصفائح الدمويه لا سمح الله

مدري وش اسوي انا عند اهلي واخواني مسافرين ماعندي احد يوديني المستشفى

قولو لي مبدأيا وش اسوي

تو اخذته اختي مسحته بزيت مقري فيه ورضعته وتحاول تنومه

والله اني خايفه ولا ودي اربش ابوه ويقلق عليه حتى هو مسافر