الحقوني يابنات ، اعتمدت على الابرة التفجيرية

السلام عليكم ورحمة الله وبركاته
يسعد صباحكم


بقول لكم ايش صار معاي
راجعت ف عيادة سمير عباس ع اساس الحمل بالولد بإذن الله
قالت لي الدكتورة في اليوم العاشر من الدورة اسوي سونار للرحم وطلع حجم البويضة 7 ملم ، وصفت لي غسول بيكربونات الصوديوم استخدمها من اليوم العاشر
وقالت تعالي لي في اليوم الـ 15 من الدورة
رحت لها وطلع حجم البويضة 15 ملم في الجهة اليسار
قالت لي اجي لها ف اليوم الـ 17
قلت لها ما اقدر اجي لك ، مسافة سفر وتاركة اولادي لوحدي
فقالت خذي الابرة معاك ويوم الخميس الصبح بدرري استخدميها وبعدها ب 36 ساعة سوي جماع مرة واحدة بسسسس

اخذت الابرة يوم الخميس الساعة 6 الصبح
يوم الجمعة 1 الظهر (بعد الابرة بـ 31 ساعة ) الظهر اجاني ألممم قووووي ف جهة اليسار واستمر للساعة 3 العصر ( طبعًا انا اعرف هدا الالم يمكن كل 3 اشهر يجي لي في فترة الاباضة
ومتأكدة من هذا الألم
نمت وصحيت ومافي ألم ( اختفى )
بعدين صار جماع ع الساعة 6 ونص المغرب ( بعد الـ 36 س)
زي ماقالت الدكتورة

لمن اجاني الألم تأكدت انو كلام الدكتورة صحيح
لاني قريت كثير انو هذا الالم دليل ع انو البويضة انفجرت

لكن اللي صدمني انو نزلت علي افرازات الاباضة بعد الجماع بيوم ،، الجماع كان الجمعة ونزلت الافرازات السبت بالليل واستمرت لمن يوم الاربعاء ( افرازات تتمدد شفافة ومخلوطة بلون ابيض ) وحرارتي ارتفعت في الايام هذي


عاد انا لمن شفت الافرازات بديت اشك في يوم انفجار البويضة فقمت وكررت الجماع يوم يوم الأحد آخر الليل ( 2 فجر الاثنين)


دكتور عماد يقول من علامات انفجار البويضة افرازات وارتفاع درجة الحرارة
طيب والالم اللي اجاني ايش اسمه
وممكن ماتنفجر البويضة بوقت الالم !!!!!!!
وممكن تاخذ وقت بعد الالم وتنفجر !!!!!



واذا كانت الافرازات ودرجة الحرارة علامة اكيدة ع انفجار الاباضة
ف بكذا اكون جامعت قبل الانفجار واذا حملت بتكون بنت

ويمكن اكون حملت من الجماع التاني ويكون ولد

والحين الدورة متأخرة عن موعدها 3 ايام
كل يوم احلل بول يطلع سلبي

استفساراتي
الالم ماله دخل بالانفجار !؟ ومين صار لها مثلي وجامعت وقت الالم وطلع معاها ولد !؟
واذا في حمل قبل الدورة ب 13 هل يبين في البول والا لازم دم؟