الحقوني يابنات ذبحت شعري من الصبغه

السلام عليكم ورحمة الله وبركاته :

كنت مقررة احط حنه بشعري بس امي قالت لي ان الحنه خلصت :icon33: قلت اوكي برح اشتري من الجمعيه
وبالفعل حصلت باكيتات مرسوم عليهم صورة هنديه واسعارهم رخيصه ب6 ريال مع ان امي نصحتني وحذرتني من حنه الجمعيات انها موب زينه بس انا ما سمعت الكلام
وانا (الغبيه) اروح اشتريهم على بالي انهم حنه واثرهم صبغه حنه :icon33:
طبعا رحت البيت وخلطت الحنه مع اضافات مثل الكركديه والقرنفل وحطيتها بشعري 3 ساعات :icon33:
اول مادخلت الحمام وغسلته طلعت وانا حالتي حالة والساعه 4 الفجر خذتني امي للطوارئ وكنت حيل تعبانه ومنهاره ويدي فيها حكه وحبوب ووجهي واذني حمرررررر وماطلعت من عندهم الا الساعه 8 ونص الصبح والحمدلله سوو لي تحاليل وطلعت كلها سليمه

انتو فاهمين وش انا اقول :icon33:
الزبده من الموضوع كله اني حطيت صبغه في شعري لمده 3 ساعات يا ويلي من الله :icon33:
الحين وش اسوي يابنات ؟ اخاف شعري خرب ؟ اخاف يطيح واصير صلعه :icon33:
اليوم هو ثالث يوم لي بس مااحس بأي تغيير بشعري يعني عادي جدا وطبيعي بس اخاف انه تضرر من جوا يعني وش تنصحوني فيه
ارجوووووووووووووووكم ترا منهاره نفسيا وخايفه على شعري عاد حسافه هو غليض وماشاءالله حتى قشرة مافيه ومبسوطه عليه مرررررة والحين مادري وش بيصير له من عقب هالصبغه اللي حطيتها وانا احسبها حنه لابارك الله فيها :(