السلام عليكم بنات انا في هم مايعلمه الا ربي وانتم هنا في المنتدى أخواتي ماعندي احد افضفض له واستشيره غيركم
انا لي عشر سنوات متزوجه وماعندي اطفال وصابره على حياتي مع زوجي لاوظيفه ولابيت ساكنين مع اهله واهله ناس طيبين جداً الله يحفظهم كأنهم أهلي بس مالي خصوصية في حياتي لااقدر البس زي البنات ولااكشخ وانا ساكنه معهم وغير كذا زوجي عصبي على اتفه مشكله يرفع صوته ولازم كل الناس يدرون ان عندنا مشكله وهذا الشي جداً مضايقني ومتعبني وتفكيره غير تفكيري هو اكبر مني ب15 سنه وكل شي عنده ممنوع حتى دراستي ممنوع اكملها واي مشوار ممنوع وزواجات ممنوع احضرها وانا اقول طيب واسكت عشان ارضي ربي في الاول ثم ارضيه كل شي يبغاه اسويه عشان ماازعله وتوظفت في وظيفه بسيطه جداً عشان مااكلف عليه بطلباتي واصرف على نفسي كل ماقدمت تضحيات كل مازادت طلباته ودايماً يظن فيني سوء وانا مااتحمل اني اسوي خير والقاه يظن سوء اتعب احس اني مغبونه احس نار ف قلبي ليش انا الطيبه القى منه كل هذا والحريم اللي حولي قويات وعايشين حياتهم ومبسوطين الله يهنيهم ويتمم عليهم
اخر موقف حصل امس بسبب سوء ظنه صار يرفع صوته وعصب وف الاخير يقول يارب ترزقني بزوجة صالحة تقر بها عيوني في الدنيا والاخره انا من سمعت هذي الدعوه بغيت اتجنن حسيت نار ف صدري طيب وانا وش تشوفني انا كل هالعشر سنوات وش موقعي في حياتك تعبت وماعاد عرفت وش اسوي طلعت من الغرفه ونمت في المجلس من القهر ماعاد ابغا اشوفه
دخيلكم يابنات دلوني كيف اتصرف وش اسوي من القهر مو عارفه افكر الله يسعدكم دنيا واخره معليش على الاطاله وسامحوني لو كلامي مو مرتب واخيراً دعواتكم لي 😔😔
رووح خالدA @rooh_khalda
عضوة جديدة
يلزم عليك تسجيل الدخول أولًا لكتابة تعليق.
ماعندي لك حل لو باقي لي رجا بدنيا والناس كان حليت مشاكلي لكن بدعيلك الخالق عسالله في هذي الساعه يرزقك الضنا ويهدي زوجك ويسخره لك ويفرج همك ويعوضك عن صبرك دنيا واخره ويبرد على قلبك وقلبي وكل مظلوم
عايشه31
•
الله يفرجها عليك ،بصراحه انتي الغلطانه ،لان الرجال يحب اللي ماتتنازل عن حقها ،وتكون قويه عنده ،غيري من تعاملك صيري لكيعه فرفشي، خليك انسانه ثانيه ،اذا تطلبينه بإسلوب الخوف غيري اسلوبك اطلبي وانتي واققه انه بيقول طيب مثلاً انا معزومه على عرس وبروح اجهز نفسي وترى نطلع تقريباً الساعه 1 ،اشتغلي على نفسك حملي التليغرام واضيفي نوره الصفيري وطبقي تمارين الثقه بالنفس لمدة 21يوم تصيرين انسانه ثانيه ،اتركي الضعف خليك قويه وفيك حياه ،سوي اكشن ، فكري واقرأي وشوفي تغريدات ناعمه الهاشمي مره حلوه وفيها تنبيهات ،واقرأي لها قصص بقوقل وكيف انقذت وحده من الطلاق والله ييسر امرك وبشريني امانه لو بالخاص
lolo 110
•
الوحده تقدم تضحياتها لزوجها باول اشهر الزواج شافت فيه النكران تغير طبعها.....انت 10 سنين وانت تضحين..ايش الفايده الحين ....بس غيري طبعك وصيري عنيده ازا مو عاجبه شي واصري عرايك وزني عليه تطلعون بيت لوحدكم....ودخلي اهلك....ياكرهي للرجال ناكرين العشير اعوذ بالله مهما سويتي مايقدر....خلاص من الحين عيشي حياتك ولا تقهرين نفسك لسا العمر قدامك وانت بعز شبابك بتلحقي تغيري نفسك.....الله يبرد النار الي بصدرك...
أولاً الله يسعد ويفرج هم كل من دعا لي او حس فيني مجرد احساس بالنسبة للي تقول ليش وافقتي تسكني مع اهله انا كنت ف بيت لوحدي وبعدين ظروفنا صارت صعبه ومافي مجال نستأجر وماعنده وظيفة وقلت اصبر وربي يعوضنا
واللي تقول اطلبي ومن حقك تنعزمين وتروحين انا كل ماطلبت قلب الموضوع لزعل ورفض اي مكان اروح له واذا اصريت يقول موعاجبك كل واحد يروح في سبيل حاله واضطر اسكت واصبر لاني اهلي لهم سنين مقاطعيني بسبب مشاكل بينهم وبين زوجي وانا الضحيه لكن صرت افكر بالطلاق جدياً والله يابنات كل ماافتكر كلامه لي ودعاه لنفسه بالزوجه اللي تعوضه دموعي تنزل غصب عني افكر ف نفسي وان مالي احد غير ربي حتى اهلي مااقدر اشكي لهم احس اني خسرت كل شي لازوج ولاأهل ولاذريه تقر بها عيوني ولاحتى بيت يحفظ لي خصوصيتي راح عمري وانا اتفرج وابكي على حالي
لاتنسوني من دعاكم أخواتي😭😭😭
واللي تقول اطلبي ومن حقك تنعزمين وتروحين انا كل ماطلبت قلب الموضوع لزعل ورفض اي مكان اروح له واذا اصريت يقول موعاجبك كل واحد يروح في سبيل حاله واضطر اسكت واصبر لاني اهلي لهم سنين مقاطعيني بسبب مشاكل بينهم وبين زوجي وانا الضحيه لكن صرت افكر بالطلاق جدياً والله يابنات كل ماافتكر كلامه لي ودعاه لنفسه بالزوجه اللي تعوضه دموعي تنزل غصب عني افكر ف نفسي وان مالي احد غير ربي حتى اهلي مااقدر اشكي لهم احس اني خسرت كل شي لازوج ولاأهل ولاذريه تقر بها عيوني ولاحتى بيت يحفظ لي خصوصيتي راح عمري وانا اتفرج وابكي على حالي
لاتنسوني من دعاكم أخواتي😭😭😭
الصفحة الأخيرة
حسيت فيكك من قلتي نار فصدري