الحقوني ياعالم والله محتجاكم ارحمو من في الارض يرحمكم من في السماء

مساء الخير للجميع انا عضورة جديدة في المنتدى وسجلت عشان عندي موضوع مصيري لازم احدده وللاسف ماني قادرة ولا حتى احد قادر يريحني ويحله اتمنى من كل قلبي انكم تساعدوني والله حياتي جحيم وماني عارفة كيف اتصرف ودايما عايشة بقلق واحلم بكوابيس المهم انا عمري 19 سنة وعايشة بجدة ومخطوبة من انسان عيلته مشهورة جدا وليهم سمعتهم في البلد والمشكلة اني لي ثلاث اشهر مخطوبة ولسه ماملكت بصراحة خايفة املك واندم المهم المفروض فترة الخطوبة نتعرف على بعض وهوه دا الي صار للاسف اتعرفت عليه بما فيه الكفاية ودايما يطلب مني اشياء مااقدر اسويها اشياء مرة كبيرة ولما يكلمني بالتلفون يبغى يتكلم عن ....... طبعا فاهمين وانا مو عشان شي بس وربي اني مااعرف اتكلم بدي الاشياء ولما اقوله يزعل ويصرخ ويعصب ويقفل السماعة بوجهي ومايكلمني 2 او 3 ايام عادي عنده مايسال عني لازم انا الي ادق واصالحه طبعا بالاول كنت اصالحه لكن الحين مستحيل وللاسف الامور اتعقدت اكتر طبعا انا اعند وهوه يعند اكتر مني ومو بس كدا كل مانخرج مكان يجلس يطل في البنات ويعاكس فيهم عشان يقهرني ويتكلم معاهم بصوت عالي ولا زي كاني جنبه ومو بس كدا حركات مرة كتير يسويها معايا مالها داعي ولما اواجهه واقوله انا منجد نفسيتي تعبت ومااقدر اكمل معاك يقولي لاتخلي الشيطان يلعب في عقلك انا احبك ومن الكلام المعروف وانا احزن عليه واسامحه بس مرة قررت اني افسخ الخطوبة وابعد لانه سوى فيه حركة ماتتعمل خلاني ادخل المستشفى بسبها المهم كنت اكلمه على السمنجر ومايرد علي وانا ساعة اترجى فيه واقوله ياعمري ياحياتي وبرضو مو راضي يرد المهم دخلت بايميل صحبتي والله يابنات لسا مالحقت اضيفه تخيله ايش قال ...... هلا والله انت واحد ولا وحدة ... قولتلو انا وحدة وبدا شغل الشات والاسئلة الي عرفينها وربي اكتب وابكي من الفجعة وثلاث ايام مايكلمني ويدخل المسنجر يكلمها ومو بس كدا اعطاها رقم جواله كمان ساعتها انا انهرت طبعا واجهته ونكر وقالي مو انا دا اخوية وانا متاكدة انه هوه ومع كل دا برضو سامحتو والحين يبغى يسافر وبرضو ماحرم مايسال ولا يتصل وماني عارفة ايش اعمل استخرت مليون مرة ورحت الحرم كمان واحلم بكوابيس مو طبيعية الي مصبرني اهله عمر يماحلاقي زيهم بس ماني عارفة ايس اسوي انا محتارة وامي رافضة فكرة اني افسخ الخطوبة بالله ساعدوني الكلام الي قلتو مختصر على الي يسويه فيني ارحموني يرحمك الله ......... واسفة على الاطاله والله من حقرة قلبي