انا ولدي وهو بصف اول وحتى الحين كان يطلع في راسي نخلة وفيها بلح زيادة
بس تحسن شوية وصارت الشغلة عنده مزاج مرات يجلس ساعة قسم بالله وهو كاتب كلمة بس ومرات بسم الله علية في ربع ساعة مخلص درس كامل تخيلي
واليك الطريقة بس لازم تراعين ان عضلات يدة حتى لو صار في ثاني لازالت ضعيفة نوعا ما يعني ممكن ولدك ما يتحمل يكتب سطر كامل يعني انتبهي وترى التعب الي يجي الصغار من الكتابة ممكن يأثر على نفسيتة وثاني شي انتي خلي عندك شويت حزم يعني الدلع خلية فوق الثلاجة الين تخلصين مهمتك بس لا لضرب ولا للعنف ولا للكلام الجارح خلي كلامك يابطل يا سندي ..........الخ ثالثا وهو في صف اول كنت اكتب لة بالخط الخفيف وهو يعيد خلاص فترة وانتي سويها بتدريج يعني في البداية قطعه كاملة بعدين ثلاثه سطور وهويكمل الباقي حتى لواختلف خطة مافية مشكلة
كلو صبر زين
وخليك وراها بالتشجيع والتحفيز انتي وابوه حتى لو فرة بسيارة ويصير بعدين تقلين يقول ابوك اذا خلصت بدري بياخذك معاه السوق
وهوبعدين بيصير يقول لك اكتبي وانا اعيد من وراك في الاول ماطلي قولي طيب انت اكتب السطرين الاوله وانا بخلص شغلي واجيك وبعدين قولي لة قسسسسسسسسسسسسسسسم بالله خطك فلته يجججججججنن ماشاء الله انت كتبته لحالك
ورية الي في البيت كلهم والجيران والي يعدي من عند باب بيتكم وشوفي كيف الولد يصير وقولي كمل انت بخطك الجميل
واذا يخاف من معلمة ويحب يكون توب قدامه يصير بعدين تقلين والله مااسويلك شي وخلك روح عند المعلم وانت موكاتب الواجب ومافيها شي اذا صارو اخونة يلعبون ساعديه بكتابت سطرسطرين بخط خفيف وهو يعيد عشان مايتعقد انهم يلعبون وهولا بس مودايم هذي كانت طريقتي مع ولدي الحمد لله ارتحت كثير عن اول
المعذرة طولت واتمنى اني افدتك

اختي ورد الشتاء الصراحة انا لما كان في الصف الاول كنت اتبع نفس طريقتك يعني اكتب له بخط خفيف وهو يعيد بس السنة هذي ما ينفع لأن عنده املاء غير النسخ تخيلي يكون حافظ الاملاء بس لأنه مو مركز مع الاستاذ وبطئ جابلي صفر ..........عاد انا انقهرت اليوم بعد عنده املاء وقلتله تخيل ان الاستاذ معاك انت لوحدك ويمليك انته وحدك يعني ركز معاه واسبق زملاءك وباشوف النتيجة ان شاء الله خير

كثير الحركة محتاج رياضة يخرج بها طاقته وثقى انه راح يكون ذكى وبالنسبة للتركيز لااااازم جلسات عند الاخصائيه لمعالجة التشتت واخيرا لازم كل شىء بجدول واضح من الساعة كذا لكذا راح تنام بعد المدرسه ومن كذا لكذا راح نذاكر وراح نأخذ راحة من كذا لكذا وراح تنام الساعة كذا وتعلقيها على باب الدولاب عنده وطبعا لما يجيب لك درجات كويسه تشجعيه وتكافئيه باللى يحبه ولو ما طاعك تحرميه من اللى يحبه واعملى منافسه بين الاخوات اللى راح يجيب درجات اعلى له مكافأه اكبر وهكذا

التحفيز انا ابني الله يحفظه مانفع معه غير التهديد اذا ماكملت واجبك مافي لعب وجاب نتيجه معه

الله يوفقه ويهديه لدراسته وتفرحين فيه ياارب،،، اول شي الصبر وحاولي اذا خلص بسرعه تعطينه هدية بسيطه او اي شي يحبه ومع الوقت راح يزيد عنده الحماس انه يخلص مذاكرته بسرعه ،،، واهم شي قولي له اذا نجحت بالشهادة لك هدية ،،، عشان يتشجع انه يكون بالفصل شاطر ،،