انا طريقتي سهله ومعتمده عليها بشكل كلي ع طول استخدمها تحطي في الخلاط كوب زيت وكوب سكر و3ملاعق حليب نيدو و3 بيض وفانيلا تخلط زين وبعدها تصبيها في صحن وتضيفي لهادقيق بالتدريج مع ملعقتين باكنج باودر حتى تصير معك عجينه متماسكه ع شان تقدري تشكلي فيها واذا حابه تحطي زبده بدل الزيت يطلع احلى وبالعافيه ع قلبك

اسهل طريقه للغريبه معتمدتها وتطلع لذيذه وتذوب بالفم
كوب سمن نباتي مازولا اذوبه شوي على النار بدون ماايغلي اضيف كوب سكر ناعم (مطحون) واعجنهم سوى واضيف كوبين دقيق واعجنهم تكون العجينه تتفتت شوي خذي قطعه كوريها وشكليها ماتاخذ وقت بالفرن .