اللون الزهري @allon_alzhry
عضوة نشيطة
الحقوووني ... الريحة خنقتنا ... وش الحل ؟
السلام عليكم أخواتي في عالم حواء ... الله يخليه لنا ذا المنتدى .
ريحة فظيعة ... ريحة فظيعة تطلع الله يكرمكم من الحمامات في بيتي وأكثر شئ الاحظ إنها تطلع من فتحات المغاسل والله إنه ريحة البيت بدون مبالغة تصير كأنها زريبة أو حظائر حيوانات وتجيبلنا معاها الضيق والإكتئاب .
حمامات بيتي والحمد لله دائماً نظيفة والكراسي من نظافتها كأنها جديدة ماشاء الله ، حتى عيالي أنا معودتهم كيف يستعملو الحمام صح ومايخلوا أي أثر أو وسخ وراهم .
المشكلة إنه الريحة تخف في الصيف .. أما في الشتاء عذاب . :06:
تطلع الريحة من الحمامات والمغاسل فجأة والله ، وتختفي فجأة ، وتزيد في الليل ، والله إني صرت أشيل هم وأخاف لما يجيني ضيوف أخاف الريحة تفشلني .
جاب زوجي كم سباك وشاف الفتحات إلي في أرضية الحمامات وفتشها لقاها نظيفة وكب فيها موية نار ( مع إنه بيتي جديد من سنتين ) وبدون فائدة ولا عرفنا السبب .
واحد سباك قال أكسر أرضية الحمام وأشوف المواسير يمكن فيها حاجة وطبعاً زوجي رفض لأنه عارف إنه راح تكون حوسة وخسارة على الفاضي .
وسباك قال له نفتح غرفة التفتيش إلي برة.. ولو فتحناها يقول زوجي راح نصير مضطرين إننا نسحب البيارة دائماً .
معليش سامحوني طولت عليكم لكن والله من الضيق إلي فيني من هذه الريحة أحترنا وش سببها وكيف نتصرف .
الله يجزيكم خير إلي قد مرت عليها هذه الحالة تنصحني وش سوت ، أو إلي زوجها يعرف في ذي الأشياء أو يعرف سباك ممتاز وفاهم شغله صح تفيدني .
ومن فرج عن مؤمن كربة من كرب الدنيا فرج الله عنه كربة من كرب يوم القيامة .
33
10K
يلزم عليك تسجيل الدخول أولًا لكتابة تعليق.
صبي على فتحة البانيو كلوركس كوب كبير وقفلي فتحة البانيو بالسدادة حقتها وصبي على فتحة المغسلة كوب كبير كلوركس وقفليها بالسدادة حقتها ونفس الطريقة على مصرف المياة اللي يجي على الارض وما تستخدمي الحمام لمدة ساعتين او سوي الطرقة باللليل قبل النوم كرريها تقريبا كل يوم وحطي بالنهار على كل مصارف المياة اللي بالحمام مطهر كلوركس برائحة الفل لونة زهري ينظف ويعقم ويعطي رائحة حلوة وكل اسبوعين حطي على مصارف المياة فلاش امريكي وقفلي الحمام مع فتح مروحة الشفط حقت البيت كله
اختي جربي افتحي موية المغاسل شفتي البالوعة وانتي بكرامة اللي بأرضة الحمام افتحيها بتلقي ماصورة داخل هي اللي تصرف موية المغاسل البسي جوانتي وخذي كيس خليه
مثل الكورة وسدي الفتحة بالكيس وفكيه بسرعه لآن اندفاع المويه بيطلع اللي عالق فيهاحنا عانينا كثير من هالمشكلة الحين الحمدلله
جربي وشوفي انتبهي الكيس لايطيح داخل البالوعة
دغواتك لي
مثل الكورة وسدي الفتحة بالكيس وفكيه بسرعه لآن اندفاع المويه بيطلع اللي عالق فيهاحنا عانينا كثير من هالمشكلة الحين الحمدلله
جربي وشوفي انتبهي الكيس لايطيح داخل البالوعة
دغواتك لي
الصفحة الأخيرة
على العموم حاولي تصبي قاز في الفتحات لفترة وبعدين غسليها يمكن تروح الريحة او على الأقل تخف