الحقوووني تكفوون عجزت بدري

ياعمري انتي لا ياحياتي ان شاء الله ماعليك الا العافيه

وابشري عيوني ماطلبتي شي كل المكونات اللي بجيب لك طبيعيه يعني ان شاء الله مامنها كلافة

شوفي حياتي قلتي ان عندك كرش وانا بقولك على هالطريقة لقيتها بوحده من المنتديات ويقولن انها مضمونه بإذن الله
وبصراحة كلامها مررره حمسني



وهذي ياعمري خلطة ازالة الترهلات حاولت اجيب لك كل الخلطات المضمونه والمجربه وقلت انقلها لك بالنص عشان تقرين النتايج وتتحمسين تسوينها



اما جسمك شوفي حبيبتي خلي هذي صابونتك الدااائمه خلاص لاتشترين صابون استخدميها علطووول وشوفي النتايج

صابونة البقدونس لتفتيح والبياض



رزمة بقدونس

لكل نص رزمة فنجان ماي ورد يعني فنجانين ماي ورد

3 ملاعق نشاء

2 ملعقة حليب نيدو

قطرتين زيت زيتون لا تكثرين

صابونة الطاووس


الطريقة

قطعي البقدونس قطع صغيرة جدا مع سيقانها بس غسليها زين عن التراب

وحطيها بالخلاط وصبي فوقها فنجانين ماي الورد وخلطيهم بتصير كأنها ملووووخية

وحطي فوقها النشاء والحليب نيدو وخلطيها

بعدين جيبي قدر وحطيها ع النار وحطي الخلطة وحركي ع نار هادية وبشري الصابونة وكل شوي كبي وخلطي لين يذوب الصابون

وجهزي قالب ثلج

وبالملعقة عبي كل قالب لين يمتلي كلة ..


وحطيه بالفريزر ساعتين بس لا أكثر لأن إذا ثلج يخترب

وبعدين طلعيه بشوفينه قاسي وكأنه شمع بس ريحته تلوع الكبد خخخخ بس تحملي من أجل البياض كل شي..

وشيليه بالسكين بشويش عشان ما يت****ر وجيبي شاش من إسعافاتكم الأولية ولا من الشاش الملون اللي في بيبر مووون وحطي كل مكعب ولفيه ثلاث لفات وربطيه عشان يصير شكله حلو وحطيه في سله أو علبه وحطيه بالثلاجة ليوم كامل بعدين أستخدميه وإذا مر أسبوع طلعيه من الثلاجة وحطيه برا بالحمام ولا بالغرفة بس لازم يتعرض للهوا عشان يصير يابس زي الصابونة..


وسوي خلطة شالسالفة استمري عليها شهر مع حمام السونا وطالعي النتيجه شي بسم الله ماشاء الله يهببببببببببببببببببببببببببببببل

وهالخلطة مرررررررررررررره مشهورة مافيه احد مايعرفها ومافيه احد جربها وانتظم عليها الا واستفاد منها

خلطة شسالفه

المقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب

علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة


تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت

انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه


والأقداام

الخلطه السحريه للأقدااااام ..

بنات هالخلطه مو طبيعيه والله تخلي رجولك بيضااااااااااااااااااااء وصااااااافيه ونااااااعمه وتلمع

يعني بإختصار تطالعين فيها وانتي مستخسره تمشين عليها

هالخلطه كانت عندي من زمان بس ضاعت والحين الحمد لله لقيتها

الله يوفق صاحبتها ويجزاها عني الف خير

طبعا قبل ماتستخدمين هالخلطه

تكونين منقعه رجولك بمويه ساخنه فيها ملح خشن وخل التفاح لمدة عشر دقايق

بعدها تجففين رجولك وتجيبين الحجر الخفاف وتشيلين كل الجلد الميت

الخطوه الثانيه تكونين مجهزه هالخلطه

ويفضل تنامين فيها او تخلينها على رجولك على الأقل 3 ساعات

الخلطه هي

نص صابونه غار مبشوره

فتجان جلسرين

نص فتجان زيت زيتون

فنجان موية ورد

فتجان ونص ليمون

ملعقتين اكل خميره

ملعقتين اكل حليب بودره

ملعقه اكل نشا

فنجان عسل

علبه متوسطه فازلين

الطريقه:

حطي عصير الليمون على النار مع مويه الورد والصابون المبشور

خليه على النار لين يذوب الصابون بعدها ضيفي عليه بقيه المقادير

ثم شيلي من على النار وحطي عليه نص علبة فازلين العلبه مقاسها وسط

لو حسيتي ان الخلطه ثقيله زيدي الليمون ومويه الورد والجلسرين

الخلطه قوامها كريمي

اذا خلصتي حطيها بعلبه وللثلاجه وكل مابغيتي تستعملينها خذي شوي ودهني فيه رجولك

وغطيها بكيس بلاستيك وبعدين الشراب

والصباح فكي الكيس واغسليها وشووووووووفي النتيجه الخياليه

داومي على هالخلطه اسبوعين وقابليني اذا شفتي اثر للسواد او الخشونه



اممممممممممممممممممممم وش بعد ايه باقي اليدين

عاد هذي مالك الا الله ثمن خلطة بنت عذاري بإذن الله وحده بوحده




وبعد بحط لك رابط موضوع كنت مسويته من زمااان شااامل كل الخلطات للشعر والبشرة والجسم وفيه طريقة تزيل الشعر نهائيا

هذا هو الرابط

http://forum.hawaaworld.com/showthread.php?t=1443495


واي شي حبيبتي لا تترددين تساليني يمكن انسى ارجع للموضوع فراسليني خاص

ولاااااااااااااااااااازم كل الخلطات اللي قلت لك عنها من الكرش الين اليد تستمرين عليها شههههر كااااااااامل ماتنقطعين عشان تشوفين نتيجة على قولة أخوانا السورريين تخزي العين

لاتنسيني بدعواتك أن الله يرزقني بالزوج الصالح ويسخر لي

سبحان الله وبحمده سبحان الله العظيم

:)

ايه ونسيت اقولك حافظي على الترطييييب الترطططييب بعد كل حمام مهم جدا جدا جدا جدا

دهني جسمك بجلسرين سائل + زيت اللوز او اي كريم او زيت تفضلينه

:)

انصحك بشرب الماء مفيد جدا للتجاعيد