الحقوووني زوجي له اسبوع تاركني عند اهلي وسبب اهله

سلام عليكم





كيفكم ياحريم حوا ؟


الحقوووني زوجي له اسبوع تاركني عند اهلي وسبب اهله الله لااااا..مدري شقول وش ادعي :06:

تخيلو في رمضان مانفطر مع بعض

يفطر لحاله وبعدييين يطلع الين الصبح من بكره ويرجع ينام الين الفطور ونظامه كذا طوووووول رمضان

وصابره وساكته واذ بغيت شي ارسله مسج ويجيبه بعدها بثالث يوم!!

مانتكلم مع بعض ابدن كذا انقلب فجاه علي

يوديني لهلي كل اسبوعين وصابره وساكته ومتحمله واذ وداني ماوده يرجعني يخليني ايام خاصتن اذ هو في اجازه

يجلس يومين ثلاثه ماشاف بنته !!و احنا في بيت واحد !

صرنا ننام كل واحد بغرفه

رفض يتقضالي للعيد وصبرت وسكت وطلبت منه يوديني لهلي ورفض جا ليلة العيد بتحديد الساعه 11 ونص مسا يقول تبين تتقضين للعيد لك وللبنتك !!؟؟

قلت الحين توك تذكر !!!؟؟؟؟؟؟

قال ايه اخاوتي يبون يطلعون وبعطيك افلوس واطلع معهم !!!!!!عشان اخواتك قالولك ناقصه شي للعيد زوجتك تبي تسمع كلامهم وانا طووول الشهر اترجاك وترفض !!!

وكله عشان تذكر انو لزم اروح معه لعيال عمه واهله وامه هي اللي ذكرته

رفضت وقلت ماراح اشتري اي حاجه ولا راح اتعيد مع اي احد لن الوقت متاخر وانا من جو مقهووووووره
ماقال شي ومانام جا صبح العي راح تعايد مع اهله ورجع و قال بروح لجدتي عشان اعايد عليها وبعدها اوديك لهلك قلت ان شاء الله ماشلت هم اللبس لنو مافيه احد غير اهله

اه:44:واخواته كذالك ماقلتله ولا لمحتله بكذا بس متضايقه من الشي هذا ورحت لهلي لقيت اختي شاريه لي لبس الله يسلمها ورحت مع اهلي وتعيدت جلست فتره عندهم ومايتصل وسافر لديرته كم يوم هو وامه بس ةجا من بكره وجا اخذني من اهلي ورحت لهله وقال ماراح نطول عشان تكملي شغلك في البيت يوم طولنا عندهم سالته بنطول ولالا بس عشان يكون عندي خلفيه وماجاوبني وكان واعدني اروح لهلي عشان اذاكر للاختبارات بس سكت المهم
:(وت تعشينا وطلعنا قام يسب فيني في السياره ويغلط ويقول مابقى ال االفار ينفس ومادري ايش وش دخلك نطوول ولالا
كذا بدوون سابق انذار وانا اصلن ماقلت اي حاجه !!
رجعنا قلت اكيد اعصابه تعبانه لنو قايم بدري ودوام وسكت سويت نفسي مافيني اي شي وانا زعلانه ومتضايقه
وهو يعرف اذ زعلت انام لحالي واتركه واكره كمان ذاك اليوم بس تعوذت من الشيطان وتركت مفرشي وجلست اغسل شافني بنام معه قعد يستناني اخلص شغل ويسالني ليش هذا هنا وهذاك ليش هناك بس و:angry2:مماصارت اجوبتي ترضيه صاااااااااار (((((يقول انت يامريضه ماتسمعين)))انا هنا نزلت دمعتي ومعاد تحملت وغلطت عليه وجلسنا نتهاوش وقلت ماراح انام عندك اليوم قال الملائكه لعنتك ياااااااامريضه اكره الكلمه هذي بتقول يعني السب اهون بقول لكم ايييه لن اذ قالها انجرح من قلب قلت اصلن مو بس مونايمه عندك لا مو قاعده عندك في البيت واجهز اغراضي قال انا طالع للبقاله ارجع ومالقاك ماتلوم الا نفسك ضحكت من قلبي وقلت اعلمك مين المريضه وطلع وقفلت البيت وخليته بشارع جو الحووش لمدة ساعتين او اقل وهو يدق الجوال يقول معليش حبيبتي سامحيني وافتحي الباب الين صار يطق الباب بقوه وفتحته عشان مايفضحنا عند الجيران وقاام يغلط علي وقال مايسوي سواتك الااااا ((المريضه )) نقطة ضعفي لني مو اجتماعيه معتبرني مريضه المهم وراح نام وقام الصبح وراح دوامه ورجع ونام وقام في الليل وجلس يهوش ويطلب وانا اقول ابي اروح لهلي لني تعباانه مرره نفسين من امس وجبتله اللي يبي وصلحتله عشا قال بصلي وارجع اناااام يعني افهميها ابيكي فاضيه لي !!!!
انا مقهوره ومن معاملته لي بس ماعمري كنت ارفضه في الفراش حتى لو زعلانه بس ذاك اليوم
صرت اقاوم اكثر اليين انفجر وصاار يضرب بدون مايشوف مع كل مكان بجسمي وبعد ماشافني اصرخ وابكي بعد ربع ساعه ضرب ابعد قال تستاهلين عشان ثاني مره تسوين حركتك ذي وكنت وقتها ودي اطقه باي حاجه معاي من الم اللي احسه فيه ورحت لمه وقلت بتوديني لهلي ولالا ؟ ولا اكسرك لك البيييت كله قال مانيب موديك قلت تحمل مايجي وبديت اكسر البيت من القهر اللي حاسه فيه واذل وبعدها شافني اكسر جاي يمي وسحبني مع شعري وجلس يضربني ويبي يقفل علي في الغرفه وجرحت مع يديه بسكين وقفل علي اهله كانو مجتمعين تحت دقيت على اهلي يجون قالوا بنجيك الحين امه رقت اسمعها تقول طلاقهاااا طلاقهاااا قال مالك دخل اطلق ولالا وتجي يمي وتقول وش فيك تصرخين وتكسرين جعل الله .......الله لايوفقها اذ تبي تخرب بيني وبين رجلي المهم مافتحت لي وجلست ابكي وهو امه بره قاعده تستغل غضبه وتقنعه بطلاقي وبعدها جت امي وفتح لي قال شوفي يخاله وش سوت فيني يوريها يده جرح بسيط قال وخر بس و

امه تهووش تقول ليش ماقلتولنا بنتكم ماهيب صاحيه ومريضه انا خلااص اتنرفز وانا عمري ماغلطت عليه واحب دايم تجينا في بيتناااا
قلت انت من متى تدرين بفعيل ولد وجايه تفزعين معه و
قالت اعرف الاول وتالي انا هنا انصدمت لن دايم كان يقول انا ماو كل ماطق عود زيك اروح اقول لامي و
هنااااا دريت ليش هم تغيروو علي وكنت دايم اذ رحت لهلي امدحه عندهم مهما صار عشان مايخذو فكره شينه عنووو وكان دايم اذ قالوا له خلها تجي معنا لاي مكان يقول مشغول او ماتبي وكل هذا بدون مايسالني !!!!!!!!!!!!!!

وجهزت امي اغراضي وطلعت لبيت اهلي
اليوم ارسل سواق اهله وخذ بنتي :(
امه دقت على امي
ا تقول بنتك تبي تتسنع وتصير مثل مايبي ولدي ولاولا ووتقول ليش بنتك ماتبيني ادري وش
يصير بنهم ولاحلال عليكم وحرام علي!
لني كنت ارسله ليش كنت تقول لامك وتكذب علي !!وراح قال لامه المسج تخيلوا تفاهة وصغر عقله !!

كل كلمه قلتها له من تزوجنا عند امه وكنت بعض الاحيان اشتكيله زي اي زوجه عن الدراسه عن اي شي وصاااااار كل شي عند امه يعني حياتنا عندها زي الصفحه المفتوحه بس الشي الوحيد الفضيع اني زوجه ماقوم بشغال بيتي ولا اهتم فيه ولا بييته واكره اهله وكل هذاا مادري عنه وعرفت ليه اهله كرهوني والحين عند اهلي ورفض اني ادرررس مادري وش اسووي ودي اتركه بس بنتي مابيها تعيش بين ابو وام مفصولين

قولوا وش اسوي حطوا ونفسكم بمكاني ترضين حياتك واسرار بيتكم عند اهل زوجك بكل كلمه وحرف !؟
ترضين تعيشين مع واحد مايرضى يصرف عليك زي العالم وناس وهو مقتدر ؟؟

يذكر الطلاق على اتفه الامور حتى في المزح !!!!!!!؟<<<مابالغ صدقوني

عطوني حل جزاكم الله خيررر واتمنى تدعون انو مشكلتي تنحل وانا اسفه اني طولت عليك لنو كان نفسي افضفض لحد ومالقيت الا منتدى حو االعزيز