الحقوووني ما احب زوجي يقعد مع مرت اخوي و السبب.....

السلام عليكم

كل عام و أنتم بخير ... أسأل الله العلي القدير ان يتقبل منا صيامنا و قيامنا و سائر اعمالنا الصالحة ..

كيف حالكن يا خواتي ؟ اتمنى ان يكون كل شئ على ما يرام ...

و الله يا خواتي انا في ضيقه و نفسيتي مرره تعبانه و مو عارفه اييش اسوي ؟؟؟؟ و مين الصح و مين الغلط ؟؟؟ مين معاه حق ؟؟؟؟

مليون سؤال في راسي ؟؟؟
لا اعلم اذا الموضوع يستحق الذكر ام لا ؟؟؟؟؟

نفسيتي مرررررررررررررره تعبانه بسببه ... :icon33:

المهم ما ابغى اطول عليكم ...

مرت أخوي الكبير .. الله يهديها يا رب .... مستهتره بحجابها .... لما نقعد مع بعض... تلبس ملابس حجاب ضيقه و مرات جينز ضيق و بلوزه ضيقه و تحط مكياج كامل و تقعد بكل ثقه .. و طبعا اخوي هاوشها كثيير و هددها بس لا حياة لمن تنادي .. و مرات تحط المكياج في الشنطه و الكعب .. و تحطهم من ورى اخوي .... و الله يا بنات البنت مررره محترمه و طيبه ... يعني انا اما اشك باخلاقها ابدا ... و سالناها انتي لييش تسويين كذا قالت انا مو واثقه من شكلي .. عيوني صغار و بشرتي خرباااانه و احط مكياج عشان هذا السبب ... لا و يلي يقهرني تحطه بطريقه خادعه و لا كانها حاطه شي .. مع انها تكووون حاطه ملييوووون طبقة كريم اساس .. و تلبس ضيق و مرات تحط روج في فمها و تحط مناكيير فاقعة اللون .. و الصراحه يطلع شكلها مرره ملفت .... المهم انا مو هامتني هي هذا الموضوع بينها و بين ربها .. و لا هامني اخوي . هو المسكيين يحاول معاها بس مو قاعد يشد معاها كثيير عشان ما يخرب بيته لانه بينهم بنتين .. ساكت عشان هذوله البنتين .. انا مو هامني كل هذا .. بس يلي مضايقني شي واحد اتضايق كثيير انو زوجي يقعد معاها ما اتحمل ... انا جميله و الحمد لله و ما ينقصني شي .

الموضوع مو غييره... بس و الله الشعور جدا مزعج . يا رب ما حدا منكم يحس بيلي احسه .. . تكون حاطه مكياج كامل و تلبس ضيق او عبايه ضيقه لا و بعد توها منفخه صدرها :mad:.. و مدري اييش و بعديين تقعد مع زوجي كذا .. و المشكله انه احنا عائله نقعد مختلط .. و مره من المرا ت امي عزمتنا و طبعا اخوي و مرته موجودين .... و انا تضايقت قلت لامي الصراحه مرت اخوي مستهتره كثيييير بحجابها و هذا الشي يزعجني .. يا ليت لو تفصلينا .. عصبت علي و قالت لي ما راح افصل العيله عشان حضرة جنابك .. و الله يا بنات انا عادي عندي زوجي يقعد مع زوجات اخوي . بس على شرط يكونوا محترمين نفسهم و مسترات و مراعيين شعوري .. يعني عندي مرت اخو ثانيه تقعد معاه و ما اكون متضايقه ابدا مع انها حلوه ما شاء الله عليها . بس تكون محترمه نفسها و متحجبه زي الاوادم مع انها تكون حاطه بس كحل بس مع كذا ما اتضايق ابدا ...

المهم امي راحت كلمت اختها الكبيره عشان تفضفض لها عن تصرفاتي و تحاول تقنعني ... و فعلا كلمتها و قالت لها عن السالفه .. و تفاجئت امي من ردها .. قالت لها بنتك معاها حق .. و من حقها انو ما تبغى زوجها يقعد معاها و هي بكامل زينتها ...

المهم امي اقتنعت خلاااص و قالت لي شكله فعلا معاكي حق و قالت خلااص راح اصير افصل الرجال عن النساء ..

و الله يا بنات انا واثقه بزوجي وواثقه من مرت اخوي و عارفه انهم محترمين و ثقتي كبيره فيهم . بس و الله الموضوع جدا مزعج .... مزعج كثيييييييييييييييييييييييييييييييير و مو قادره اتخيل زوجي يقعد معاها ...

مشكلتي الحيين انو اخوي عزمنا عند بيته في اول يوم رمضان و هو اخوي الكبير .. و ما اقدر ارفض العزيمه .. و ما اقدر افرض عليهم الفصل .. ما اقدر اقولهم افصلوا الرجال عن النساء ... لا و لانو العزيمه في بيتها اكييد ما راح تلبس عبايه راح تلبس ملابس حجاااب .. و الله لا يوريكم ملابس الحجاب حقتها الوان و ضيق و مدري اييش .. بتقولون رمضان .. لا هي ما يفرق معاها لا رمضان و لا غيره المهم عندها ما حد يشوفها بشكلها الاصلي و تكون حاطه مكياج كامل و لا فته للانظار .... هذا اهم شي عندها لانو عندها نقص المسكينه و تبغى تملأ هذا النقص ... و حتى مرت اخوي الثانيه مضايقه من الموضوع مررره ... و تقولي خلااص طفشت من الموضوع و صرت اطنش عشان ما اسوي مشاكل ...

و الله يا بنات انا مزعوجه و كل لما اذكر موضوع عزيمة اليوم اتضايق و احس بغثيان ما ودي اروووح بس بسببها و سبب تزينها ... مرره قاهرتني .. لا و يلي يقهرني انو امي تقووول لها لما تتزين من ورى اخوي صحيح زوجك ما يقدر يشوفك بس ربي يقدر يشوفك .. ردت على امي و بكل ثقه ربي غفور رحيم
:mad: >>>> معصبه حدها و الموضوع جدا زاعجها و مو عارفه كييف تتصرف

>>> صحيح انو ربي غفور رحيم و لكن بنفس الوقت شديد العقاب ...


و ارجع اقولكم يا بنات البنت محترمه كثيير و يمكن محترمه اكثر مني بس هي عندها مرض هو عدم الثقه بالنفس و خصوصا و هي صغيره الكل كان يعلق عليها ..

و تحب الظهرو بشكل مو طبيعي تحب انو الكل يشوفها و يقول لها انتي حلوه ...

بس اييش دخلني انا .. المفروووض تستحي على نفسها و تراعي مشاعري .. :icon33:

و الله يا بنات الموضوع جدا مضايقني .... و مسوي لي مشاكل مع اهلي ...
و حتى علاقتي فيها رسميه جدا ...

يا ربييييييييييييي اليوم العزيمه و ربي احس نفسي رايحه لنار جهنم مو لبيت اخوي بسبب مرته و حركاتها السخيفه ...

قولوا لي ايييش اسوي و كييف اتصرف ؟؟؟
و هل انا مبالغه في الموضوع و لا معاي حق ...

اذا مو معاي حق اغلقوا الموضوع ....